WPL 2026: మహిళల ప్రీమియర్ లీగ్ 2026 సీజన్.. ఎప్పట్నుంచి ప్రారంభం అంటే?!
ముంబై ఇండియన్స్ WPLకు డిఫెండింగ్ ఛాంపియన్గా ఉంది. WPL 2025 ఫైనల్లో ఢిల్లీ క్యాపిటల్స్ను ఓడించి ముంబై ఇండియన్స్ రెండోసారి ఈ టైటిల్ను గెలుచుకుంది.
- Author : Gopi
Date : 17-11-2025 - 10:15 IST
Published By : Hashtagu Telugu Desk
WPL 2026: మహిళల ప్రీమియర్ లీగ్ (WPL 2026) 2026 సీజన్ జనవరి 7వ తేదీ నుంచి ప్రారంభం అయ్యే అవకాశం ఉంది. WPL 2026లోని అన్ని మ్యాచ్లను నిర్వహించడానికి ముంబై, బరోడా నగరాలను వేదికలుగా బీసీసీఐ ఖరారు చేయవచ్చని తెలుస్తోంది. పలువురు మహిళా క్రికెటర్లు డీవై పాటిల్ స్టేడియం తమకు ఇష్టమైన వేదికగా గతంలోనే ప్రకటించారు. ఈ స్టేడియంలోనే సీజన్ మొట్టమొదటి మ్యాచ్ జరగవచ్చు. మహిళల ప్రీమియర్ లీగ్ తదుపరి సీజన్ జనవరి 7 నుండి ఫిబ్రవరి 3 వరకు కొనసాగే అవకాశం ఉంది.
క్రిక్బజ్ నివేదిక ప్రకారం.. ప్రస్తుత ప్రణాళికలు ముందుకు సాగితే ఫైనల్ మ్యాచ్ బరోడాలోని కోతాంబి స్టేడియంలో ఆడవచ్చు. బరోడా లెగ్ జనవరి 16 నుండి ప్రారంభం కావచ్చు. దీనికి ఐదు రోజుల ముందే ఇదే స్టేడియంలో భారత్ వర్సెస్ న్యూజిలాండ్ ODI సిరీస్లో మొదటి మ్యాచ్ జరగనుంది.
Also Read: CIBIL Score: సిబిల్ స్కోర్ మంచిగా ఉన్నా లోన్ ఎందుకు రిజెక్ట్ చేస్తారు?
నివేదిక ప్రకారం.. బీసీసీఐ ఈ విషయాలను జట్టు యజమానులతో అధికారికంగా ఇంకా పంచుకోలేదు. ప్రస్తుతం అనధికారిక స్థాయిలో మాత్రమే చర్చలు జరుగుతున్నాయి. నవంబర్ 27న ఢిల్లీలో జరగనున్న WPL వేలం సందర్భంగా జట్టు యజమానులకు సీజన్ ప్రారంభ తేదీ గురించి తెలియజేయబడుతుందని సమాచారం. మ్యాచ్ల నిర్వహణ కోసం మొదట లక్నో, బెంగళూరు, ముంబై, బరోడా నగరాల పేర్లను చర్చించినా.. ఇప్పుడు ముంబై, బరోడా పేర్లను ఖరారు చేసే అవకాశం ఉంది. గత సీజన్ ఫిబ్రవరి-మార్చిలో జరిగింది. కానీ ఈసారి మెన్స్ టీ20 ప్రపంచ కప్ వంటి పలు కారణాల వల్ల మహిళల ప్రీమియర్ లీగ్ జనవరిలో నిర్వహించబడే అవకాశం ఉంది. మెన్స్ టీ20 ప్రపంచ కప్ ఫిబ్రవరి-మార్చి సమయంలో జరగనుంది.
ముంబై ఇండియన్స్ WPLకు డిఫెండింగ్ ఛాంపియన్గా ఉంది. WPL 2025 ఫైనల్లో ఢిల్లీ క్యాపిటల్స్ను ఓడించి ముంబై ఇండియన్స్ రెండోసారి ఈ టైటిల్ను గెలుచుకుంది. రాయల్ ఛాలెంజర్స్ బెంగళూరు (RCB) ఒకసారి ట్రోఫీని గెలిచింది. ఢిల్లీ క్యాపిటల్స్ జట్టు మూడుసార్లు ఫైనల్కు చేరుకున్నప్పటికీ.. ఇప్పటివరకు ట్రోఫీ గెలిచే ఘనత సాధించలేకపోయింది.
Follow us
