CM Revanth Reddy Practices Football : మెస్సీ కోసం రేవంత్ రెడ్డి స్పెషల్ ట్రైనింగ్!

Telangana Global Summit

డిసెంబర్ 13న ప్రపంచ ఫుట్‌బాల్ దిగ్గజం, గోట్ (GOAT) లియోనెల్ మెస్సీ హైదరాబాదులో అడుగుపెట్టనున్న సందర్భంగా తెలంగాణలో భారీగా ఉత్సాహం నెలకొంది. మెస్సీ 10 వర్సెస్ ఆర్ఆర్ 9 (Messi10 vs RR9) పేరుతో ముఖ్యమంత్రి ఎ. రేవంత్ రెడ్డి ఆధ్వర్యంలో ఒక ఎగ్జిబిషన్ మ్యాచ్ జరుగుతుందని వార్తలు వస్తున్న నేపథ్యంలో ముఖ్యమంత్రి స్వయంగా అందుకు సన్నద్ధమవుతున్నారు. ఫుట్‌బాల్ అంటే ఎంతో ఇష్టపడే రేవంత్ రెడ్డి, తన రోజువారీ బిజీ షెడ్యూల్ ముగిసిన తర్వాత కూడా, మైదానంలోకి దిగి ప్రత్యేక శిక్షణ తీసుకుంటున్నారు. రాష్ట్రం గ్లోబల్ స్థాయిలో దృష్టిని ఆకర్షించడంలో ఈ మ్యాచ్ ఒక ముఖ్య అడుగుగా భావిస్తున్నారు.

తన చిన్ననాటి నుంచే ఫుట్‌బాల్‌పై అభిమానం ఉన్న రేవంత్ రెడ్డి, ఈ క్రీడాకారుల కలయికను కేవలం ఒక కార్యక్రమంగా చూడకుండా, ఒక ముఖ్యమైన మ్యాచ్‌గా పరిగణిస్తున్నారు. అందుకనే, మెస్సీ లాంటి దిగ్గజ క్రీడాకారుడితో ఒకే మైదానంలో ఆడేందుకు సిద్ధమవుతూ, రోజూ దాదాపు 45 నిమిషాల పాటు శిక్షణ తీసుకుంటున్నారు. ముఖ్యమంత్రి కార్యాలయం నుంచి తెలుస్తున్న వివరాల ప్రకారం, ఆయన టచ్ (Touch), పేస్ (Pace) మరియు బేసిక్ మ్యానూవర్స్ (Basic Manoeuvres) వంటి ఫుట్‌బాల్ నైపుణ్యాలపై దృష్టి సారిస్తున్నారు. ఆదివారం కూడా, పూర్తి రోజు పని తర్వాత, అలసటను లెక్కచేయకుండా మైదానంలో ప్యాక్టీస్ చేయడం, క్రీడల పట్ల, ఈ ఈవెంట్ పట్ల ఆయనకున్న నిబద్ధతను తెలియజేస్తుంది.

Cm Revanth Reddy Practices

ఈ ఫ్రెండ్లీ మ్యాచ్ డిసెంబర్ 13న ఉపాల్‌లోని రాజీవ్ గాంధీ అంతర్జాతీయ స్టేడియంలో జరగనుంది. ఈ సందర్భంగా మెస్సీ తన ప్రసిద్ధి చెందిన నంబర్ 10 జెర్సీని ధరించనుండగా ముఖ్యమంత్రి రేవంత్ రెడ్డి నంబర్ 9 జెర్సీ (RR9) తో మైదానంలోకి దిగుతారు. ముఖ్యమంత్రి జట్టులో ప్రభుత్వ పాఠశాలల్లోని ప్రతిభావంతులైన విద్యార్థులను కూడా చేర్చనున్నట్లు తెలుస్తోంది. ఈ మెగా ఈవెంట్ ద్వారా తెలంగాణ రైజింగ్ (Telangana Rising) ఇనీషియేటివ్‌ను ప్రపంచానికి చాటి చెప్పాలని ప్రభుత్వం లక్ష్యంగా పెట్టుకుంది. ఈ మ్యాచ్ జరగకముందే, నగరంలో అభిమానుల ఉత్సాహం మరియు అంచనాలు తారాస్థాయికి చేరాయి, మెస్సీ రాకతో హైదరాబాద్‌కు కొత్త గ్లోబల్ గుర్తింపు లభించనుందనే ఆనందం అందరిలోనూ కనిపిస్తోంది.

Follow us