World Cup Victory Parade: జ‌న‌సంద్ర‌మైన ముంబై.. హార్దిక్ అంటూ నినాదాలు.. సోష‌ల్ మీడియాలో వీడియో వైర‌ల్‌..!
ఈసారి అమెరికా, వెస్టిండీస్‌లో జరిగిన టీ-20 ప్రపంచకప్‌ను కైవసం చేసుకుని దేశంలోని క్రికెట్ అభిమానులకు భారత క్రికెట్ (World Cup Victory Parade) జట్టు భారీ కానుకను అందించింది.
- By Gopichand Published Date - 08:04 PM, Thu - 4 July 24
World Cup Victory Parade: ఈసారి అమెరికా, వెస్టిండీస్‌లో జరిగిన టీ-20 ప్రపంచకప్‌ను కైవసం చేసుకుని దేశంలోని క్రికెట్ అభిమానులకు భారత క్రికెట్ (World Cup Victory Parade) జట్టు భారీ కానుకను అందించింది. తుఫాను కారణంగా బార్బడోస్‌లో చిక్కుకుపోయిన టీమిండియా ఈరోజు అంటే బుధవారం దేశానికి చేరుకుంది. టీ-20 ఇంటర్నేషనల్ ఫార్మాట్‌లో టీమ్ ఇండియా రెండో ప్రపంచకప్ గెలిచినందుకు గౌరవసూచకంగా ముంబైలోని మెరైన్ డ్రైవ్‌లో విజయోత్సవ పరేడ్ నిర్వహిస్తున్నారు. వర్షం కురుస్తున్నప్పటికీ విజేతలను సన్మానించడానికి పెద్ద సంఖ్యలో ప్రజలు ఇక్కడకు తరలివచ్చారు. క్రీడాకారుల విజయోత్సవ ఊరేగింపు జ‌రుగుతుంది.
టీ20 ప్రపంచకప్‌లో ఫైనల్ పోరు భారత్-దక్షిణాఫ్రికా మధ్య జరిగిన సంగతి తెలిసిందే. ఈ మ్యాచ్‌లో భారత్ టాస్ గెలిచి ముందుగా బ్యాటింగ్ ఎంచుకుని దక్షిణాఫ్రికాకు 177 పరుగుల లక్ష్యాన్ని నిర్దేశించింది. భారత జట్టులో విరాట్ కోహ్లీ 76 (59), అక్షర్ పటేల్ 47 (31) పరుగులు చేశారు. దీంతో దక్షిణాఫ్రికా జట్టు నిర్ణీత 20 ఓవర్లలో 168 పరుగులు మాత్రమే చేయగలిగింది. బౌలింగ్‌లో హార్దిక్ పాండ్యా 20 పరుగులిచ్చి 3 వికెట్లు తీశాడు. అదే సమయంలో జస్ప్రీత్ బుమ్రా, అర్ష్‌దీప్ సింగ్‌లు చెరో రెండు వికెట్లు తీశారు. ఈ విధంగా ఫైనల్ మ్యాచ్‌లో భారత్ 7 పరుగుల తేడాతో విజయం సాధించింది.
A perfect redemption 💙🇮🇳
Hardik Hardik chants at the Wankhede Stadium, Mumbai!
This is what we love to see 🥹#VictoryParade pic.twitter.com/LOi1q2jaPk— Sanchit Desai | WORLD CHAMPIONS 💙🇮🇳🏆 (@sanchitd43) July 4, 2024
ఇక‌పోతే టీ20 ప్రపంచకప్ 2024 టైటిల్ గెలిచి తిరిగి వచ్చిన భారత జట్టు విజయ యాత్ర ప్రారంభమైంది. టీమిండియాకు స్వాగతం పలికేందుకు ముంబై మొత్తం వీధుల్లోకి వచ్చినట్లు కనిపిస్తోంది. నారిమన్ పాయింట్ నుంచి వాంఖడే స్టేడియం వరకు భారీగా క్రికెట్ అభిమానులు గుమిగూడారు. ఈ 2.5 కిలోమీటర్ల విజయ యాత్ర నారిమన్ పాయింట్ నుండి వాంఖడే స్టేడియం వరకు చేరుకుంటుంది. ప్రపంచ విజేతలుగా నిలిచిన ఈ ఆటగాళ్లను వాంఖడే స్టేడియంలో బీసీసీఐ సన్మానించనుంది. ఈ ఉదయం టీమ్ ఇండియా న్యూఢిల్లీకి చేరుకున్న విష‌యం తెలిసిందే.
We’re now on WhatsApp : Click to Join
