CM Revanth Reddy : యూనివర్సిటీల్లో ఖాళీల భర్తీపై సీఎం రేవంత్‌ రెడ్డి కీలక ఆదేశాలు..

CM Revanth Reddy : హైదరాబాద్‌లోని డా. బీఆర్ అంబేద్కర్ సార్వత్రిక విశ్వవిద్యాలయంలో భారతరత్న డాక్టర్ బీఆర్ అంబేద్కర్ విగ్రహాన్ని తెలంగాణ ముఖ్యమంత్రి రేవంత్ రెడ్డి ఆవిష్కరించారు. ఈ కార్యక్రమంలో స్కిల్ డెవలప్‌మెంట్ సెంటర్, డిజిటల్ రిసోర్స్ సెంటర్, సెంట్రల్ ఇన్స్ట్రుమెంటేషన్, ఎసెన్షియల్ స్టాఫ్ క్వార్టర్స్ వంటి అనేక కొత్త ప్రాజెక్టులకు సీఎం శంకుస్థాపన చేశారు. ఈ సందర్భంగా సీఎం రేవంత్ రెడ్డి మాట్లాడుతూ, అంబేద్కర్ రచించిన రాజ్యాంగం అమలులోకి వచ్చిన రోజు ఎంతో ప్రతిష్ఠాత్మకమైందని చెప్పారు. కానీ, రాజ్యాంగ పరిరక్షణ గురించి చర్చ జరగాల్సి రావడం దురదృష్టకరమని అభిప్రాయపడ్డారు. ప్రభుత్వాలు కార్పొరేట్ విద్యను ప్రోత్సహించి, ప్రభుత్వ రంగ విద్యను నిర్వీర్యం చేయాలని చూస్తున్నాయని ఆరోపించారు.

 Mass Jathara : రవితేజ మాస్ జాతర గ్లింప్స్ వచ్చేసింది.. మనదే ఇదంతా..

తాను ముఖ్యమంత్రిగా ప్రమాణ స్వీకారం చేసిన నాటి నుంచి కేబినెట్ ఎంపికకు ఎంత ప్రాధాన్యత ఇచ్చానో, వీసీల నియామకానికి కూడా అంతే ప్రాధాన్యత ఇచ్చానని పేర్కొన్నారు. ఉన్నత విద్య ప్రమాణాలను మెరుగుపర్చేందుకు సమాజంలోని అన్ని వర్గాలకు సమాన అవకాశాలు కల్పించామని వెల్లడించారు. వీసీల నియామకంతో తమ బాధ్యత పూర్తైందని అనుకోవడం లేదని అన్నారు.

సీఎం రేవంత్ రెడ్డి కొత్తగా నియమితులైన వీసీలకు యూనివర్సిటీల్లో ఖాళీగా ఉన్న ఉద్యోగాలను వెంటనే భర్తీ చేయాలని ఆదేశించినట్లు తెలిపారు. 2024 నుంచి 2034 వరకు తెలంగాణ సమాజం తమ ప్రభుత్వానికి అవకాశం ఇస్తుందని నమ్మకంగా తెలిపారు. పదేళ్ల కాలంలో ఎన్నో అద్భుతాలను సృష్టించేందుకు తాను సిద్ధంగా ఉన్నట్లు వెల్లడించారు.

యూనివర్సిటీల ప్రైవేటీకరణను ఎవ్వరైనా ఆలోచించినా అది అసాధ్యమని స్పష్టంచేశారు. యూనివర్సిటీల ద్వారా దేశానికి ఎన్నో గొప్ప పార్లమెంటేరియన్లు, విద్యావేత్తలు వచ్చారని గుర్తు చేశారు. అలాంటి యూనివర్సిటీలను నిర్వీర్యం చేసే ప్రయత్నాలను సహించబోమని స్పష్టం చేశారు.

యూజీసీ నిబంధనల పేరుతో యూనివర్సిటీలపై పెత్తనం చేయాలని చూస్తున్నారని, ఈ నిబంధనలను కుట్రపూరితంగా మార్చాలని ప్రయత్నిస్తున్నారని సీఎం ఆరోపించారు. తెలంగాణలోని యూనివర్సిటీలకు ఢిల్లీలోని అధికారులు వీసీలను నిర్ణయించే దిశగా వెళ్తున్నారని ఆందోళన వ్యక్తం చేశారు. ఇది ఒక పెద్ద సాంస్కృతిక దాడి కుట్రగా భావిస్తున్నామని అన్నారు.

“మా ప్రాంతాలపై దండయాత్ర చేసే ప్రయత్నాలను మేము సహించము. కేంద్రం తీరును రాజ్యాంగంపై దాడిగా పరిగణిస్తాం. ప్రజాస్వామ్య వ్యవస్థ మూలాలపై దాడి చేయడం సరికాదు,” అని ఆయన ప్రధానమంత్రిని ఉద్దేశించి అన్నారు.

పద్మభూషణ్, పద్మశ్రీ అవార్డుల కోసం తెలంగాణ నుంచి ప్రతిపాదించిన పేర్లను కేంద్రం పట్టించుకోకపోవడం బాధాకరమని అన్నారు. అయితే మిత్రుడు మందకృష్ణ మాదిగకు అవార్డు వచ్చినందుకు అభినందనలు తెలిపారు. ఓపెన్ యూనివర్సిటీలలో చదివే విద్యార్థులకు ఫీజు రీయింబర్స్‌మెంట్ అందించాలని, ప్రొఫెసర్ల రిటైర్మెంట్ వయస్సును 65 ఏళ్లకు పెంచాలని ప్రభుత్వం ఆలోచిస్తున్నట్లు సీఎం వెల్లడించారు. సీఎం రేవంత్ రెడ్డి చేసిన ప్రసంగం విద్యా రంగంలోని అనేక సమస్యలపై ప్రభుత్వ పట్టుదల, ప్రజల సంక్షేమంపై నిబద్ధతను స్పష్టంగా ప్రతిబింబిస్తోంది.

Health Tips: ఖాళీ కడుపుతో పుట్నాలు,బెల్లం కలిపి తింటే ఏం జరుగుతుందో మీకు తెలుసా?