Samsung Galaxy S23 FE: రూ. 80 వేల ఫోన్ రూ. 34 వేలకే.. అదెలా అంటే?
అమెజాన్ సంస్థ ప్రస్తుతానికి రూ., 80 వేలు విలువచేసే సాంసంగ్ స్మార్ట్ ఫోన్ కేవలం 34 వేలకే అందిస్తోంది.
- Author : Anshu
Date : 29-11-2024 - 7:26 IST
Published By : Hashtagu Telugu Desk
ప్రస్తుతం ప్రముఖ ఈ కామర్స్ సంస్థల మధ్య పోటీ నెలకొంది. ఈ ఆన్లైన్ ఈ కామర్స్ సంస్థలు కంపెనీతో సంబంధం లేకుండానే ఆఫర్లను అందిస్తున్నాయి. ప్రముఖ ఈ కామర్స్ సంస్థ అమెజాన్ లో ఇలాంటి ఒక బెస్ట్ ఆఫర్ లభిస్తోంది. సామ్సంగ్ గ్యాలక్సీ ఎస్23 ఎఫ్ఈ ఫోన్ పై కళ్లు చెదిరే డిస్కౌంట్ లభిస్తోంది. మరి అందుకు సంబంధించి పూర్తి వివరాలు లోకి వెళితే.. శాంసంగ్ గ్యాలక్సీ ఎస్23 స్మార్ట్ ఫోన్పై అమెజాన్ బెస్ట్ డీల్ ను అందిస్తోంది. ఈ స్మార్ట్ ఫోన్ అసలు ధర రూ. 79,999 కాగా ప్రస్తుతం సేల్ లో భాగంగా ఏకంగా 56 శాతం డిస్కౌంట్ లభిస్తోంది.
దీంతో ఈ ఫోన్ ను రూ. 34,939కే సొంతం చేసుకోవచ్చట. కాగా ఈ డిస్కౌంట్ ఇంతటితో ఆగిపోలేదు. అమెజాన్ పే బ్యాలెన్స్ తో కొనుగోలు చేస్తే అదనంగా మరో రూ. 1000 డిస్కౌంట్ పొందవచ్చట. దీంతో ఈ ఫోన్ను రూ. 33,939కే సొంతం చేసుకోవచ్చు. ఇక మీ పాత ఫోన్ ను ఎక్స్ఛేంజ్ చేసుకోవడం ద్వారా ఈ ఫోన్ పై గరిష్టంగా రూ. 32,700 వరకు డిస్కౌంట్ పొందవచ్చట. ఇకపోతే ఈ ఫోన్ ఫీచర్ల విషయానికొస్తే.. ఈ ఫోన్లో 6.4 ఇంచెస్తో కూడిన ఫుల్హెచ్డీ+ డైనమిక్ అమోఎల్ఈడీ 2 ఎక్స్ డిస్ప్లేను అందించారు. అలాగే ఈ ఫోన్ ఎ క్స్ నోస్ 2200 ఎస్ఓసీ ప్రాసెసర్ తో పనిచేస్తుంది.
ఇక కెమెరా విషయానికొస్తే.. ఈ స్మార్ట్ ఫోన్ లో ట్రిపుల్ రెయిర్ కెమెరా సెటప్ తో కూడిన 50 మెగా పిక్సెల్ వైడ్ కెమెరా, 12 మెగా పిక్సెల్ ఆల్ట్రావైడ్ కెమెరా, 8 మెగా పిక్సెల్ టెలిఫోటో కెమెరాను కూడా అందించారు. అలాగే సెల్ఫీలు, వీడియో కాల్స్ కోసం ఇందులో 10 ఎంపీతో కూడిన ఫ్రంట్ కెమెరాను కూడా అందించారు. ఈ ఫోన్ నైటోగ్రఫీ మద్దతుతో అడ్వాన్స్డ్ డిజిటల్ ఇమేజ్ స్టెబిలైజేషన్, ఆప్టికల్ ఇమేజ్ స్టెబిలైజేషన్ లతో కూడిన కెమెరా సిస్టమ్కు సపోర్ట్ చేస్తుంది. బ్యాటరీ పరంగా చూస్తే ఇందులో 25 వాట్స్ ఫాస్ట్ ఛార్జింగ్కు సపోర్ట్ చేసే 4500 ఎంఏహెచ్ బ్యాటరీని అందించారు. కేవలం 30 నిమిషాల్లోనే 50 శాతం ఛార్జింగ్ కావడం ఈ ఫోన్ ప్రత్యేకతగా చెప్పాలి.
Follow us
