UPI payments: ఫీచర్ ఫోన్ ని ఉపయోగిస్తున్నారా.. తెలుగు వాయిస్ తో అటువంటి ఉపయోగాలు?

Feature Phones

గతంలో యూపీఐ చెల్లింపు వ్యవస్థ కేవలం స్మార్ట్ ఫోన్ వినియోగదారులకు మాత్రమే అందుబాటులో ఉండేది. కానీ యూపీఐ 123 పే సేవలను ఎప్పుడైతే ప్రారంభించారో అప్పటినుంచి ఫీచర్ ఫోన్ వినియోగదారుల కోసం కూడా ఆ సేవలను అందుబాటులోకి తీసుకువచ్చాయి. కాగా ప్రస్తుతం వినియోగదారులు తమకు నచ్చిన భాషలో ఫోన్ మాట్లాడి యూపీఐ చెల్లింపులు చేయవచ్చట. ఈ సదుపాయాన్ని టోన్ ట్యాగ్ సంస్థ సరికొత్తగా తీసుకొచ్చింది.

ఈ టోన్ ట్యాగ్ సంస్థ దేశంలోని ప్రభుత్వ రంగ బ్యాంకుల భాగస్వామ్యంతో ఈ యూపీఐ 123 పే సేవలను ఈ ఏడాదిలో మొదలుపెట్టింది. కాగా ప్ర‌స్తుతం టోన్ ట్యాగ్‌ ఫ‌స్ట్ వాయిస్‌ సొల్యూష‌న్‌తో ఈ సేవ‌ల‌ను మ‌రింత‌ విస్త‌రించ‌నున్న‌ట్లు తెలిపింది. అయితే ఆ సంస్థ పట్టణ,గ్రామీణ భారతదేశము మధ్య ఉన్న అలాగే డిజిటల్ చెల్లింపుల అంతరాయాన్ని తగ్గిస్తుంది అని తెలిపింది. హిందీ , తమిళం, తెలుగు, మలయాళం, కన్నడ, బెంగాలీ వంటి ప్రాంతీయ భాషల్లో యూపీఐ 123 పే చెల్లింపులు చేసేందుకు అనుమ‌తిస్తుందని వెల్లడించింది.

కాగా ప్ర‌స్తుతం ఈ సేవ‌లు కొన్ని ప్రాంతీయ భాష‌ల‌లో మాత్ర‌మే అందుబాటులో ఉన్నాయి. కాబట్టి వీటిని త్వ‌ర‌లోనే గుజరాతీ, మరాఠీ, పంజాబీ వంటి మ‌రికొన్ని భాష‌ల‌లో కూడా అందుబాటులోకి తీసుకొస్తామ‌ని ఆ సంస్థ చెప్పుకొచ్చింది. చెల్లింపుల కోసం వినియోగదారులు 6366 200 200 ఐవీఆర్ నంబ‌ర్‌కు కాల్ చేసి వారి ప్రాంతీయ భాష‌ను ఎంపిక చేసుకుని ఆర్థిక లావాదేవీలు కొన‌సాగించ‌వ‌చ్చు. ఈ సేవ‌తో వినియోగ‌దారులు నిధుల‌ను బ‌దిలీ చేయ‌లేరు. యుటిలిటీ బిల్లు చెల్లింపులు, బ్యాలెన్స్ ఎంక్వైరీ, ఫాస్ట్‌ట్యాగ్ యాక్టివేషన్ లేదా రీఛార్జ్ వంటివి వాయిస్ ఉప‌యోగించి చేయ‌వ‌చ్చు.

Follow us