LSG vs CSK: ఐపీఎల్ లో నేడు చెన్నై, లక్నో జట్ల మధ్య మ్యాచ్.. విజయమే లక్ష్యంగా ఇరు జట్లు బరిలోకి..!
ఐపీఎల్ (IPL 2023) 45వ మ్యాచ్ లక్నో సూపర్ జెయింట్స్ (LSG), చెన్నై సూపర్ కింగ్స్ (CSK) మధ్య జరగనుంది. చెన్నై, లక్నో జట్లు పటిష్ట స్థితిలో ఉన్నాయి. ఈ మ్యాచ్ లక్నోలో జరగనుంది.
- By Gopichand Published Date - 09:50 AM, Wed - 3 May 23
ఐపీఎల్ (IPL 2023) 45వ మ్యాచ్ లక్నో సూపర్ జెయింట్స్ (LSG), చెన్నై సూపర్ కింగ్స్ (CSK) మధ్య జరగనుంది. చెన్నై, లక్నో జట్లు పటిష్ట స్థితిలో ఉన్నాయి. ఈ మ్యాచ్ లక్నోలో జరగనుంది. కాబట్టి హోరాహోరీ పోరు జరిగే అవకాశం ఉంది. ఈ మ్యాచ్ లక్నోలోని ఎకానా స్టేడియంలో జరగనుంది. ఇక్కడ జరిగిన చివరి మ్యాచ్ వివాదాస్పదమైంది. ఈ మ్యాచ్లో కెప్టెన్ కేఎల్ రాహుల్ గాయపడ్డాడు. రాహుల్ గాయంపై ఇంకా సస్పెన్స్ కొనసాగుతోంది. ప్లేయింగ్ ఎలెవన్లో మార్పుతో లక్నో బరిలోకి దిగనుంది.
గత మ్యాచ్ లో కేఎల్ రాహుల్ గాయపడ్డాడు. అందుకే చెన్నైపై రాహుల్ రంగంలోకి దిగే అవకాశం లేదు. అయితే ఇప్పటివరకు టీమ్ నుంచి ఎలాంటి సమాచారం వెల్లడి కాలేదు. రాహుల్ గైర్హాజరీలో కృనాల్ పాండ్యా జట్టుకు నాయకత్వం వహిస్తాడు. ఈ మ్యాచ్ లో దక్షిణాఫ్రికా వెటరన్ ఆటగాడు క్వింటన్ డి కాక్కు లక్నో స్థానం కల్పించవచ్చు. డి కాక్ ఈ సీజన్లో ఇప్పటివరకు ఒక్క మ్యాచ్ కూడా ఆడలేదు. గత సీజన్లో 508 పరుగులు చేశాడు. డి కాక్ ఒక సెంచరీతో పాటు మూడు అర్ధ సెంచరీలు కూడా చేశాడు.
Also Read: Kohli vs Gambhir: గొడవ జరిగిన రోజు కోహ్లీ, గంభీర్ మధ్య జరిగిన సంభాషణ ఇదే..!
గత కొన్ని మ్యాచ్లుగా చెన్నై ప్లేయింగ్ ఎలెవన్ను మార్చలేదు. కాబట్టి ఈ మ్యాచ్లోనూ ఆ జట్టు ఎలాంటి మార్పులు చేయకపోవచ్చని తెలుస్తోంది. బెన్ స్టోక్స్ గాయం కారణంగా వైదొలిగాడు. అతని ఫిట్నెస్కు సంబంధించి ఇంకా ఎలాంటి అప్డేట్ అందలేదు. జట్టు తరఫున తుషార్ దేశ్పాండే అద్భుతంగా బౌలింగ్ చేశాడు. ఇప్పటి వరకు ఆడిన 9 మ్యాచ్ల్లో 17 వికెట్లు తీశాడు. అత్యధిక వికెట్లు తీసిన ఆటగాళ్లలో ప్రస్తుతం రెండో స్థానంలో ఉన్నాడు.
Related News
LSG vs RR: ఎదురులేని రాజస్థాన్..లక్నోపై రాజస్థాన్ విజయం..
లక్నోలోని ఎకానా స్టేడియంలో లక్నో సూపర్ జెయింట్, రాజస్థాన్ రాయల్స్ మధ్య జరిగిన మ్యాచ్ లో రాజస్థాన్ జట్టు 7 వికెట్ల తేడాతో లక్నోపై విజయం సాధించింది. గతంలో రాజస్థాన్తో జరిగిన ఓటమికి ప్రతీకారం తీర్చుకోవడంలో లక్నో జట్టు విఫలమైంది. ఈ మ్యాచ్ లో ఆర్ఆర్ కెప్టెన్ సంజూ శాంసన్ మరియు ధృవ్ జురెల్ మంచి భాగస్వామ్యాన్ని నెలకొల్పారు.