5 Wickets In 5 Balls: టీ20 క్రికెట్‌లో సంచ‌ల‌నం.. 5 బంతుల్లో 5 వికెట్లు, వీడియో వైర‌ల్!

5 Wickets In 5 Balls: ఐపీఎల్ 2025లో లక్నో సూపర్ జెయింట్స్ తరపున ఆడిన స్పిన్నర్ దిగ్వేష్ రాఠి తన నోట్‌బుక్ సెలబ్రేషన్ కారణంగా సీజన్ అంతా చర్చల్లో నిలిచాడు. ఈ కారణంగా అతనిపై ఒక మ్యాచ్ నిషేధం కూడా విధించారు. ఇప్పుడు మరోసారి అతను చర్చల్లోకి వచ్చాడు. ఈసారి కారణం లోకల్ టీ20 క్రికెట్ లీగ్‌లో అతని మాయాజాల బౌలింగ్. అతను వరుసగా 5 బంతుల్లో 5 వికెట్లు (5 Wickets In 5 Balls) తీసి ప్రత్యర్థి జట్టును కుప్పకూల్చాడు.

దిగ్వేష్ రాఠి గూగ్లీతో మోసపోయిన బ్యాటర్లు

ఈ మ్యాచ్‌లో 15వ ఓవర్‌లో అతను వరుసగా 5 బంతుల్లో ఐదుగురు బ్యాటర్లను ఔట్ చేశాడు. మొదటి మూడు బంతుల్లో కుడిచేతి బ్యాటర్లను బోల్డ్ చేశాడు. ఆ తర్వాత నాల్గవ బంతికి ఎడమచేతి బ్యాటర్‌ను బౌల్డ్ చేశాడు. ఐదవ బంతి కూడా గూగ్లీ వేశాడు. అప్పుడు బ్యాటర్ ఎల్‌బీడబ్ల్యూ ఔట్ అయ్యాడు. అయితే ఈ మ్యాచ్ ఐపీఎల్ 2025కి ముందు జరిగింది. దీని వీడియో ఇప్పుడు సోషల్ మీడియాలో వేగంగా వైరల్ అవుతోంది. లక్నో సూపర్ జెయింట్స్ జట్టు యజమాని సంజీవ్ గోయెంకా కూడా ఈ వీడియోను షేర్ చేశారు.

Also Read: Hyderabad Metro Phase 2B: మెట్రో రైలు రెండో దశ (ఫేజ్-2బి)కు ప‌రిపాల‌న అనుమ‌తి!

Stumbled upon this clip of Digvesh Rathi taking 5 in 5 in a local T20 game. Just a glimpse of the talent that made him a breakout star for @LucknowIPL in IPL 2025. pic.twitter.com/i8739cjxpk

— Dr. Sanjiv Goenka (@DrSanjivGoenka) June 16, 2025

ఢిల్లీలో జన్మించిన 25 ఏళ్ల దిగ్వేష్ రాఠిని లక్నో సూపర్ జెయింట్స్ తమ బేస్ ధర 30 లక్షల రూపాయలకు కొనుగోలు చేసింది. అతను సీజన్‌లో 13 మ్యాచ్‌లలో 14 వికెట్లు తీశాడు. అతని ఎకానమీ 8.25గా ఉంది. అతను తన కెరీర్‌లో మొత్తం 15 టీ20 మ్యాచ్‌లు ఆడాడు. వీటిలో అతని పేరిట 17 వికెట్లు ఉన్నాయి.

ఐపీఎల్‌లో దిగ్వేష్ రాఠి, అభిషేక్‌తో గొడ‌వ‌

ఇండియన్ ప్రీమియర్ లీగ్ సీజన్ 18లో దిగ్వేష్‌పై చాలాసార్లు జరిమానా విధించారు. సన్‌రైజర్స్ హైదరాబాద్‌తో జరిగిన మ్యాచ్‌లో అతను అభిషేక్ శర్మతో గొడ‌వ‌కు దిగాడు. అభిషేక్‌ను ఔట్ చేసిన తర్వాత అతను నోట్‌బుక్ సెలబ్రేషన్ చేసుకున్నాడు. ఆ తర్వాత వీరిద్దరి మధ్య వాదన జరిగింది. ఈ గొడ‌వ త‌ర్వాత‌ దిగ్వేష్‌పై ఒక మ్యాచ్ నిషేధం విధించారు.