Oppo A78 Smartphone: మార్కెట్ లోకి ఒప్పో కొత్త ఫోన్.. ధర ఫీచర్స్ ఇవే?

ప్రముఖ చైనీస్ స్మార్ట్‌ఫోన్ బ్రాండ్ ఒప్పొ ఎప్పటికప్పుడు అతి తక్కువ బడ్జెట్ లో మంచి మంచి ఫీచర్స్ కలిగిన స్మార్ట్ ఫోన్ లను మార్కెట్లోకి విడుదల చేస్తూనే ఉంది. అంతేకాకుండా ప్రస్తుతం మార్కెట్లో ఉన్న బ్రాండెడ్ మొబైల్స్ కంపెనీలకు పోటీ కూడా ఇస్తోంది. ఈ నేపథ్యం లోనే ఒప్పో సంస్థ తాజాగా మరో కొత్త స్మార్ట్ ఫోన్ ని లాంచ్ చేసింది. ఒప్పో ఏ78 పేరుతో ఈ మొబైల్ ని మార్కెట్ లోకి విడుదల చేసింది. గ్లోబల్ వైడ్ గా జనవరిలోనే దీనిని ఆవిష్కరించినప్పటికీ భారతదేశంలో మాత్రం ఇప్పుడు విడుదల చేసింది.

దీనిలో 6.43 అంగుళాల ఫుల్ హెచ్ డీ ప్లస్ డిస్ ప్లే, స్నాప్ డ్రాగన్ 680 ప్రాసెసర్, 8జీబీ ర్యామ్ , 128జీబీ ఇంటర్నల్ స్టోరేజ్, 50ఎంపీ ప్రైమరీ కెమెరా, ఫాస్ట్ చార్జింగ్ సపోర్టు వంటి ఫీచర్లు ఉన్నాయి. ఈ స్మార్ట్ ఫోన్ కి సంబంధించిన మరిన్ని ఫీచర్ల విషయానికి వస్తే.. ఒప్పో ఏ78 డిస్ ప్లే ఇలా ఉంటుంది. ఈ ఫోన్లో 1080 x 2400 పిక్సెల్‌ల రిజల్యూషన్‌తో కూడిన 6.43 అంగుళాల ఫుల్ హెచ్ డీ ప్లస్ డిస్‌ప్లేను కలిగి ఉంటుంది. డిస్‌ప్లే స్మూత్‌గా ఉండేందుకు 90హెర్జ్ రిఫ్రెష్ రేట్‌ను అందిస్తుంది. స్క్రాచ్‌లు, డ్యామేజ్ నుండి స్క్రీన్‌ను రక్షించడానికి, పైన కార్నింగ్ గొరిల్లా గ్లాస్ 5తో వస్తుంది.

ఒప్పో ఏ78 ప్రాసెసర్, ర్యామ్ ఈ ఫోన్ 8జీబీ ర్యామ్ తో వస్తుంది. ఆక్టాకోర్ క్వాల్కమ్ స్నాప్‌డ్రాగన్ 680 చిప్‌సెట్ ద్వారా శక్తిని పొందుతుంది. 128జీబీ ఇంటర్నల్ స్టోరేజ్ అందిస్తోంది. వినియోగదారులు మైక్రో ఎస్డీ కార్డ్‌ని ఉపయోగించి దీన్ని మరింత విస్తరించుకునే అవకాశం ఉంది. ఈ ఫోన్లో అధిక నాణ్యతతో ఫోటోలు, వీడియోలను తీసేందుకు 50ఎంపీ ప్రధాన కెమెరాను కలిగి ఉంది. అదనంగా, ఇది పోర్ట్రెయిట్‌లకు డెప్త్. 2ఎంపీ పోర్ట్రెయిట్ కెమెరాతో వస్తుంది. ముందు వైపు, 8ఎంపీ ఫ్రంట్ కెమెరాను అందించారు. ఈ స్మార్ట్ ఫోన్ 5000ఎంఏహెచ్ బ్యాటరీ సామర్ధ్యాన్ని కలిగి ఉండనుంది. తరచుగా ఛార్జింగ్ పెట్టాల్సిన అవసరాన్ని తగ్గిస్తుంది. అంతేకాకుండా, ఫోన్లో 67వాట్ల ఫాస్ట్ ఛార్జింగ్‌ సపోర్టు ఉంటుంది. ఇది త్వరగా ఛార్జ్ చేయడానికి అనుమతిస్తుంది. భారతదేశంలో ఈ స్మార్ట్ ఫోన్ ధర రూ. 17,499గా ఉంది. ఇది కేవలం రెండు కలర్ లో మాత్రమే లభిస్తోంది. అందులో ఒకటి ఆక్వా గ్రీన్, మరొకటి మిస్ట్ బ్లాక్. అనువైన బడ్జెట్లో ఉత్తమ ఫీచర్లను కావాలనుకొనే వారికి ఈ స్మార్ట్ ఫోన్ బెస్ట్ ఎంపిక అని చెప్పవచ్చు.