Virat Kohli Records: కోహ్లీ చెలరేగితే సచిన్ 100 సెంచరీల రికార్డును బద్ధలు కొట్టడం ఖాయమే!
కోహ్లీ తన 47వ వన్డే సెంచరీని కేవలం 84 బంతుల్లో సాధించాడు, ఇది మూడు ఫార్మాట్లలో అతని 77వ అంతర్జాతీయ సెంచరీ.
- By Balu J Published Date - 02:00 PM, Tue - 12 September 23
Virat Kohli Records: ఆసియా కప్లో పాకిస్థాన్పై సెంచరీ చేయడం ద్వారా విరాట్ కోహ్లీ తన అత్యుత్తమ ఫామ్ను మరోసారి అందుకున్నాడు. పాకిస్తాన్పై, కోహ్లీ తన 47వ వన్డే సెంచరీని కేవలం 84 బంతుల్లో సాధించాడు. ఇది మూడు ఫార్మాట్లలో అతని 77వ అంతర్జాతీయ సెంచరీ. గత 12 నెలల్లో మూడు ఫార్మాట్లలో కలిపి 7 సెంచరీలు సాధించాడు. వన్డేల్లో 3 సెంచరీలు చేసిన వెంటనే సచిన్ టెండూల్కర్ 49 వన్డే సెంచరీల రికార్డును బ్రేక్ చేస్తాడు. అయితే, అతను టెండూల్కర్ 100 సెంచరీల రికార్డును బద్దలు కొట్టగలడా అనేది పెద్ద ప్రశ్న
34 ఏళ్ల విరాట్ 100 లేదా అంతకంటే ఎక్కువ సెంచరీలు సాధించాలంటే, మరికొన్ని సంవత్సరాలు ఆటను కొనసాగించడం ముఖ్యం. క్రికెట్కు దూరంగా ఉండాలనే ఆలోచనలో ఉన్నట్టు విరాట్ ఇప్పటి వరకు ఎలాంటి హింట్ ఇవ్వలేదు. అంటే ప్రస్తుతానికి ఆడటం కొనసాగిస్తారు, అయితే ఎంతకాలం ఫిట్నెస్ తో ఉంటారని చాలామందికి సందేహం రావచ్చు. కానీ కోహ్లీ టీమ్ ఇండియాలోని చాలా మంది యువ స్టార్ల కంటే మెరుగైన స్థితిలో ఉన్నాడు. ఆసియా కప్కు ముందు కూడా అతను యో-యో టెస్టులో 17.2 స్కోర్ చేశాడు. స్వతహాగా పదవీ విరమణ నిర్ణయం తీసుకుంటే తప్ప ఆయన్ను ఎవ్వరూ తప్పించలేరు. సచిన్ టెండూల్కర్ 40 ఏళ్ల వరకు భారత్ తరఫున ఆడగా.. రాహుల్ ద్రవిడ్ 39 ఏళ్ల వరకు ఆడాడు. మహేంద్ర సింగ్ ధోనీ 38 ఏళ్ల పాటు టీమ్ ఇండియాలో ఉన్నాడు. విరాట్ కూడా ఈ దిగ్గజాల బాటలో నడిస్తే 4 నుంచి 5 ఏళ్ల పాటు హాయిగా ఆడవచ్చు.
ఇప్పుడు మరో 4 నుంచి 5 ఏళ్లు ఆడితే మరో 24 సెంచరీలు సాధించగలడా అన్న తదుపరి ప్రశ్న తలెత్తుతోంది. ప్రస్తుతం అతని పేరు మీద 77 సెంచరీలు ఉన్నాయి. సచిన్ 782 ఇన్నింగ్స్ల్లో 100 సెంచరీలు సాధించాడు. విరాట్ మొత్తం మూడు ఫార్మాట్లలో 561 ఇన్నింగ్స్లలో 77 సెంచరీలు సాధించాడు. అతను ప్రతి సెంచరీకి సగటున 7.29 ఇన్నింగ్స్లు తీసుకుంటాడు. దీని ప్రకారం 24 సెంచరీలు చేసేందుకు 175 ఇన్నింగ్స్లు అవసరం. తన 16 ఏళ్ల కెరీర్లో కోహ్లీ ప్రతి సంవత్సరం సగటున 35 ఇన్నింగ్స్లు ఆడాడు. అంటే 175 ఇన్నింగ్స్ల కోసం అతను మరో ఐదేళ్లు ఆడాల్సి ఉంటుంది. అతను మరో 5 సంవత్సరాలు ఆడే అవకాశం ఉంది. కాబట్టి ఇదే వేగంతో ఆడితే 2028 చివరి నాటికి సచిన్ రికార్డును బద్దలు కొట్టే అవకాశం ఉంది.
Also Read: Ragging: హైదరాబాద్ లో ర్యాగింగ్ కలకలం, పది మంది విద్యార్థులు సస్పెండ్!
Related News
Virat Kohli Record: T20 ప్రపంచ కప్ గేమ్ల్లో కోహ్లీ రికార్డులు ఇవే.. లెక్కలు చూస్తే ఆశ్చర్యపోవాల్సిందే..!
కొద్ది రోజుల క్రితం విరాట్ కోహ్లీ స్లో స్ట్రైక్ రేట్తో ఆడుతున్నాడని ట్రోల్ చేశారు. ఇటీవల 67 బంతుల్లోనే సెంచరీ చేసి ఐపీఎల్ చరిత్రలో అత్యంత స్లో సెంచరీ సాధించిన ఘనత కోహ్లిదే.