Virat Kohli: విరాట్ కోహ్లీ.. 136 అర్ధ సెంచరీలు, 78 సెంచరీలు..!
భారత క్రికెట్ జట్టు వెటరన్ ఆటగాడు విరాట్ కోహ్లీ (Virat Kohli) తన పుట్టినరోజు సందర్భంగా కోల్కతా మైదానంలో మ్యాచ్ ఆడనున్నాడు.
- By Gopichand Published Date - 09:52 AM, Sun - 5 November 23
Virat Kohli: భారత క్రికెట్ జట్టు వెటరన్ ఆటగాడు విరాట్ కోహ్లీ (Virat Kohli) తన పుట్టినరోజు సందర్భంగా కోల్కతా మైదానంలో మ్యాచ్ ఆడనున్నాడు. ఆదివారం కోల్కతాలోని ఈడెన్ గార్డెన్స్లో భారత్-దక్షిణాఫ్రికా మధ్య మ్యాచ్ జరగనుంది. ఈరోజుతో కోహ్లీకి 35 ఏళ్లు నిండాయి. తన కెరీర్లో ఎన్నో విజయాలు సాధించాడు. అందుకే కోహ్లీని అభిమానులు కింగ్ అని పిలవటానికి ప్రధాన కారణం. ఇందుకోసం ఏళ్ల తరబడి అవిశ్రాంతంగా శ్రమించారు. కోహ్లి రికార్డులను పరిశీలిస్తే ఏ ఆటగాడికీ వాటిని బద్దలు కొట్టడం అంత ఈజీ కాదు.
ప్రపంచ క్రికెట్లో అత్యధిక సెంచరీలు సాధించిన ఆటగాళ్లలో కోహ్లీ రెండో స్థానంలో ఉన్నాడు. 78 సెంచరీలు చేశాడు. ప్రస్తుత ఆటగాళ్లలో అతని రికార్డుకు దగ్గరగా ఎవరూ లేరు. ప్రపంచ క్రికెట్లో అత్యధిక సెంచరీలు చేసిన రికార్డు సచిన్ టెండూల్కర్ పేరిట ఉంది. సచిన్ 100 సెంచరీలు సాధించాడు. కోహ్లి రెండో స్థానంలో ఉన్నాడు. ఆస్ట్రేలియా మాజీ క్రికెటర్ రికీ పాంటింగ్ మూడో స్థానంలో ఉన్నాడు. పాంటింగ్ 71 సెంచరీలు చేశాడు. వన్డే ఫార్మాట్లో కోహ్లీ 48 సెంచరీలు సాధించాడు. కాగా, సచిన్ 49 సెంచరీలు సాధించాడు. కోహ్లి మరో సెంచరీ సాధించిన వెంటనే వన్డేల్లో సచిన్ సెంచరీల లెక్కను సమం చేయనున్నాడు.
ప్రపంచ క్రికెట్లో అత్యధిక పరుగులు చేసిన ఆటగాళ్ల జాబితాను పరిశీలిస్తే.. అందులో కోహ్లీ నాలుగో స్థానంలో ఉన్నాడు. కోహ్లీ 514 మ్యాచ్ల్లో 26209 పరుగులు చేశాడు. ఈ సమయంలో కోహ్లీ అత్యుత్తమ స్కోరు అజేయంగా 254 పరుగులు. ఈ లిస్ట్లో కూడా సచిన్ నంబర్ వన్ గా ఉన్నాడు. సచిన్ పేరిట 34357 పరుగులు ఉన్నాయి. కుమార సంగక్కర 28016 పరుగులతో రెండో స్థానంలో ఉన్నాడు. ఇప్పటి వరకు కోహ్లీ అంతర్జాతీయ మ్యాచ్ల్లో 136 హాఫ్ సెంచరీలు, 78 సెంచరీలు సాధించాడు.
We’re now on WhatsApp : Click to Join
Tags
Related News
Pak vs Ire: చెలరేగిన బాబర్ – రిజ్వాన్.. టీమిండియాకు హెచ్చరికలు
బాబర్ మాట్లాడుతూ.. మా ప్రత్యర్థి భారత్ అని, కోహ్లీని అవుట్ చేసేందుకు ప్రత్యేక వ్యూహాలు రచిస్తున్నట్లు చెప్పాడు. దీంతో రానున్న మెగా టోర్నీలో బాబర్ సేన టీమిండియాకు గట్టి పోటీ ఇస్తుందనడంలో ఎలాంటి సందేహం అవసరం లేదు. నిజానికి పాకిస్తాన్ భారత్ తో ఆడాలని ఆరాటపడుతుంది