Jubilee Hills ByElection : బీజేపీ–బీఆర్ఎస్ రహస్య ఒప్పందం బట్టబయలు
Jubilee Hills ByElection : జూబ్లీహిల్స్ ఉప ఎన్నిక తో తెలంగాణ రాజకీయ వాతావరణం మరింత ఉత్కంఠభరితంగా మారింది. కాంగ్రెస్ పార్టీ పట్ల పెరుగుతున్న ప్రజా మద్దతును అడ్డుకోవాలనే ఉద్దేశ్యంతో బీజేపీ, బీఆర్ఎస్ పార్టీల మధ్య రహస్య ఒప్పందం
- Author : Sudheer
Date : 30-10-2025 - 10:29 IST
Published By : Hashtagu Telugu Desk
జూబ్లీహిల్స్ ఉప ఎన్నిక తో తెలంగాణ రాజకీయ వాతావరణం మరింత ఉత్కంఠభరితంగా మారింది. కాంగ్రెస్ పార్టీ పట్ల పెరుగుతున్న ప్రజా మద్దతును అడ్డుకోవాలనే ఉద్దేశ్యంతో బీజేపీ, బీఆర్ఎస్ పార్టీల మధ్య రహస్య ఒప్పందం ఉన్నట్టు బహిర్గతమవుతోంది. కాంగ్రెస్ గెలవకూడదనే ఒక్క లక్ష్యంతో బీఆర్ఎస్ నేతలు బీజేపీ అభ్యర్థులకు మద్దతు ప్రకటిస్తున్నారని ఆరోపణలు వెల్లువెత్తుతున్నాయి. ఇది ప్రజాస్వామ్య వ్యవస్థకు అవమానకరం. ప్రజల అసంతృప్తిని రాజకీయ ప్రయోజనాల కోసం వినియోగించుకోవాలనే బీఆర్ఎస్ ప్రయత్నం ఇప్పుడు బహిరంగంగా బయటపడింది. ఈ సన్నాహకాలు ప్రజలను మోసం చేయాలనే మరో ఎత్తుగడగా ప్రజలు భావిస్తున్నారు.
ఇక కేటీఆర్ మరియు సునీత రాజకీయ ప్రవర్తనపై కూడా ప్రజల్లో తీవ్ర విమర్శలు వినిపిస్తున్నాయి. ఒకప్పుడు ప్రజల నమ్మకంతో మూడు సార్లు గెలిచిన నేత ఇప్పుడు తన కుటుంబ సభ్యుల ఓటమి భయంతో వ్యూహాలు పన్నడం, మరో పార్టీకి మద్దతు ఇవ్వడం రాజకీయ నీతికి విరుద్ధం. సునీత ప్రజల మధ్య తిరిగే ప్రయత్నం చేస్తున్నప్పటికీ, ప్రజలు నేరుగా ప్రశ్నిస్తున్నారు – “మా ప్రాంత అభివృద్ధికి మీ భర్త ఏమి చేశారు?” అని. ఈ ప్రశ్నలకు సరైన సమాధానం చెప్పలేకపోవడంతో వారు సానుభూతి రాజకీయాన్ని ఆడే ప్రయత్నం చేస్తున్నారు. కానీ ప్రజలు ఇప్పుడు చైతన్యవంతులు, సానుభూతి కార్డులు పనిచేయవని స్పష్టమవుతోంది.
తెలంగాణ ప్రజలు స్పష్టమైన అవగాహనతో ఉన్నారు. మోసపూరిత రాజకీయం, స్వార్థపూరిత ఒప్పందాలు, నాటకాలన్నీ బహిర్గతమవుతున్నాయి. ప్రజల తీర్పే చివరికి అసలైన శక్తి. ఎవరెంత మాయాజాలం చేసినా, ప్రజల మనసును మోసం చేయడం సాధ్యం కాదు. ఈ ఎన్నికల్లో ప్రజలు అవినీతి, కుట్ర, మోసాల రాజకీయాలకు గట్టి చెక్ పెట్టే అవకాశం ఉంది. ప్రజాస్వామ్యాన్ని కాపాడే శక్తి ప్రజలే, వారే చివరికి నిర్ణయాత్మక తీర్పు ఇవ్వబోతున్నారు.
