KL Rahul:కే ఎల్ రాహుల్ సర్జరీ సక్సెస్

టీమిండియా ఓపెనర్ కే ఎల్ రాహుల్ ఫ్యాన్స్ కు గుడ్ న్యూస్ చెప్పాడు. తన గాయానికి సంబందించి జరిగిన సర్జరీ సక్సెస్ అయిందని సోషల్ మీడియా ద్వారా వెల్లడించాడు. సౌతాఫ్రికాతో సిరీస్‌కు ఒక రోజు ముందు గాయం కారణంగా దూరమైన కేఎల్‌ రాహుల్‌ చికిత్స కోసం జర్మనీ వెళ్ళాడు. గర్ల్ ఫ్రెండ్ అథియా శెట్టితో కలిసి జర్మనీలో వాలిన రాహుల్ తాజాగా హాస్పిటల్‌ బెడ్‌పై ఉన్న ఫొటోను రాహుల్ పోస్ట్‌ చేశాడు.
ఈ రెండు వారాలు చాలా కష్టంగా గడిచాయనీ, ఎట్టకేలకు సర్జరీ విజయవంతంగా పూర్తయ్యిందన్నాడు. తాను వేగంగా కోలుకుంటున్నాననీ చెప్పాడు. త్వరలోనే జట్టులోకి వచ్చేందుకు రెఢీ అవుతున్నాననీ, తన కోసం ప్రార్థించిన వారందరికీ ధన్యవాదాలంటూ ట్వీట్ చేశాడు.గాయం కారణంగా సౌతాఫ్రికాతో టీ20 సిరీస్ నుంచి తప్పుకున్న రాహుల్ ఇంగ్లాండ్‌తో నిర్ణయాత్మక ఐదో టెస్టుకి దూరమయ్యాడు. ఇంతకుముందు గాయం కారణంగా జట్టుకి దూరమైనప్పుడల్లా గర్ల్‌ఫ్రెండ్ అథియా శెట్టితో కలిసి చక్కర్లు కొడుతూ కనిపించిన కెఎల్ రాహుల్, సర్జరీ కోసం జర్మనీకి వెళ్లిన సమయంలోనూ ఆమెను వెంటబెట్టుకెళ్లడంతో వారి లవ్ ఎఫైర్ నిజమేనని తెలుస్తోంది.
బాలీవుడ్ హీరో సునీల్ శెట్టి కుమార్తె అయిన అతియాతో కే ఎల్ రాహుల్ చాలా కాలంగా ప్రేమలో ఉన్నాడు. అధికారికంగా తమ లవ్ గురించి చెప్పకున్నా చెట్టా పట్టాలేసుకుని తిరుగుతున్నారు.వీరి పెళ్లి డిసెంబర్ లో ఉంటుందన్న సమాచారం.
పెళ్లి తర్వాత ఇద్దరూ కలిసి ఉండేందుకు ముంబైలోని బ్రాండ్ న్యూ హోమ్ లో ఒక ఇంటిని కూడా కొనుగోలు చేసినట్లు వార్తలు వస్తున్నాయి.

 

View this post on Instagram

 

A post shared by KL Rahul👑 (@klrahul)