Tammy Beaumont: చరిత్ర సృష్టించిన ఇంగ్లండ్ మహిళ క్రికెటర్ బ్యూమాంట్

Resizeimagesize (1280 X 720) 11zon

Tammy Beaumont: ఆస్ట్రేలియాపై ఇంగ్లండ్ మహిళ బ్యాట్స్‌మెన్ టామీ బ్యూమాంట్ (Tammy Beaumont) అద్భుత డబుల్ సెంచరీ సాధించింది. టామీ బ్యూమాంట్ 331 బంతుల్లో 208 పరుగులతో అద్భుతమైన ఇన్నింగ్స్ ఆడింది. ఆమె ఇన్నింగ్స్‌లో 27 ఫోర్లు బాదింది. దీనితో పాటు టామీ బ్యూమాంట్ తన పేరు మీద ఓ రికార్డును కూడా సృష్టించింది. నిజానికి మహిళల టెస్టు క్రికెట్ చరిత్రలో డబుల్ సెంచరీ చేసిన తొలి ఇంగ్లండ్ బ్యాట్స్‌మెన్‌గా టామీ బ్యూమాంట్ నిలిచింది. 1935లో ఇంగ్లండ్ ప్లేయర్ బెట్టీ స్నోబాల్ 189 రన్స్ చేయగా ఇంగ్లండ్ తరపున ఇప్పటివరకు ఇదే అత్యధిక స్కోర్. ఇప్పుడు దాన్ని బ్యూమాంట్ అధిగమించారు.

ఇంగ్లండ్ 463 పరుగులు చేసింది

అదే సమయంలో ఇంగ్లాండ్ తన ఇన్నింగ్స్‌లో 463 పరుగులు చేసింది. దీంతో తొలి ఇన్నింగ్స్‌ ఆధారంగా ఆస్ట్రేలియా 10 పరుగుల ఆధిక్యం సాధించింది. టామీ బ్యూమాంట్‌తో పాటు నైట్ సీవర్ బ్రంట్, హీథర్ నైట్, డేనియల్ వ్యాట్ అద్భుతమైన ఇన్నింగ్స్ ఆడారు. నైట్ సీవర్ బ్రంట్, హీథర్ నైట్, డేనియల్ వ్యాట్ వరుసగా 78, 57, 44 పరుగులు చేశారు. ఆస్ట్రేలియా తరఫున యాష్లే గార్డనర్ అత్యధికంగా 4 వికెట్లు పడగొట్టగా.. తహిలా మెక్‌గ్రాత్ మూడు వికెట్లు పడగొట్టింది. డార్సీ బ్రౌన్, అన్నాబెల్ సదర్లాండ్, ఎల్లీస్ ప్యారీ ఒక్కొక్క వికెట్ తీశారు.

Also Read: ICC Cricket World Cup Qualifier 2023: విండీస్‌కు జింబాబ్వే షాక్‌

అంతకుముందు టాస్ గెలిచిన ఆస్ట్రేలియా కెప్టెన్ అలిస్సా హీలీ బ్యాటింగ్ ఎంచుకుంది. టాస్ గెలిచి తొలుత బ్యాటింగ్‌కు దిగిన ఆస్ట్రేలియా జట్టు 473 పరుగులకు కుప్పకూలింది. ఆస్ట్రేలియా తరఫున అనాబెల్ సదర్లాండ్ అద్భుత సెంచరీ చేసింది. అన్నాబెల్ సదర్లాండ్ 184 బంతుల్లో 137 పరుగులు చేసింది. ఆమె ఇన్నింగ్స్‌లో 16 ఫోర్లు, 1 సిక్స్ ఉన్నాయి. ఇంగ్లండ్ తరఫున సోఫీ అస్క్లెటన్ అత్యధికంగా 5 వికెట్లు పడగొట్టింది. లారెన్ బెల్, లారెన్ ఫిల్లర్ రెండేసి వికెట్లు తీశారు. రెండు జట్ల మధ్య ఈ యాషెస్ 2023 మ్యాచ్ ట్రెంట్ బ్రిడ్జ్‌లో జరగడం గమనార్హం. యాషెస్ 2023లో ఆస్ట్రేలియా, ఇంగ్లండ్ మహిళల జట్ల మధ్య కేవలం 1 టెస్ట్ మ్యాచ్ మాత్రమే జరుగుతుంది.

Follow us