Motorola Edge 40: మోటోరోలా ఫోన్ పై భారీగా తగ్గింపు.. ధర, ఫీచర్స్ పూర్తి వివరాలు ఇవే?
ప్రముఖ ఎలక్ట్రానిక్ దిగ్గజ సంస్థ మోటోరోలా ఇండియన్ మార్కెట్లోకి ఇప్పటికే ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. కొత్త
- Author : Anshu
Date : 23-01-2024 - 4:30 IST
Published By : Hashtagu Telugu Desk
ప్రముఖ ఎలక్ట్రానిక్ దిగ్గజ సంస్థ మోటోరోలా ఇండియన్ మార్కెట్లోకి ఇప్పటికే ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. కొత్త కొత్త స్మార్ట్ ఫోన్లు మార్కెట్లోకి విడుదల చేయడంతో పాటుగా ఆల్రెడీ మార్కెట్లోకి విడుదల చేసిన స్మార్ట్ ఫోన్లపై భారీగా తగ్గింపు ధరలను ప్రకటిస్తోంది. ఇది ఇలా ఉంటే తాజాగా మోటోరోలా స్మార్ట్ ఫోన్ పై భారీగా తగ్గింపుతో అతి తక్కువ ధరకే అందిస్తోంది. మోటో జీ54 స్మార్ట్ ఫోన్ ధరను మరింత చవకగా మార్చింది. ఇప్పుడు మరో మిడ్ రేంజ్ స్మార్ట్ ఫోన్ మోటో ఎడ్జ్40పై భారీ తగ్గింపును ప్రకటించింది. దాదాపు రూ. 3000 వరకూ ధరను కట్ చేసింది. మోటోరోలా ఎడ్జ్ 40 స్మార్ట్ ఫోన్ స్పెసిఫికేషన్లు, ఫీచర్లు, ప్రస్తుత ధర, డిస్కౌంట్ల విషయానికి వస్తే..
మోటోరోలా ఎడ్జ్40 స్మార్ట్ ఫోన్ గతేడాది మేలో లాంచ్ అయ్యింది. ఆ సమయంలో దీని ధర రూ. 29,999గా ఉంది. ఇప్పుడు దీని ధరను కంపెనీ రూ. 3,000 తగ్గించింది. అంటే ప్రస్తుతం దీనిని రూ. 26,999కే కొనుగోలు చేయవచ్చు. ఈ ఫోన్ నాలుగు కలర్ ఆప్షన్లలో అందుబాటులో ఉంది. మెజెంతా, ఎక్లిప్స్ బ్లాక్, నెబ్యూలా గ్రీన్, లూనార్ బ్లూ రంగుల్లో ఎంపిక చేసుకోవచ్చు. అలాగే బ్యాంకు కార్డులపై పది శాతం క్యాష్ బ్యాక్ కూడా అందిస్తోంది. ఐడీఎఫ్సీ, బ్యాంక్ ఆఫ్ బరోడా క్రెడిట్ కార్డులను వినియోగించి కొనుగోలు చేస్తే దీనిని కేవలం రూ. 24,300కి కొనుగోలు చేయవచ్చు. ఈ స్మార్ట్ ఫోన్లో 6.55 ఫుల్హెచ్డీ ప్లస్ పీఓఎల్ఈడీ డిస్ ప్లే ఉంటుంది. 144హెర్జ్ రిఫ్రెష్ రేట్, పీక్ బ్రైట్నెస్ 1200నిట్స్ వరకూ ఇస్తుంది.
ఆక్టా కోర్ మీడియా టెక్ డైమెన్సిటీ 8020 చిప్సెట్ నుంచి శక్తిని పొందుతుంది. 8జీబీ ర్యామ్, 256జీబీ ఇంటర్నల్ స్టోరేజ్తో వస్తుంది. ఆండ్రాయిడ్ 13 ఆపరేటింగ్ సిస్టమ్ ఆధారంగా పనిచేస్తుంది. ఇకపోతే కెమెరా విషయానికి వస్తే.. వెనుకవైపు 50ఎంపీ ప్రైమరీ సెన్సార్, 13ఎంపీ అల్ట్రా వైడ్ యాంగిల్ లెన్స్, ఎల్ఈడీ ఫ్లాస్ ఉంటాయి. ముందు వైపు 32 ఎంపీ సెల్ఫీ కెమెరా ఉంటుంది. ఆడియో కోసం ప్రత్యేకంగా డాల్బీ ఆట్మోస్ స్టీరియో స్పీకర్స్ ఉంటాయి. మూడు మైక్రోఫోన్స్ ఉంటాయి. ఐపీ68 రేటింగ్తో వాటర్, డస్ట్ రెసిస్టెంట్తో వస్తుంది. అదే విధంగా బ్యాటరీ విషయానికి వస్తే 4,600ఎంఏహెచ్ సామర్థ్యంతో ఉంటుంది. 68వాట్ల టర్బో ఫాస్ట్ చార్జింగ్ ఫీచర్ ఉంటుంది. అలాగే 15వాట్ల సామర్థ్యంతో వైర్లెస్ చార్జింగ్ సపోర్టు ఉంటుంది.
Follow us
