Aadhaar: ఆధార్ అప్డేట్ కు మరికొన్ని గంటలు మాత్రమే సమయం ఉంది.. గడువు పూర్తయితే!

ఆధార్ కార్డ్ హోల్డర్‌లు వారి ఆధార్ కార్డును పుట్టిన తేదీ, బయోమెట్రిక్‌ లు, చిరునామా, ఇతర అప్‌డేట్‌ లతో సహా నిర్దిష్ట గడువు వరకు ఉచితంగా అప్‌డేట్ చేసుకోవచ్చని భారత విశిష్ట గుర్తింపు ప్రాధికార సంస్థ ప్రకటించిన విషయం తెలిసిందే. అయితే ఇప్పుడు ఏం గడువు సమయం దగ్గర పడింది. మరి కొన్ని గంటల్లోనే ఈ ఆధార్ గడువు ముగియనుంది. డిసెంబర్‌ 14 వరకు మాత్రమే గడువు ఉంది. ఆ తర్వాత అప్‌డేట్‌ చేసుకుంటే రూ.50 ఛార్జ్‌ చెల్లించాల్సి ఉంటుందట. మీరు మీ ఆధార్ కార్డ్‌లో చిరునామా, బయోమెట్రిక్‌ లు, పుట్టిన తేదీ, ఉచిత అప్‌డేట్ కోసం గడువు పాస్‌ లతో సహా ఏదైనా అప్‌డేట్ చేయాల్సి వస్తే, మీరు ఏమి చేయాలి? దీనితో పాటు, మీరు ఇంట్లో కూర్చొని మీ ఆధార్ కార్డును ఆన్‌లైన్‌ లో ఎలా ఉచితంగా అప్‌డేట్ చేసుకోవచ్చో ఇప్పుడు మనం తెలుసుకుందాం..

UIDAI ప్రకారం.. ఆధార్ హోల్డర్లు డిసెంబర్ 14 అర్ధరాత్రి 12 గంటల వరకు మై ఆధార్ పోర్టల్ ద్వారా ఉచితంగా తమ కార్డును అప్‌డేట్ చేసుకోవచ్చట. దీని తర్వాత మీరు ఆధార్ కార్డును అప్‌డేట్ చేస్తే, మీరు ఆధార్ కేంద్రానికి వెళ్లి అక్కడ యూఐడిఏఐ నిర్ణయించిన ఫీజులను చెల్లించాల్సి ఉంటుందట. దీనితో పాటు, మీరు భువన్ ఆధార్ పోర్టల్ నుండి జీపీఎస్ ద్వారా మీకు సమీపంలోని ఆధార్ నమోదు కేంద్రాన్ని సెర్చ్ చేసి తెలుసుకోవచ్చట. ఇందులో మీకు ఏదైనా సమస్య ఎదురైతే, మీరు నగరంలోని పిన్ కోడ్ ద్వారా ఆధార్ ఎన్‌రోల్‌మెంట్ సెంటర్‌ ను కూడా తెలుసుకోవచ్చు. ఇక్కడకు వెళ్లడం ద్వారా మీరు అవసరమైన పత్రాలను సమర్పించి అప్‌డేట్‌ చేసుకోవచ్చు.

ఆన్లైన్లో ఆధార్ కార్డు ఎలా అప్డేట్ చేసుకోవాలి అన్న విషయానికి వస్తే. ముందుగా UIDAI myaadhaar.uidai.gov.in అధికారిక వెబ్‌సైట్‌ను సందర్శించి,ఆధార్ నంబర్, రిజిస్టర్డ్ మొబైల్ నంబర్‌కు వచ్చిన ఓటీపీ తో లాగిన్ అవ్వాలి. తర్వాత ఆధార్ అప్‌డేట్ ఆప్షన్‌ ను ఎంచుకోవాలి. అప్‌డేట్‌ కోసం అవసరమైన సమాచారాన్ని నమోదు చేయాలి. అప్‌డేట్‌ కు సంబంధించిన పత్రాలను అప్‌లోడ్ చేయాలి. పైన ఉన్న వివరాలు సరైనవని నేను ధృవీకరిస్తున్నాను అనే చెక్‌బాక్స్‌ను టిక్ చేయడం ద్వారా సబ్మిట్‌ చేయాలట. ఆ తర్వాత మీ పని పూర్తయి14 అంకెల రసీదు సంఖ్యను పొందుతారు. మీరు ఈ నంబర్ నుండి అప్‌డేట్ స్థితిని చెక్ చేయవచ్చట.