Best Phones Under 25K: రూ.25 లోపు అద్భుతమైన స్మార్ట్ ఫోన్ లు.. ధర ఫీచర్స్ ఇవే?

రోజురోజుకీ దేశవ్యాప్తంగానే కాకుండా ప్రపంచవ్యాప్తంగా స్మార్ట్ ఫోన్ ల వినియోగం పెరిగిపోవడంతో నిత్యం మార్కెట్లోకి ఎన్నో రకాల స్మార్ట్ ఫోన్ లు విడుదల అవుతూనే ఉన్నాయి. వినియోగదారులకు అందుబాటులో ఉండే విధంగా అతి తక్కువ ధరకే మంచి మంచి ఫ్యూచర్లో కలిగిన స్మార్ట్ ఫోన్ లను మార్కెట్లోకి విడుదల చేస్తున్నాయి ఆయా సంస్థలు. ఈ క్రమంలోనే రూ.25 వేల లోపు అద్భుతమైన ఫీచర్స్ తో మార్కెట్లో ఎక్కువగా కొనుగోలు అవుతున్న ఆరు రకాల బెస్ట్ స్మార్ట్ ఫోన్ ల గురించి ఇప్పుడు మనం తెలుసుకుందాం..

శాంసంగ్ గెలాక్సీ ఏ23 5జీ.. శాంసంగ్ ఏ సిరీస్ ఫోన్లు డిజైన్ విషయంలో ఎక్కడా రాజీ పడలేదు. ఇది 5000ఎంఏహెచ్ బ్యాటరీ సామర్థ్యాన్ని కలిగి ఉండనుంది. దీని వెనుకవైపు నాలుగు కెమెరాల సెటప్ ను కలిగి ఉంది. 50ఎంపీ ప్రైమరీ కెమెరా, 5ఎంజీ అల్ట్రా వైడ్ లెన్స్, 2ఎంపీ డెప్త్ కెమెరా, 2ఎంపీ మాక్రో కెమెరాలు ఉన్నాయి. ఈ స్మార్ట్ ఫోన్ ధర రూ. 24,999 నుంచి ప్రారంభం అవుతుంది. మరో స్మార్ట్ ఫోన్ రెడ్ మీ నోట్ 12 ప్రో 5జీ విషయానికి వస్తే.. అధిక సామర్థ్యం కలిగిన ఈ ఫోన్ జిప్పీ మీడియాటెక్ డైమెన్సిటీ 1080 ప్రాసెసర్ ఆధారంగా పనిచేస్తుంది. ఇందులో ప్రధాన ఎట్రాక్షన్ కెమెరా. వెనుకవైపు తక్కువ కాంతిలో అత్యద్భుత పిక్చర్ క్వాలిటీ అందించే ఆప్టికల్ ఇమేజ్ స్టెబిలైజేషన్ తో కూడిన సోనీ ఐఎంఎక్స్ 766 50మెగాపిక్సెల్ కెమెరా ఉంటుంది. ఇది 5000 mAh బ్యాటరీ సామర్ధ్యాన్ని కలిగి ఉండనుంది. 67W ఇన్-బాక్స్ ఫాస్ట్ ఛార్జర్ 15 నిమిషాలలో ఒక రోజుకు సరిపడా చార్జింగ్ ను అందిస్తుంది. ఈ స్మార్ట్ ఫోన్ ధర రూ. 24,999 నుంచి ప్రారంభం అవుతుంది.

కాగా మరో స్మార్ట్ ఫోన్ మోటరోలా ఎడ్జ్ 30 విషయానికి వస్తే.. అత్యంత స్లిమ్ లుక్ లో ఈ ఫోన్ ఉంటుంది. కేవలం 6.79 మిమీ మందంతో చాలా తేలికగా ఉంటుంది. దీని బరువు మీ వ్యాలెట్ కంటే తేలికగా ఉంటుంది. దీనిలో 144Hz రిఫ్రెష్ రేట్‌తో 6.55-అంగుళాల పీఓఎల్ఈడీ డిస్‌ప్లే ఉంటుంది. వెనుక కెమెరా ప్రత్యేకమైన 50ఎంపీ అల్ట్రా-వైడ్ మాక్రో క్యామ్, 50ఎంపీ ఐఓఎస్ ప్రైమరీ లెన్స్, 2ఎంపీ డెప్త్ సెన్సార్‌ను కలిగి ఉంటుంది. దీని ధర రూ. 23,999 నుంచి ప్రారంభం అవుతుంది. వివో వై100 విషయానికి వస్తే.. ఈ ఫోన్ ఊసరవెల్లి లాంటిది. ఇది రంగులు మార్చుకుంటూ ఉంటుంది. అందుకోసం ఈ ఫోన్ వెనుకవైపు ఏజీ గ్లాస్ బ్యాక్ ఉంటుంది. దీనిలో ట్రిలైట్ గోల్డ్ ఆప్షన్ ఉంటుంది. ఇది ఆరెంజ్ నుంచి మెటాలిక్ గోల్డ్ వరకూ బయట లైటింగ్ ఆధారంగా తనని తాను మార్చుకుంటుంది. దీనిలో 4,500ఎంఏహెచ్ బ్యాటరీ సామర్థ్యంను కలిగి ఉండనుంది. అలాగే 44 వాట్ల ఫాస్ట్ చార్జింగ్ సపోర్ట్ ఉంటుంది. దీనిలో వెనుక వైపు 64ఎంపీ ప్రధాన కెమెరాతో పాటు 2ఎంపీ డెప్త్ సెన్సార్, 2ఎంపీ మాక్రో లెన్స్ ఉంటాయి. దీని ధర రూ. 24,999గా ఉంది.

ఒప్పో ఎఫ్12ఎస్ ప్రో విషయానికి వస్తే..ఇది డాన్ లైట్ గోల్డ్ కలర్ ఆప్షన్ లో ఉంటుంది. ఒప్పో ఈ ఫోన్ ని ఒప్పో గ్లో అని పిలుస్తుంది. అలాగే స్టార్‌లైట్ బ్లాక్ కలర్ ఆప్షన్ కూడా అందుబాటులో ఉంటుంది. దీనిలో 2ఎంపీ మైక్రోస్కోపిక్ లెన్స్‌తో పాటు 64ఎంపీ ప్రైమరీ కెమెరా కూడా ఉంటుంది. దీని ధర రూ. 21,999గా ఉంటుంది. చివరగా పోకో ఎక్స్ 5 .. ఇది ఫ్లాట్ ఎడ్జ్ డిజైన్ తో వస్తుంది. ఇది ఫ్రాస్టెడ్ బ్లూ, ఎల్లో కలర్ ఆప్షన్లలో లభిస్తుంది. దీనిలో క్వాల్ కామ్ స్నాప్ డ్రాగన్ ప్రో 778జీ చిప్‌సెట్ ఆధారంగా పనిచేస్తుంది. ఇది రెండు ఎంపికలలో వస్తుంది.6జీబీ,128జీబీ రెండు 8జీబీ 256జీబీ. 120Hz రిఫ్రెష్ రేట్ 6.67-అంగుళాల డిస్‌ప్లే ఉంటుంది. దీని ధర రూ. 22,999 నుంచి ప్రారంభం అవుతుంది.