Redmi Smart Watch: రెడ్‌మీ నుంచి సూపర్ స్మార్ట్ వాచ్ లు.. ధర, ఫీచర్స్ ఇవే?

చైనా స్మార్ట్ ఫోన్ దిగ్గజం రెడ్‌మీ కంపెనీ ఇప్పటికే మార్కెట్లోకి ఎన్నో రకాల స్మార్ట్ ఫోన్లతో పాటు స్మార్ట్ వాచ్ లు కూడా విడుదల చేసిన విషయం తెలిసిందే. ఎప్పటికప్పుడు సరికొత్త ఫీచర్లతో అతి తక్కువ ధరకే స్మార్ట్ వాచ్ అలాగే స్మార్ట్ ఫోన్లను విడుదల చేస్తూనే ఉంది రెడ్‌మీ సంస్థ. ఈ క్రమంలోనే తాజాగా రెడ్‌మీ కంపెనీ మార్కెట్లోకి రెండు కొత్త స్మార్ట్ వాచ్ లను లాంచ్ చేయనుంది. అయితే వాటిలో ఒకటి స్మార్ట్‌ వాచ్‌ కాగా, మరొకటి రెడ్‌ మీ బ్యాండ్‌. రెడ్‌మీ వాచ్‌3, రెడ్‌మీ బ్యాండ్‌ 2 పేరుతో ఈ గ్యాడ్జెట్స్‌ ను తీసుకొచ్చారు. మరి ఈ స్మార్ట్ వాచ్ ల ధర, ఫీచర్ ల వివరాల గురించి ఇప్పుడు మనం తెలుసుకుందాం..

రెడ్‌మీ బ్యాండ్‌2లో 172×320 పిక్సెల్ రిజల్యూషన్‌తో కూడిన 1.47 ఇంచెస్‌ కలర్‌ టీఎఫ్‌టీ డిస్‌ప్లేను అందించారు. ఈ స్మార్ట్ వాచ్ 210 ఎమ్‌ఏహెచ్‌ బ్యాటరీని సామర్థ్యంను కలిగి ఉండనుంది. అయితే ఈ స్మార్ట్‌ వాచ్‌ను ఒక్కసారి ఛార్జ్‌ చేస్తే 14 రోజుల పాటు ఉపయోగించుకోవచ్చు. రెడ్‌ మీ బ్యాండ్‌ 2 వంద వరకు బ్యాండ్‌ ఫేస్‌లకు సపోర్ట్‌ చేస్తుంది. అలాగే వాటర్‌, డస్ట్‌ రెసిస్టెన్స్‌ కోసం 5 ఏటీఎమ్‌ సర్టిఫికేట్‌ను కూడా అందించారు. అదేవిధంగా హార్ట్‌ బీట్‌, స్లీపింగ్‌ ట్రాక్‌, పీరియడ్స్‌ సైకిల్‌ మానిటరింగ్‌ లాంటి హెల్తీ ఫీచర్ లను కూడా ఇందులో అందించారు. కాగా రెడ్‌మీ వాచ్‌ 3 ఫీచర్ల విషయానికొస్తే..

ఇందులో 60 హెచ్‌జెడ్‌ రిఫ్రెష్‌ రేట్‌తో కూడిన 1.75 ఇంచెస్‌ ఓఎల్‌ఈడీ స్క్రీన్‌ను అందించారు. ఇక 289 ఎమ్ఏహెచ్‌ బ్యాటరీని కూడా అందించారు. అయితే ఈ స్మార్ట్ వాచ్ ఒక్కసారి చార్జ్‌ చేస్తే 12 రోజులపాటు ఉపయోగించుకోవచ్చు. ఈ స్మార్ట్‌వాచ్ 390×450 పిక్సెల్స్‌తో కూడిన డిస్‌ప్లేను అందించారు. ఇకపోతే ధర విషయానికొస్తే.. రెడ్‌మీ బ్యాండ్‌ 2 స్మార్ట్‌వాచ్‌ ధర రూ. 2000 కాగా రెడ్‌మీ వాచ్‌ 3 ధర రూ. 7000గా ఉండనుంది. త్వరలోనే ఈ స్మార్ట్ వాచ్ లు మార్కెట్లోకి విడుదల చేయనుంది రెడ్‌మీ సంస్థ. అయితే ఎప్పుడు విడుదల చేయనుంది అన్న తేదీని మాత్రమే ఇంకా ప్రకటించలేదు.