Poco M6: కేవలం రూ.10 వేలకే అద్భుతమైన ఫీచర్లతో ఆకట్టుకుంటున్న పోకో సరికొత్త స్మార్ట్ ఫోన్?

చైనాకు చెందిన స్మార్ట్ ఫోన్ దిగ్గజ సంస్థ పోకో భారత మార్కెట్లోకి ఇప్పటికే ఎన్నో రకాల స్మార్ట్ ఫోన్లను విడుదల చేసిన విషయం తెలిసిందే. అలాగే ఎప్పటికప్పుడు వినియోగదారుల కోసం కొత్త కొత్త ఫోన్ లను మార్కెట్లోకి విడుదల చేస్తూనే ఉంది. అయితే వినియోగదారులకు అందరికి అందుబాటులో ఉండే విధంగా బడ్జెట్ ధరలో ఉండే స్మార్ట్ ఫోన్లు ఎక్కువగా మార్కెట్లోకి విడుదల చేస్తోంది. ఇందులో భాగంగానే తాజాగా మరో సరికొత్త స్మార్ట్ ఫోన్ మార్కెట్లోకి విడుదల చేయబోతోంది. మరి ఆ వివరాల్లోకి వెళితే.. కాగా పోకో సంస్థ పోకో ఎమ్‌6 5జీ పేరుతో ఈ ఫోన్‌ను తీసుకురాబోతోంది.

డిసెంబర్‌ 22వ తేదీన భారత మార్కెట్లోకి ఈ ఫోన్‌ను లాంచ్‌ చేయనున్నట్లు పోకో అధికారికంగా వెల్లడించింది. ఈ స్మార్ట్‌ ఫోన్‌ను ప్రముఖ ఈ కామర్స్‌ సంస్థ ఫ్లిప్‌కార్ట్‌లో డిసెంబర్‌ 22వ తేదీ మధ్యాహ్నం 12 గంటలకు అందుబాటులోకి రానుంది. ఈ స్మార్ట్‌ ఫోన్‌ ధర రూ. 10 వేల లోపు ఉండొచ్చని తెలుస్తోంది. ఇక కొనుగోలు సమయంలో పలు బ్యాంక్‌ కార్డులపై డిస్కౌంట్స్‌ అందించనున్నారు. ఈ ఫోన్‌ను బ్లాక్‌, సిల్వర్‌ కలర్స్‌లో అందుబాటులో ఉండనున్నాయి. ఇకపోతే ఈ స్మార్ట్‌ ఫోన్ ఫీచర్స్‌ విషయానికొస్తే.. ఇందులో 6.74 ఇంచెస్‌తో కూడిన ఎల్‌సీడీ డిస్‌ప్లేను అందించనున్నారు. 90 హెచ్‌జెడ్‌ రిఫ్రెష్‌ రేట్ ఈ స్క్రీన్‌ సొంతం. ఇక ఈ ఫోన్‌ను 8 జీబీ ర్యామ్‌, 256 జీబీ స్టోరేజ్‌తో అందించనున్నారు.

పోకో ఎమ్‌6 5జీ స్మార్ట్ ఫోన్‌ క్వాల్కమ్‌ స్నాప్‌డ్రాగన్‌ 4 జెన్‌ 2 ఎస్‌ఓసీ ప్రాసెసర్‌తో పని చేస్తుంది. ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ స్మార్ట్‌ ఫోన్‌లో 18 వాట్స్‌ ఛార్జింగ్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు. ఇక కెమెరా విషయానికొస్తే ఈ స్మార్ట్‌ ఫోన్‌లో 50 మెగపిక్సెల్స్‌తో కూడిన రెయిర్‌ కెమెరాను అందించనున్నారు. అయితే ఫ్రంట్‌ కెమెరా గురించి ఎలాంటి సమాచారం అందించలేదు. సైడ్‌ మైంటెడ్‌ ఫింగర్‌ ప్రింట్‌తో పాటు, యూఎస్‌బీ టైప్‌ సీ పోర్ట్‌ను అందించారు. ఇదిలా ఉంటే పోకో ఎమ్‌6 ప్రో పేరుతో 4జీ ఫోన్‌ను కూడా లాంచ్‌ చేయనున్నట్లు తెలుస్తోంది.