Tecno Phantom V: టెక్నో నుంచి ఫోల్డబుల్ స్మార్ట్ ఫోన్.. ఫీచర్స్ మామూలుగా లేవుగా!

ప్రముఖ స్మార్ట్ ఫోన్ తయారీ దిగ్గజ సంస్థ టెక్నో ఇప్పటికే భారత మార్కెట్ లోకి అనేక స్మార్ట్ ఫోన్ లను విడుదల చేసిన విషయం తెలిసిందే. ఒకదానిని మించి ఒకటి అత్యధిక ఫీచర్లు కలిగిన ఆ స్మార్ట్ ఫోన్ లను మార్కెట్ లోకి విడుదల చేసింది. అందులో భాగంగానే తాజాగా మరో సరికొత్త స్మార్ట్ ఫోన్ ని తీసుకువచ్చింది. మరి ఆ కొత్త స్మార్ట్ ఫోన్ కి సంబంధించిన ధర ఫీచర్ల విషయానికి వస్తే.. టెక్నో భారత మార్కెట్లోకి కొత్త ఫోల్డబుల్ ఫోన్ ను తీసుకొచ్చింది. టెక్నో ఫాంటం వీ ఫోల్డ్ 2 5జీ, ఫాంటం వీ ఫ్లిప్ 2 పేర్లతో ఈ ఫోన్ ను లాంచ్ చేశారు.

ఈ రెండు ఫోన్ లలో మీడియాటెక్ డైమెన్సిటీ చిప్ సెట్ ప్రాసెసర్ ను అందించారు. టెక్నో ఫాంటం వీ ఫోల్డ్ 2 5జీ ఫోన్ ఆండ్రాయిడ్ 14 ఆపరేటింగ్ సిస్టంతో పని చేస్తుంది. 6.42 అంగుళాల ఫుల్ హెచ్డీ+ అమోలెడ్ స్క్రీన్ , 7.85 అంగుళాల 2కే + అమోలెడ్ స్క్రీన్ డిస్ ప్లేను ఇందులో అందించారు. ఇకపోతే ఈ ఫోన్ కనెక్టివిటీ విషయానికొస్తే.. ఇందులో టెక్నో ఫాంటం వీ ఫోల్డ్ 2 5జీ ఫోన్ 5జీ, 4జీ ఎల్టీఈ, వైఫై 6ఈ, బ్లూటూత్ 5.3 వంటి ఫీచర్లను కూడా అందించారు. అలాగే యాక్సెలరో మీటర్, గైరోస్కోప్, అంబియెంట్ లైట్ సెన్సర్, ప్రాగ్జిమిటీ సెన్సర్, హాల్ సెన్సర్, ఈ కంపాస్, ఫ్లిక్కర్ సెన్సర్ ఫీచర్స్ ని కూడా అందించారు.

టెక్నో ఫాంటం వీ ఫ్లిప్ 2 5జీ ఫోన్ 6.9 ఇంచెస్ తో కూడిన ఫుల్ హెచ్డీ+ ఎల్టీపీఓ అమోలెడ్ స్క్రీన్ ను ఇచ్చారు. ఔట్ సైడ్ లో 3.64 ఇంచెస్ తో కూడిన అమోలెడ్ స్క్రీన్ ను ఇచ్చారు. కాగా ఈ టెక్నో ఫాంటం వీ ఫోల్డ్ 2 5జీ ఫోన్ ధర రూ.92,200 గా ఉంది. అలాగే టెక్నో ఫాంటం వీ ఫ్లిప్ 2 5జీ ఫోన్ రూ.58,600 గా నిర్ణయించారు. ఇకపోతే ఈ స్మార్ట్ ఫోన్ కెమెరా విషయానికొస్తే.. ఇందులో 50 మెగా పిక్సెల్ ప్రైమరీ సెన్సర్ కెమెరా, 50 మెగా పిక్సెల్ ఆల్ట్రావైడ్ కెమెరా, అన్ ఫోల్డ్ చేసినప్పుడు 32 మెగా పిక్సెల్ కెమెరా విత్ ఆటో ఫోకస్ ను అందించారు. ఈ నెల 23 నుంచి ఆఫ్రికాలో సేల్స్ ప్రారంభం అవుతాయి. త్వరలోనే ఈ పోన్ ని ఇండియాలోకి కూడా లాంచ్ చేయనున్నారు.