Charlotte Dujardin: పారిస్ ఒలింపిక్స్కు స్టార్ క్రీడాకారిణి దూరం.. కారణమిదే..?
ఇంగ్లండ్కు చెందిన ఈ స్టార్ ప్లేయర్ షార్లెట్ డుజార్డిన్ (Charlotte Dujardin). ఆమె ప్రపంచ నంబర్-1 గుర్రపు రైడర్గా పరిగణిస్తారు.
- By Gopichand Published Date - 07:30 AM, Thu - 25 July 24
![Charlotte Dujardin: పారిస్ ఒలింపిక్స్కు స్టార్ క్రీడాకారిణి దూరం.. కారణమిదే..?](https://d1x8bgrwj9curj.cloudfront.net/wp-content/uploads/2024/07/safeimagekit-Screenshot-2024-07-24-234857_11zon.png)
Charlotte Dujardin: పారిస్ ఒలింపిక్స్ 2024కి ముందు బ్రిటన్కు భారీ ఎదురుదెబ్బ తగిలింది. దేశానికి అత్యధిక పతకాలు సాధించిన క్రీడాకారిణిగా చరిత్ర సృష్టించిన ఈ స్టార్ ప్లేయర్.. పారిస్ ఒలింపిక్స్ నుంచి తన పేరును ఉపసంహరించుకుంది. ఈ స్టార్ ప్లేయర్ 4 సంవత్సరాల క్రితం చేసిన పొరపాటు, దాని పర్యవసానాలను ఈ రూపంలో భరించాల్సి వస్తోంది. ఈ స్టార్ క్రీడాకారిణి క్షమాపణలు చెప్పినప్పటికీ ఆమె పారిస్ ఒలింపిక్స్కు దూరంగా ఉండవలసి ఉంటుంది.
ఈ స్టార్ ప్లేయర్ ఎవరు?
ఇంగ్లండ్కు చెందిన ఈ స్టార్ ప్లేయర్ షార్లెట్ డుజార్డిన్ (Charlotte Dujardin). ఆమె ప్రపంచ నంబర్-1 గుర్రపు రైడర్గా పరిగణిస్తారు. షార్లెట్ డుజార్డిన్ ఒక ఈక్వెస్ట్రియన్. ఆమె క్రీడా ప్రపంచంలో తెలియని వ్యక్తి నుండి కేవలం ఒక సంవత్సరంలో ఒలింపిక్ ఛాంపియన్గా మారింది. ఇప్పటి వరకు 3 ఒలింపిక్స్లో ఛాంపియన్గా నిలిచింది. షార్లెట్ తొలిసారిగా లండన్ ఒలింపిక్స్లో 2 బంగారు పతకాలు సాధించింది. ఆ తర్వాత రియో ఒలింపిక్స్లో షార్లెట్ ఒక స్వర్ణం, ఒక రజత పతకాన్ని గెలుచుకుంది. ఇదే సమయంలో చివరిసారి అంటే టోక్యో ఒలింపిక్స్లో షార్లెట్ 2 కాంస్య పతకాలను సాధించడం ద్వారా బ్రిటన్కు అత్యధిక ఒలింపిక్ పతకాలను గెలుచుకున్న లారా కెన్నీ రికార్డును సమం చేసింది.
Also Read: IPL Couches: కోచ్లుగా మారుతున్న 2011 ప్రపంచకప్ హీరోలు
పారిస్ ఒలింపిక్స్ నుండి ఎందుకు తొలగించారు..?
షార్లెట్ డుజార్డిన్ ఒక గుర్రాన్ని తప్పుగా ప్రవర్తించినట్లు ఆరోపించింది. అంతేకాకుండా ఆ గుర్రానికి 24 కొరడా దెబ్బలు కొట్టింది. ఈ ఘటనపై ఓ అజ్ఞాత ఫిర్యాదుదారు ఇంటర్నేషనల్ ఈక్వెస్ట్రియన్ స్పోర్ట్స్ ఫెడరేషన్లో ఫిర్యాదు చేశారు. ఇందుకు ఆధారంగా ఓ వీడియోను కూడా ఫిర్యాదుదారు తన ఫిర్యాదులో పంపారు. ఇంటర్నేషనల్ ఈక్వెస్ట్రియన్ స్పోర్ట్స్ ఫెడరేషన్ షార్లెట్కు స్పందించడానికి మంగళవారం వరకు సమయం ఇచ్చింది. గడువుకు ముందే షార్లెట్ ఒలింపిక్స్కు దూరంగా ఉండాలని నిర్ణయించుకుంది.
We’re now on WhatsApp. Click to Join.
వీడియోలో ఏమి ఉంది..?
షార్లెట్ డుజార్డిన్ ఈ వీడియో 4 సంవత్సరాల పాతదిగా సమాచారం. ఈ వీడియోలో షార్లెట్ ఒక యువ రైడర్కు శిక్షణ ఇస్తోంది. ఈ శిక్షణ సమయంలోనే ఆమె దాదాపు 24 సార్లు గుర్రాన్ని కొట్టింది. షార్లెట్ గుర్రాలు కాదని, సర్కస్ ఏనుగులంటూ గుర్రాలపై దాడి చేస్తోందని ఫిర్యాదుదారుడు ఆరోపించాడు.
6 నెలల పాటు నిషేధం విధించింది
ఇంటర్నేషనల్ ఫెడరేషన్ ఫర్ ఈక్వెస్ట్రియన్ స్పోర్ట్స్ (FEI) నివేదిక ప్రకారం.. ఈ ఫుటేజీని చూసిన తర్వాత ఇంటర్నేషనల్ ఈక్వెస్ట్రియన్ స్పోర్ట్స్ ఫెడరేషన్ షార్లెట్ను తక్షణమే 6 నెలల పాటు తాత్కాలికంగా నిలిపివేయాలని నిర్ణయించింది. FEI నివేదిక ప్రకారం.. షార్లెట్ విచారణకు పూర్తిగా సహకరించింది. ఆమె తప్పును అంగీకరించింది. వీడియోలో ఉన్నది ఆమె అని చెప్పింది. తన తప్పుకు పశ్చాత్తాపాన్ని కూడా వ్యక్తం చేసింది.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Neeraj Chopra: లౌసాన్ డైమండ్ లీగ్.. రెండో స్థానంలో నిలిచిన నీరజ్ చోప్రా..!](https://d1x8bgrwj9curj.cloudfront.net/wp-content/uploads/2024/08/safeimagekit-Screenshot-2024-08-23-082053_11zon.png)
Neeraj Chopra: లౌసాన్ డైమండ్ లీగ్.. రెండో స్థానంలో నిలిచిన నీరజ్ చోప్రా..!
నీరజ్ చోప్రా ప్రస్తుతం గాయంతో బాధపడుతున్నాడు. అతను శస్త్రచికిత్స చేయించుకోవలసి ఉంది. అయితే ఇది ఉన్నప్పటికీ అతను ఈ లీగ్లో పాల్గొనాలని నిర్ణయించుకున్నాడు.