Realme gt 5 pro: ఫీచర్స్ తో అదరగొడుతున్న రియల్‌మీ సరికొత్త స్మార్ట్ ఫోన్.. ధర వివరాలవే?

చైనాకు చెందిన స్మార్ట్ ఫోన్‌ ప్రముఖ దిగ్గజ సంస్థ రియల్‌మీ ఇప్పటికే భారత మార్కెట్లోకి ఎన్నో రకాల స్మార్ట్ ఫోన్లు విడుదల చేసిన విషయం తెలిసిందే. ఎప్పటికప్పుడు వినియోగదారులను ఆకర్షించడం కోసం కొత్త కొత్త స్మార్ట్ ఫోన్లను మార్కెట్ లోకి విడుదల చేస్తూనే ఉంది. అందులో భాగంగానే తాజాగా మరో సరికొత్త స్మార్ట్ ఫోన్ ని మార్కెట్ లోకి తీసుకువచ్చింది రియల్ మీ సంస్థ. తాజాగా రియల్‌మీ జీటీ5 ప్రో పేరుతో ఈ ఫోన్‌ను తీసుకొచ్చారు. చైనా మార్కెట్లో ఈ ఫోన్‌ను లాంచ్‌ చేయగా, త్వరలోనే భారత్‌లో తీసుకురానున్నారు.

మరి ఈ స్మార్ట్ ఫోన్ కి సంబంధించిన ధర ఫీచర్ల విషయానికి వస్తే.. ఇందులో స్నాప్‌డ్రాగన్‌ 8 జెన్‌ ఎస్‌ఓసీ ప్రాసెసర్‌ను అందించనున్నారు. ఆడ్రెనో 750 జీపీయూ గ్రాఫిక్స్‌ను ఇవ్వనున్నారు. ఇక స్క్రీన్ విషయానికొస్తే.. 6.78 ఇంచెస్‌తో కూడిన 1.5కే కర్వ్‌డ్‌ ఓఎల్‌ఈడీ డిస్‌ప్లేను ఇచ్చారు. 4500 నిట్స్‌ పీక్‌ బ్రైట్‌నెస్‌ ఈ స్క్రీన్‌ సొంతం. పంచ్‌ హోల్‌తో కూడిన 32 మెగాపిక్సెల్స్‌ కెమెరాను అందించారు. ఇక ఈ ఫోన్‌లో సోనీ ఎల్‌వైటీ-808తో కూడిన ఆప్టికల్ ఇమేజ్‌ స్లేబిలైజేషన్‌ను ఇచ్చారు. ఇకపోతే కెమెరా విషయానికొస్తే.. 50 మెగా పిక్సెల్ తో రెయిర్‌ కెమెరాను అందించారు. ఇక ఈ స్మార్ట్ ఫోన్‌ ఆండ్రాయిడ్ 14 ఆపరేటింగ్ సిస్టమ్‌తో పనిచేస్తుంది.

ఐపీ64 రేటింగ్‌తో డస్ట్‌, వాటర్‌ రెసిస్టెంట్‌ను అందించారు. ఇక రియల్‌మీ జీటీ5 ప్రో స్మార్ట్ ఫోన్‌లో 100 వాట్స్‌ వైర్డ్‌ ఛార్జింగ్‌, 50 వాట్స్‌ వైర్‌లెస్‌ ఛార్జర్‌కు సపోర్ట్ చేసే 5400 ఎమ్‌ఏహెచ్‌ బ్యాటరీని అందించారు. ధర విషయానికొస్తే.. 12 జీబీ ర్యామ్‌, 256 జీబీ స్టోరేజ్‌ ధర.. రూ. 46,900కాగా, 16 జీబీ ర్యామ్‌, 512 జీబీ స్టోరేజ్‌ వేరియంట్‌ ధర రూ. 50,400గా ఉంది. అయితే తాజాగా చైనా మార్కెట్లో విడుదల చేసిన ఈ స్మార్ట్ ఫోన్ ను త్వరలోనే భారత మార్కెట్లోకి కూడా విడుదల చేయనున్నారు..