Lava : కేవలం రూ.6వేలకే అదిరిపోయే స్మార్ట్ ఫోన్.. ఫీచర్స్ మామూలుగా లేవుగా?
లావా సంస్థ కేవలం 6000 కే అద్భుతమైన ఫీచర్లు కలిగిన స్మార్ట్ ఫోన్ ని అందిస్తోంది.
- By Anshu Published Date - 12:30 PM, Fri - 9 August 24
ఈ మధ్య కాలంలో మార్కెట్లో బడ్జెట్ స్మార్ట్ ఫోన్ల హవా విపరీతంగా పెరిగిపోయింది. అందరికీ అందుబాటులో ఉండే విధంగా బడ్జెట్ స్మార్ట్ ఫోన్ లనే మార్కెట్లోకి విడుదల చేస్తున్నాయి మొబైల్ తయారీ సంస్థలు. అంతేకాకుండా తక్కువ ధరకే అద్భుతమైన ఫీచర్లు కలిగిన స్మార్ట్ ఫోన్ లను మార్కెట్ లోకి విడుదల చేస్తున్నాయి. అయితే తక్కువ ధరకే అద్భుతమైన ఫీచర్స్ ను అందిస్తున్న ఫోన్లలో లావా స్మార్ట్ ఫోన్ కూడా ఒకటి. మరి ఆ వివరాల్లోకి వెళితే.. భారత్‌ కు చెందిన ప్రముఖ స్మార్ట్ తయారీ సంస్థ లావా తాజాగా భారత మార్కెట్లోకి కొత్త ఫోన్ ను లాంచ్‌ చేసింది.
లావా యువ స్టార్‌ 4జీ పేరుతో ఈ ఫోన్ ను తీసుకొచ్చింది. ఈ స్మార్ట్ ఫోన్ 4జీబీ ర్యామ్‌, 64 జీబీ స్టోరేజ్‌ వేరియంట్‌ ధర రూ. 6,499 గా నిర్ణయించారు. కాగా ఈ స్మార్ట్ ఫోన్ మనకు బ్లాక్‌, లావెండర్‌, వైట్‌ వంటి కలర్స్‌ లో లభించనుంది. ఇకపోతే ఈ ఫోన్ ఫీచర్ల విషయానికొస్తే.. ఈ ఫోన్ ఆండ్రాయిడ్‌ 14 ఆపరేటింగ్‌ సిస్టమ్‌ తో పనిచేస్తుంది. ఇందులో ఇందులో 5000 ఎమ్‌ఏహెచ్‌ వంటి పవర్‌ ఫుల్‌ బ్యాటరీని కూడా అందించారు. అలాగే ఈ స్మార్ట్ ఫోన్ లో 6.75 ఇంచెస్‌ తో కూడిన హెచ్‌డీ+ డిస్‌ప్లేను కూడా అందించారు. ఫ్రంట్ కెమెరా టాప్ పై వాటర్ డ్రాప్ నాచ్ ఉంటుంది. ఇక ఈ ఫోన్ యూనిసోక్ 9863ఏ ప్రాసెసర్‌ తో పనిచేస్తుంది.
ఈ ఫోన్ ర్యామ్‌ ను వర్చువల్‌గా మరో 4జీబీ వరకు పెంచుకోవచ్చట. ఇక కెమెరా విషయానికొస్తే.. ఈ స్మార్ట్ ఫోన్ లో ఎల్ఈడీ ఫ్లాష్ యూనిట్ తో పాటు 13 మెగా పిక్సెల్స్ సెన్సర్ మెయిన్ కెమెరాను సైతం అందించారు. పలు ఏఐ బ్యాక్డ్ కెమెరా ఫీచర్లు ఈ ఫోన్ ప్రత్యేకతలుగా చెప్పవచ్చు. ఇక సెక్యూరిటీ కోసం సైడ్ మౌంటెడ్ ఫింగర్ ప్రింట్ సెన్సర్ కూడా ఉంటుంది. ఇక సెల్పీలు, వీడియోకాల్స్ కోసం ఇందులో 5 మెగా పిక్సెల్స్ తో కూడిన ఫ్రంట్ కెమెరాను కూడా అందించారు. 10 వాట్ల వైర్డ్ చార్జింగ్‌కు సపోర్ట్‌ చేసే 5000 ఎంఏహెచ్ కెపాసిటీ గల బ్యాటరీని కూడా అందించారు. యూఎస్బీ టైప్ సీ పోర్ట్ కనెక్టివిటీ ఈ ఫోన్ సొంతం అని చెప్పాలి.
