IT Raids: ఐటీ రైడ్స్ కలకలం.. బీఆర్ఎస్ ఎమ్మెల్యే అభ్యర్థి ఇంట్లో సోదాలు

IT Raids: నల్గొండలో ఐటీ రైడ్స్ (IT Raids) కలకలం రేపుతున్నాయి. మిర్యాలగూడ బీఆర్ఎస్ ఎమ్యెల్యే అనుచరుల ఇళ్లలో సోదాలు జరుగుతున్నాయి. పవర్ ప్రాజెక్ట్స్ తో పాటు పలు బిజినెస్ లో ఉన్న ఎమ్మెల్యే నల్లమోతు భాస్కర్ రావు కుటుంబం. గురువారం ఉదయం నాలుగు గంటల నుంచే అకస్మతిక తనిఖీలు చేస్తున్నారు అధికారులు. మిర్యాలగూడ బీఆర్ఎస్ అభ్యర్థి నల్లమోతు భాస్కర్ రావు ఇళ్లు, కార్యాలయాల్లో ఐటీ సోదాలు జరుగుతున్నాయి.

నల్లమోతు భాస్కర్ రావుకు దేశ వ్యాప్తంగా పలు బిజినెస్ లు నిర్వహిస్తున్నారు. పవర్ ప్రాజెక్టుల్లో ఆయన పెట్టుబడులు పెట్టినట్లు తెలుస్తోంది. అయితే ఎన్నికల్లో ఖర్చు చేసేందుకు భారీగా డబ్బు నిల్వచేసినట్లు ఆరోపణలు ఉన్నాయి. ఈ మేరకు సమాచారం అందుకున్న ఐటీ అధికారులు ఆయన ఇళ్లు, కార్యాలయాలపై దాడులు చేశారు. 40 బృందాలతో ఆయనకు చెందిన ఇళ్లు, కార్యాలయాల్లో ఐటీ అధికారులు సోదాలు చేస్తున్నారు.

Also Read: Records: రికార్డులతో హోరెత్తిన వాంఖడే స్టేడియం.. తొలి సెమీస్ లో నమోదైన రికార్డులు ఇవే..!

తెలంగాణలో ఇంకోసారి ఐటీ అధికారులు కొరడా ఘుళిపిస్తున్నారు. ఉదయం 4 గంటల నుంచే 40 బృందాలు రంగంలోకి దిగాయి. హైదరాబాద్ లోని విజం శ్రీధర్ రావు ఇంట్లో మిర్యాలగూడలోని వైదేహి టౌన్ షిప్ లోను సోదాలు కొనసాగుతున్నాయి. మిర్యాలగూడ బీఆర్ఎస్ ఎమ్మెల్యే నల్లమోతు భాస్కర్ రావు అనుచరుడిగా పేరుంది. ఎన్నికల కోసం భారీగా డబ్బులు నిల్వ ఉంచారన్న ఆరోపణలతో ఐటీ అధికారులు అకస్మతిక తనిఖీలు చేపట్టారు.

We’re now on WhatsApp. Click to Join.

నల్గొండ బీఆర్ఎస్ నేతల్లో గుబులు మొదలయింది. రియల్ ఎస్టేట్ సంస్థల వద్ద పెద్ద ఎత్తున సొత్తును దాచిపెట్టారని ఐటీ అధికారులు అనుమానిస్తున్నారు. బీఆర్ఎస్ పార్టీ నేతల నగదు అంతా ఇప్పటికే నియోజకవర్గాలకు చేరిందని తెలుసుకున్న ఆదాయపు పన్ను శాఖ అధికారులు ప్రతి నియోజకవర్గం పై ఫోకస్ పెట్టినట్లు తెలుస్తుంది. ఇక నుంచి ప్రతి రోజు దాడులు నిర్వహించేందుకు ప్రణాళికలు సిద్దం చేసుకున్నట్లు సమాచారం.