Redmi Note: రెడ్ మీ నోట్ 11 ఎస్ఈ ఫోన్ ధర తెలిస్తే షాక్ అవ్వాల్సిందే.. మరీ ఇంత తక్కువ రేటునా?

చైనాకు చెందిన ప్రముఖ మొబైల్ తయారీ సంస్థ షావోమీ ఇప్పటికే మార్కెట్లోకి పలు రకాల ఫీచర్లతో మొబైల్ ఫోన్లను అందుబాటులోకి తీసుకు వచ్చిన విషయం తెలిసిందే. అలాగే ఎప్పటికప్పుడు వినియోగదారుల కోసం అద్భుతమైన ఫీచర్లతో ఉన్న మొబైల్ ఫోన్లను మార్కెట్ లోకి విడుదల చేస్తున్నారు. ఈ క్రమంలోని తాజాగా రెడ్ మీ నోట్ 11ఎస్ఈ పేరుతో స్మార్ట్ ఫోన్ ను భారత మార్కెట్లో విడుదల చేశారు. అయితే ఈ ఫోన్ అందుబాటు ధరకే తీసుకురావడం ఆకర్షణీయంగా చెప్పవచ్చు.

6జీబీ ర్యామ్ అలాగే 64జీబీ స్టోరేజీతో ఒకటే వేరియంట్ గా వచ్చిన దీని ధర రూ.13,499. ఈ స్మార్ట్ ఫోన్ బ్లాక్,వైట్, బ్లూ రంగులలో లభిస్తోంది. కాగా ఆగస్ట్ 31 నుంచి ఫ్లిప్ కార్ట్, షావోమీ పోర్టల్, స్టోర్లలో ఈ స్మార్ట్ ఫోన్ లభిస్తుంది. కాగా రెడ్ మీ ఇప్పటికే నోట్ 11, నోట్ 11టీ 5జీ, నోట్ 11 ప్రో పేరుతో మూడు ఫోన్లను ఆఫర్ చేస్తోన్న విషయం తెలిసిందే. ఇకపోతే తాజాగా విడుదల అయిన రెడ్ మీ 11 ఎస్ఈ స్పెసిఫికేషన్లను పరిశీలిస్తే.. 6.43 అంగుళాల అమోలెడ్ డిస్ ప్లే, హోల్ పంచ్ కటౌట్ తో కూడిన డిజైన్, ముందు భాగంలో 13 మెగా పిక్సల్ కెమెరా, వెనుక భాగంలో 3 కెమెరాలు ఉన్నాయి.

మీడియాటెక్ హీలియో జీ 95 చిప్ సెట్ తో పనిచేస్తుంది. కాగా ఇందులో ప్రధాన కెమెరా మెగాపిక్సల్ 64 ఉండగా కెమెరాలో ఎక్కువ ఫీచర్ లు ఉన్నాయి. ఐపీ 53 రేటింగ్ తో వస్తుంది. 5,000 ఎంఏహెచ్ బ్యాటరీ, 33 వాట్ ఫాస్ట్ చార్జింగ్ సపోర్ట్ తో ఉంటుంది. రీడింగ్ మోడ్, సన్ లైట్ మోడ్స్ సైతం ఉన్నాయి.