BC Reservations : BC రిజర్వేషన్ల సాధనకు త్వరలో కార్యాచరణ – కవిత

Bc Reservation Kavitha

తెలంగాణలో బీసీ రిజర్వేషన్ల (BC Reservations) అంశం రాజకీయంగా వేడెక్కుతోంది. బీసీ రిజర్వేషన్ల సాధన కోసం త్వరలో కార్యాచరణ ప్రకటిస్తానని ఎమ్మెల్సీ కవిత(Kavitha) స్పష్టం చేశారు. ఈ సందర్భంగా ఆమె కాంగ్రెస్ ప్రభుత్వంపై తీవ్ర స్థాయిలో విమర్శలు గుప్పించారు. రాహుల్ గాంధీ ప్రధాని అయ్యాకే రిజర్వేషన్లు ఇస్తామని ఎన్నికల ముందు ఎందుకు చెప్పలేదని ప్రశ్నించారు. ఇది బీసీలను వంచించే చర్య అని కవిత ఆరోపించారు. కాంగ్రెస్ పార్టీ తరపున 42% రిజర్వేషన్లు ఇస్తామనేది కేవలం కంటితుడుపు చర్య అని, ఇది చిత్తశుద్ధికి నిదర్శనం కాదని ఆమె విమర్శించారు.

MP Avinash Reddy Arrest : MP అవినాశ్ రెడ్డి అరెస్ట్

బీసీ రిజర్వేషన్ల కోసం పోరాటం కొనసాగుతుందని, ఈ విషయంలో ప్రభుత్వంపై ఒత్తిడి పెంచేందుకు అఖిలపక్షాన్ని ప్రధాని వద్దకు ఎందుకు తీసుకెళ్లడం లేదని ఆమె ప్రశ్నించారు. బీసీ నేతలు, తెలంగాణ జాగృతి కార్యకర్తలతో సమావేశమైన కవిత, ఈ అంశంపై భవిష్యత్తులో చేపట్టాల్సిన కార్యాచరణ గురించి చర్చించారు. ఇప్పటికే తెలంగాణ జాగృతి ఆధ్వర్యంలో బీసీ రిజర్వేషన్ల కోసం పలు పోరాటాలు చేస్తున్నామని, బీసీల హక్కుల కోసం ఎల్లప్పుడూ పోరాడుతామని ఆమె పునరుద్ఘాటించారు.

Gut Health : మీ ఒంట్లో విషవాయువులు పెరిగిపోతున్నాయా..? వన్స్ గట్ హెల్త్ చెక్ చేసుకోండి

బీసీ రిజర్వేషన్ల సాధన కోసం రాష్ట్రంలోని బీసీలంతా ఏకం కావాలని కవిత పిలుపునిచ్చారు. ఈ విషయంలో అధికార కాంగ్రెస్ పార్టీ అనుసరిస్తున్న వైఖరిని ఆమె తప్పుబట్టారు. తెలంగాణ జాగృతి అధ్యక్షురాలిగా, బీసీల హక్కుల కోసం నిరంతరాయంగా కృషి చేస్తానని ఆమె హామీ ఇచ్చారు. బీసీ రిజర్వేషన్ల అంశంపై కవిత ప్రకటించిన కార్యాచరణ రానున్న రోజుల్లో రాష్ట్ర రాజకీయాల్లో మరింత ఉద్రిక్తతకు దారితీసే అవకాశం ఉంది.

Follow us