Realme: మార్కెట్లోకి మరో రియల్ మీ స్మార్ట్ ఫోన్.. విడుదలకు ముందే క్యూరియాసిటీని పెంచేస్తోందిగా!

చైనాకు చెందిన ప్రముఖ ఎలక్ట్రానిక్ దిగ్గజ సంస్థ రియల్ మీ ఇప్పటికే మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. బ్యాక్ టు బ్యాక్ స్మార్ట్ ఫోన్లను మార్కెట్లోకి విడుదల చేస్తూ వినియోగదారులను విపరీతంగా ఆకర్షిస్తోంది రియల్ మీ సంస్థ. ఈ క్రమంలోనే ఇతర కంపెనీలకు గట్టి పోటీని కూడా ఇస్తోంది. ముఖ్యంగా రియల్ మీ ఎక్కువ శాతం బడ్జెట్ స్మార్ట్ ఫోన్ లనే మార్కెట్లోకి విడుదల చేస్తోంది. అందరికీ అందుబాటులో ఉండే విధంగా ఎక్కువ శాతం బడ్జెట్ స్మార్ట్ ఫోన్ లను మార్కెట్లోకి విడుదల చేయడానికి ఆసక్తిని చూపిస్తోంది రియల్ మీ. అందులో భాగంగానే ఇప్పుడు మరో సరికొత్త స్మార్ట్ ఫోన్ లాంచ్ చేయడానికి సిద్ధమవుతోంది.

మరి ఆ వివరాల్లోకి వెళితే.. తాజాగా రియల్‌మీ నార్జో 70 టర్బో పేరుతో కొత్త ఫోన్‌ను లాంచ్‌ చేయనుంది. త్వరలోనే విడుదల కాబోతున్న ఈ స్మార్ట్ ఫోన్ కి సంబంధించి మరిన్ని వివరాల్లోకి వెళితే.. అయితే ఈ స్మార్ట్ ఫోన్ ఎప్పుడు లాంచ్ అవుతుంది అన్న విషయంపై ఇంకా ప్రకటన చేయలేదు. కానీ ఈ స్మార్ట్ ఫోన్ కి సంబంధించి నెట్టింట కొన్ని లీకులు వైరల్ అవుతున్నాయి. దాంతో విడుదలకు ముందే ఈ స్మార్ట్ ఫోన్ క్యూరియాసిటీని పెంచేస్తోంది. కాగా ఈ ఫోన్‌ను మోటార్ స్పోర్ట్ ఇన్ స్పైర్డ్ డిజైన్‌, న్యూ టర్బో టెక్నాలజీతో తయారు చేశారు. ఈ 5జీ స్మార్ట్ ఫోన్‌ స్క్వైర్కిల్ మాడ్యూల్ కెమెరాతో వస్తున్నట్లు స్పష్టమవుతోంది.

ఇకపోతే కెమెరా విషయానికొస్తే.. ఇందులో ఎల్ఈడీ ఫ్లాష్ యూనిట్ తో పాటు ట్రిపుల్ రేర్ కెమెరా యూనిట్‌ ను కూడా అందించనున్నారు. స్పీకర్ గ్రిల్లె, 3.5 ఎంఎం ఆడియో జాక్‌ ను అందించనున్నారు. అలాగే ఈ ఫోన్‌ ను నాలుగు స్టోరేజీ వేరియంట్స్‌ లో తీసుకొస్తున్నట్లు తెలుస్తోంది. వీటిలో 6జీబీ ర్యామ్ విత్ 128 జీబీ స్టోరేజీ, 8 జీబీ ర్యామ్ విత్ 128 జీబీ స్టోరేజీ, 8 జీబీ ర్యామ్ విత్ 256 జీబీ స్టోరేజీ, 12 జీబీ ర్యామ్ విత్ 256 జీబీ స్టోరేజీ వేరియంట్స్‌ తో నాలుగు స్మార్ట్ ఫోన్లను విడుదల చేయబోతున్నారట. అలాగే ఈ ఫోన్ ని గ్రీన్, పర్పుల్, ఎల్లో వంటి రకరకాల కలర్స్ లో తీసుకొస్తున్నట్టు తెలుస్తోంది. ఎలక్ట్రానిక్ ఇమేజ్ స్టెబిలైజేషన్ మద్దతుతో కూడిన 50 మెగా పిక్సెల్ రెయిర్‌ కెమెరాను, సెల్ఫీలూ వీడియో కాల్స్ కోసం 8 మెగా పిక్సెల్ ఫ్రంట్ కెమెరాను ఇవ్వనున్నారట.