Delimitation Bill : ప్రజాస్వామ్యాన్ని కాపాడుకున్నాం అంటూ సీఎం రేవంత్ హర్షం

Merger of 37 villages into Future City: CM Revanth

లోక్‌సభలో 131వ రాజ్యాంగ సవరణ బిల్లు ఆమోదం పొందకపోవడాన్ని తెలంగాణ ముఖ్యమంత్రి ఎనుముల రేవంత్ రెడ్డి “ప్రజాస్వామ్యానికి లభించిన ఘనవిజయం”గా అభివర్ణించారు. ఈ రోజూ భారత చరిత్రలో ఒక మైలురాయిగా నిలిచిపోతుందని ఆయన వ్యాఖ్యానించారు. కాంగ్రెస్ అగ్రనేతలు రాహుల్ గాంధీ, మల్లికార్జున ఖర్గేల నేతృత్వంలో విపక్షాలన్నీ ఏకతాటిపైకి వచ్చి నిలబడటం వల్లే దేశంలో ప్రజాస్వామ్య విలువలను కాపాడుకోగలిగామని ఆయన పేర్కొన్నారు. కేవలం రాజకీయ లబ్ధి కోసం కేంద్రం తీసుకొచ్చిన నిబంధనలను విపక్షాలు సమర్థవంతంగా అడ్డుకున్నాయని రేవంత్ రెడ్డి ఆనందం వ్యక్తం చేశారు.

విపక్ష నేతలకు ధన్యవాదాలు – ‘ఇండియా’ కూటమి ఐక్యత

ఈ బిల్లును వ్యతిరేకించడంలో కీలక పాత్ర పోషించిన దేశవ్యాప్త విపక్ష నేతలందరికీ సీఎం రేవంత్ రెడ్డి పేరుపేరునా కృతజ్ఞతలు తెలిపారు. ఎం.కె. స్టాలిన్, మమతా బెనర్జీ, అఖిలేశ్ యాదవ్, శరద్ పవార్, ఉద్ధవ్ థాకరే, లాలూ ప్రసాద్ యాదవ్, హేమంత్ సోరెన్, ఫరూక్ అబ్దుల్లా, నవీన్ పట్నాయక్, అరవింద్ కేజ్రీవాల్‌తో పాటు కమ్యూనిస్టు పార్టీల నేతలను ఆయన అభినందించారు. విభిన్న సిద్ధాంతాలు కలిగిన పార్టీలన్నీ రాజ్యాంగ రక్షణ కోసం ఒకే అజెండాతో ముందుకు రావడం శుభపరిణామమని, ఇది భవిష్యత్తులో కేంద్రంపై పోరాటానికి బలమైన పునాది అని ఆయన తన ట్వీట్‌లో పేర్కొన్నారు.

డీలిమిటేషన్ లింకుపై నిరసన – తెలంగాణ ప్రయోజనాలే ముఖ్యం

మహిళా రిజర్వేషన్లను డీలిమిటేషన్ (నియోజకవర్గాల పునర్విభజన) తో ముడిపెట్టడం ద్వారా దక్షిణాది రాష్ట్రాలకు, ముఖ్యంగా తెలంగాణకు అన్యాయం చేసే కుట్ర జరుగుతోందని రేవంత్ రెడ్డి మొదటి నుంచీ హెచ్చరిస్తూనే ఉన్నారు. జనాభా ప్రాతిపదికన సీట్ల విభజన జరిగితే తెలంగాణ వంటి అభివృద్ధి చెందిన రాష్ట్రాల ప్రాతినిధ్యం పార్లమెంటులో తగ్గే ప్రమాదం ఉందని, దానిని అడ్డుకోవడంలో భాగంగానే ఈ బిల్లు వీగిపోవడం మేలు చేసిందని ఆయన భావిస్తున్నారు. రిజర్వేషన్లు ఇవ్వాలనే ఉద్దేశం ఉంటే ఎటువంటి షరతులు లేకుండా, తక్షణమే అమలు చేయాలని ఆయన కేంద్ర ప్రభుత్వాన్ని డిమాండ్ చేశారు.

Follow us