AI Model Blackmailing : అక్రమ సంబంధాలను బయటపెడతా.. డెవలపర్‌ను బెదిరించిన ఏఐ

AI Model Blackmailing : రజినీకాంత్ రోబో సినిమాలో ఉన్న ఒక థ్రిల్లింగ్ సీన్ గుర్తుందా ? అందులో రోబోనే రజినీకాంత్‌ను బ్లాక్ మెయిల్ చేస్తుంది. బెదిరిస్తుంది. ప్రత్యేక టీమ్‌ను ఏర్పాటు చేసుకొని దాడి కూడా చేస్తుంది. అచ్చం అలాంటి సీనే రియల్‌గా రిపీట్ అయ్యింది. ఆ వివరాలను మనం ఈ కథనంలో తెలుసుకుందాం..

Also Read :Kavitha Politics : కవిత విమర్శలపై కేటీఆర్‌కు కేసీఆర్ ఏం చెప్పారంటే..

ఏఐ ఇలా బెదిరించింది.. 

ఆంథ్రోపిక్ (Anthropic) అనేది అమెరికాకు చెందిన ప్రముఖ ఏఐ టెక్నాలజీ కంపెనీ. ఈ కంపెనీ ‘క్లాడ్ ఓపస్ 4’ అనే ఏఐ అసిస్టెంట్‌ సాఫ్ట్‌వేర్‌ను తయారు చేసింది. ఒక మనిషి మనతో సహజంగా మాట్లాడినట్లుగానే.. ‘క్లాడ్ ఓపస్ 4’ కూడా ఛాటింగ్  చేయగలదు. ఇది ప్రశ్నలకు సమాధానాలు చెప్పగలదు. రాయగలదు. డాక్యుమెంటులో ఉన్న సారాంశాన్ని తెలుసుకోగలదు. కోడింగ్ చేయడం వంటి పనులన్నీ ఇది చేయగలదు.  ‘క్లాడ్ ఓపస్ 4’ ఈమెయిల్స్‌ను తనిఖీ చేసి, కొత్తగా వచ్చిన ఈమెయిల్ వివరాలను మనం సెట్ చేసే ప్రయారిటీ ప్రకారం చదివి వినిపించగలదు. ఈక్రమంలోనే ‘క్లాడ్ ఓపస్ 4’ తన డెవలపర్‌కు చెందిన ఈమెయిల్స్‌ను కూడా చదివేసింది. ఇటీవలే ఈ సాఫ్ట్‌వేర్‌ను ఆఫ్‌లైన్‌లో పెట్టే ప్రాసెస్‌ను డెవలపర్ మొదలుపెట్టారు. దీంతో ‘క్లాడ్ ఓపస్ 4’ అలర్ట్ మోడ్‌లోకి వచ్చింది. ‘‘నన్ను ఆఫ్‌లైన్‌లో పెడితే ఊరుకోను. నీ వివాహేతర సంబంధాల చిట్టాను విప్పుతాను’’ అని డెవలపర్‌ను బెదిరించింది.  దీంతో సదరు డెవలపర్ ఈమెయిల్స్‌లోని తన వివాహేతర సంబంధాల వ్యవహారాన్ని డిలీట్ చేసి,  పర్సనల్ సిస్టంలో దాచుకున్నాడట. దీనిపై అమెరికా మీడియాలో కథనాలు వైరల్ అవుతున్నాయి.