WhatsApp banned: 37 లక్షల వాట్సాప్‌ ఖాతాలు బ్యాన్

Whatsapp Update

దిగ్గజ మెసేజింగ్ యాప్ వాట్సాప్ (WhatsApp) ప్రతి నెలా తమ నిబంధనలను ఉల్లంఘించిన ఖాతాలపై వేటు వేస్తోన్న విషయం తెలిసిందే. తాజాగా నవంబర్‌లో 37.16 లక్షల భారతీయ వాట్సాప్ (WhatsApp) ఖాతాలను నిషేధించింది. తమ మార్గదర్శకాలను ఉల్లంఘించినందుకుగానూ ఖాతాలు నిషేధించినట్లు వాట్సాప్ తెలిపింది. అక్టోబర్ కంటే 60 శాతం ఎక్కువ ఖాతాలపై వేటు వేసినట్లు వెల్లడించింది.

నవంబర్‌లో భారతదేశంలో 37.16 లక్షల ఖాతాలను నిషేధించినట్లు ఇన్‌స్టంట్ మెసేజింగ్ ప్లాట్‌ఫామ్ వాట్సాప్ బుధవారం తెలిపింది. ఇది గత నెలలో నిషేధించబడిన ఖాతాల కంటే దాదాపు 60 శాతం ఎక్కువ. కొత్త ఐటి రూల్స్ 2021కి అనుగుణంగా ఈ ఖాతాలను నిషేధించినట్లు మెటా యాజమాన్యంలోని వాట్సాప్ కూడా తెలియజేసింది. యూజర్ల నుంచి ఎలాంటి రిపోర్ట్ రాకముందే యాక్టివ్‌గా బ్యాన్ చేయబడిన 9.9 లక్షల ఖాతాలు కూడా ఇందులో ఉన్నాయని వాట్సాప్ తెలిపింది. అదే సమయంలో అక్టోబర్ నెలలో WhatsApp దేశంలో 23.24 లక్షల ఖాతాలను నిషేధించింది వాటిలో 8.11 లక్షల ఖాతాలు చురుకుగా నిషేధించబడ్డాయి.

నవంబర్ 1, 2022- నవంబర్ 30, 2022 మధ్య 37,16,000 వాట్సాప్ ఖాతాలు నిషేధించబడినట్లు ఇన్ఫర్మేషన్ టెక్నాలజీ రూల్స్ 2021 కింద భారతదేశం కోసం ప్రచురించబడిన నెలవారీ నివేదికలో WhatsApp పేర్కొంది. వీటిలో, 9,90,000 ఖాతాలు వినియోగదారుల నుండి ఎటువంటి నివేదికలు రాకముందే చురుకుగా నిషేధించబడ్డాయి. +91 ఫోన్ నంబర్ ద్వారా భారతీయ ఖాతా గుర్తించబడుతుంది. దేశంలో 400 మిలియన్లకు పైగా వినియోగదారులను కలిగి ఉన్న మెసేజింగ్ ప్లాట్‌ఫారమ్ నవంబర్‌లో దేశంలో 946 ఫిర్యాదు నివేదికలను స్వీకరించింది. 74 చర్యలను నమోదు చేసింది. WhatsApp ప్రతినిధి ప్రకారం.. IT రూల్స్ 2021 ప్రకారం మేము నవంబర్ 2022 నెలలో మా నివేదికను ప్రచురించాము. తాజా నెలవారీ నివేదికలో నమోదు చేయబడినట్లుగా WhatsApp నవంబర్ నెలలో 3.7 మిలియన్లకు పైగా ఖాతాలను నిషేధించింది అని తెలిపారు.

Also Read: XXX Rum: రమ్ బాటిల్‌పై ఉండే XXXకు అర్ధం ఏమిటో తెలుసా? పూర్తి వివరాలివే!!

అక్టోబరుతో పోలిస్తే నవంబర్ నెలలో వాట్సాప్‌కు వినియోగదారుల నుండి నిషేధంపై ఎక్కువ ఫిర్యాదులు అందాయి. నవంబర్ నెలలో WhatsApp వినియోగదారుల నుండి 946 ఫిర్యాదులను అందుకుంది. వాటిలో 830 ఫిర్యాదులలో ఖాతాదారుని నిషేధించాలనే ఫిర్యాదు ఉంది. ఇందులో 73 ఖాతాలపై మాత్రమే చర్యలు తీసుకున్నారు.

Follow us