ICC Test Team Rankings: టెస్టు ర్యాంకింగ్స్ విడుదల చేసిన ఐసీసీ.. టాప్లో టీమిండియా.!
అంతర్జాతీయ క్రికెట్ మండలి (ICC Test Team Rankings) టెస్టు క్రికెట్లో జట్ల తాజా ర్యాంకింగ్ను విడుదల చేసింది.
- By Gopichand Published Date - 10:25 AM, Sun - 10 March 24
ICC Test Team Rankings: అంతర్జాతీయ క్రికెట్ మండలి (ICC Test Team Rankings) టెస్టు క్రికెట్లో జట్ల తాజా ర్యాంకింగ్ను విడుదల చేసింది. ఇంగ్లండ్తో జరిగిన ఐదు టెస్టు మ్యాచ్ల సిరీస్ను 4-1తో కైవసం చేసుకున్న టీమిండియా టెస్టు క్రికెట్లో ప్రపంచ నంబర్వన్ జట్టుగా అవతరించింది. వన్డే, టీ20 ఇంటర్నేషనల్లో ఐసీసీ ర్యాంకింగ్స్లో కూడా భారత జట్టు మొదటి స్థానంలో ఉంది. ఇలాంటి పరిస్థితుల్లో ఇప్పుడు టీమ్ ఇండియా మూడు ఫార్మాట్లలో ప్రపంచంలోనే నంబర్ వన్ జట్టుగా అవతరించింది.
ICC తాజా అప్డేట్లో.. టీమ్ ఇండియా 4636 పాయింట్లు, 122 రేటింగ్ను కలిగి ఉంది. రెండో స్థానంలో ఉన్న ఆస్ట్రేలియా 117 రేటింగ్తో ఉంది. ఇంగ్లండ్ 111 రేటింగ్తో మూడో స్థానంలో ఉండగా, న్యూజిలాండ్ 101 రేటింగ్తో నాలుగో స్థానంలో ఉంది. న్యూజిలాండ్తో జరిగిన రెండో టెస్టులో ఆస్ట్రేలియన్ జట్టు విజయం సాధించినా.. భారత్ను నంబర్వన్ నుంచి పడగొట్టడం సాధ్యం కాదు.
ధర్మశాల టెస్టులో ఇంగ్లండ్ను భారత జట్టు సులువుగా ఓడించింది. దీంతో బెన్ స్టోక్స్ జట్టు ఇన్నింగ్స్ 64 పరుగుల తేడాతో ఓటమిని చవిచూడాల్సి వచ్చింది. అదే సమయంలో ఈ విజయం తర్వాత టీం ఇండియా మూడు ఫార్మాట్లలో అంటే టెస్ట్, వన్డే, T20లో అగ్రస్థానంలో నిలిచింది. ఇప్పుడు భారత్ 122 రేటింగ్ పాయింట్లతో నంబర్ వన్ స్థానంలో ఉంది. వన్డే ర్యాంకింగ్స్లో టీమిండియా 121 రేటింగ్ పాయింట్లతో అగ్రస్థానంలో ఉంది. కాగా, టీ20 ఫార్మాట్లో 266 రేటింగ్ పాయింట్లతో నంబర్-1 జట్టుగా నిలిచింది.
జస్ప్రీత్ బుమ్రా ICC టెస్ట్ ర్యాంకింగ్స్లో నంబర్-1 బౌలర్. జస్ప్రీత్ బుమ్రా 867 రేటింగ్ పాయింట్లతో అగ్రస్థానంలో ఉన్నాడు. అశ్విన్ 846 రేటింగ్ పాయింట్లతో రెండో స్థానంలో ఉన్నాడు. భారత్-ఇంగ్లండ్ ధర్మశాల టెస్టుకు ముందు ఐసీసీ టెస్టు ర్యాంకింగ్స్లో ఆస్ట్రేలియా అగ్రస్థానంలో ఉండగా.. ఇప్పుడు కంగారూలను వెనక్కి నెట్టింది టీమిండియా. ఆస్ట్రేలియా 117 రేటింగ్ పాయింట్లతో రెండో స్థానంలో ఉంది. దీని తర్వాత న్యూజిలాండ్ 111 రేటింగ్ పాయింట్లతో మూడో స్థానంలో ఉంది.
We’re now on WhatsApp : Click to Join
ఐసీసీ టెస్టు ర్యాంకింగ్స్లో న్యూజిలాండ్ ఆటగాడు కేన్ విలియమ్సన్ నంబర్-1 బ్యాట్స్మెన్. కేన్ విలియమ్సన్ 870 రేటింగ్ పాయింట్లతో అగ్రస్థానంలో ఉన్నాడు. ఇంగ్లండ్ ఆటగాడు జో రూట్ 799 రేటింగ్ పాయింట్లతో రెండో స్థానంలో కొనసాగుతున్నాడు. ఆస్ట్రేలియా ఆటగాడు స్టీవ్ స్మిత్ 789 రేటింగ్ పాయింట్లతో నంబర్-3 బ్యాట్స్మెన్. భారత బ్యాట్స్మెన్ల గురించి మాట్లాడుకుంటే.. విరాట్ కోహ్లీ, యశస్వి జైస్వాల్ టాప్-10లో భాగంగా ఉన్నారు.
Related News
India squad: టీ20 ప్రపంచకప్.. టీమిండియా జట్టు ప్రకటనకు మూహర్తం ఫిక్స్..!
పలువురు మాజీ క్రికెటర్లు కూడా తమ ఎంపిక మేరకు 15 మంది సభ్యులతో కూడిన టీమ్ ఇండియా జట్టును ఎంపిక చేశారు. అయితే మీడియా కథనాల ప్రకారం ఏప్రిల్ 29 లేదా మే 1న బీసీసీఐ టీమ్ ఇండియాను ప్రకటించవచ్చు.