PAK Out Of Competition: పాకిస్థాన్ కొంపముంచిన అమెరికా.. టోర్నీ నుంచి నిష్క్రమించిన పాక్..!

PAK Out Of Competition

PAK Out Of Competition: తొలిసారిగా టీ20 ప్రపంచకప్‌ ఆడుతున్న అమెరికా క్రికెట్‌ జట్టు అద్భుతం చేసింది. ధైర్యమైన ఆట, అదృష్టం సహాయంతో అమెరికా T20 ప్రపంచ కప్ 2024 సూపర్ 8కి చేరుకుంది. గత ఎడిషన్‌లో ఫైనల్‌కు చేరిన పాకిస్థాన్ (PAK Out Of Competition) జట్టు గ్రూప్ దశ నుంచే నిష్క్రమించింది. జూన్ 14 (శుక్రవారం) అమెరికా తన చివరి గ్రూప్ మ్యాచ్‌లో ఐర్లాండ్‌తో తలపడాల్సి ఉంది. అయితే వర్షం కారణంగా ఒక బంతి కూడా పడకుండానే మ్యాచ్ రద్దు కావడంతో ఇరు జట్లకు ఒక్కో పాయింట్ లభించింది. గ్రూప్-ఎలో రెండు మ్యాచ్‌లు గెలిచిన అమెరికా జట్టు 5 పాయింట్లతో తదుపరి రౌండ్‌కు చేరుకుంది.

ICC T20 వరల్డ్ కప్ 2024లో 30వ మ్యాచ్ శుక్రవారం అమెరికా- ఐర్లాండ్ మధ్య ఫ్లోరిడాలో జరగాల్సి ఉంది. కానీ వర్షం కారణంగా ఫీల్డ్ తడిగా ఉండటంతో మ్యాచ్‌లో టాస్ నిర్వహించకుండానే మ్యాచ్ రద్దు చేశారు. మ్యాచ్ రద్దు తర్వాత అమెరికా చరిత్ర సృష్టించి సూపర్-8కి అర్హత సాధించింది. దీంతో భారత్ తర్వాత గ్రూప్-ఎ నుంచి సూపర్-8కి అర్హత సాధించిన రెండో జట్టుగా అమెరికా నిలిచింది. అమెరికా రెండో రౌండ్‌కు చేరిన తర్వాత పాకిస్థాన్ జట్టు ఇప్పుడు సూపర్-8 రేసు నుండి నిష్క్రమించింది. అమెరికా జట్టు ఇప్పుడు T20 ప్రపంచకప్ 2026 కూడా ఆడే ఛాన్స్ కొట్టేసింది.

Also Read: Virat Kohli Failure: ఓపెనర్‌గా విరాట్ కోహ్లీ వైఫల్యానికి కారణాలివేనా..?

లీగ్ దశలో కెనడాను ఓడించి ఆపై సూపర్ ఓవర్‌లో పాకిస్థాన్‌ను ఓడించి అమెరికా ఘన విజయం పొందింది. ఐర్లాండ్‌తో మ్యాచ్ రద్దయ్యాక అమెరికాకు ఒక పాయింట్ లభించి నాలుగు మ్యాచ్‌ల్లో రెండు విజయాలు, ఒక ఓటమి, ఒక్క మ్యాచ్‌లో ఫలితం లేకపోవడంతో ఐదు పాయింట్లతో సూపర్-8లోకి ప్రవేశించింది. దీంతో గ్రూప్-ఎ నుంచి పాకిస్థాన్, కెనడా, ఐర్లాండ్ జట్లు టోర్నీ నుంచి నిష్క్రమించాయి.

అమెరికా ఆ తర్వాత భారత్‌తో జరిగిన తొలి రెండు మ్యాచ్‌ల్లో పాకిస్థాన్ ఓటమిని చవిచూడాల్సి వచ్చింది. మూడో మ్యాచ్‌లో కెనడాపై జట్టు 7 వికెట్ల తేడాతో విజయం సాధించి 2 పాయింట్లు సాధించింది. అయితే అమెరికా-ఐర్లాండ్ మ్యాచ్‌ను వర్షం వాష్ అవుట్ చేయడంతో తదుపరి రౌండ్‌కు చేరుకోవాలనే పాక్ జట్టు ఆశలు గల్లంతయ్యాయి. గ్రూప్‌ దశ చివరి మ్యాచ్‌లో పాకిస్థాన్‌ గెలిచినా గరిష్టంగా 4 పాయింట్లు మాత్రమే పొందగలుగుతుంది. పాకిస్థాన్ జట్టు ఇప్పుడు జూన్ 16న ఐర్లాండ్‌తో తన చివరి గ్రూప్ స్టేజ్ మ్యాచ్ ఆడనుంది. ఇది కేవలం పాక్ జట్టుకు నామమాత్రపు మ్యాచ్.

సూపర్-8లో అమెరికా షెడ్యూల్

సూపర్-8లో అమెరికా ఇప్పుడు జూన్ 19న ఆంటిగ్వాలో దక్షిణాఫ్రికాతో, జూన్ 21న బార్బడోస్‌లో వెస్టిండీస్‌తో, ఆపై గ్రూప్-బిలో నంబర్ వన్ జట్టుతో జూన్ 23న బార్బడోస్‌లో గ్రూప్ దశలో తలపడనుంది.

We’re now on WhatsApp : Click to Join

T20 ప్రపంచ కప్ 2024 గ్రూప్ A స్థితి

• భారత్ (3 మ్యాచ్‌లు) – 6 పాయింట్లు (3 విజయాలు)
• అమెరికా (4 మ్యాచ్‌లు) – 5 పాయింట్లు (2 విజయాలు, 1 ఓటమి, 1 మ్యాచ్ రద్దు)
• పాకిస్థాన్ (3 మ్యాచ్‌లు) – 2 పాయింట్లు (1 విజయం, 2 ఓటములు)
• కెనడా (4 మ్యాచ్‌లు) – 2 పాయింట్లు (1 విజయం, 2 ఓటములు)
• ఐర్లాండ్ (3 మ్యాచ్‌లు) – 1 పాయింట్ (2 ఓటములు, ఒక మ్యాచ్ రద్దు)

Follow us