IPL 2025 Points Table: ఐపీఎల్ లేటెస్ట్ పాయింట్స్ టేబుల్ ఇదే.. టాప్‌లో ఉంది ఎవ‌రంటే?

IPL 2025 Points Table: ఐపీఎల్ 2025 38వ మ్యాచ్‌లో ముంబై ఇండియన్స్, చెన్నై సూపర్ కింగ్స్ తలపడ్డాయి. ముంబై ఇండియన్స్ అద్భుతమైన ఆటతీరుతో సీఎస్‌కేను 9 వికెట్ల తేడాతో చిత్తు చేసింది. రోహిత్ శర్మ, సూర్యకుమార్ యాదవ్ అద్భుతమైన అర్ధ సెంచరీ ఇన్నింగ్స్‌లు (IPL 2025 Points Table) ఆడారు. ముంబై, సీఎస్‌కే మధ్య జరిగిన ఈ మ్యాచ్ తర్వాత పాయింట్స్ టేబుల్ స్థితి మారిపోయింది. ముంబై అద్భుతమైన కమ్‌బ్యాక్ సాధించగా, సీఎస్‌కే స్థితి యథాతథంగా ఉంది.

ముంబై అద్భుతమైన కమ్‌బ్యాక్

సీఎస్‌కేను ఓడించడం ద్వారా ముంబై పాయింట్స్ టేబుల్‌లో గణనీయమైన ప్రయోజనం పొందింది. ఈ మ్యాచ్‌కు ముందు ముంబై ఏడవ స్థానంలో ఉంది. కానీ సీఎస్‌కేను ఓడించి ముంబై ఆరవ స్థానానికి చేరుకుంది. ఇది ముంబైకి వరుసగా మూడవ విజయం. ఇప్పటివరకు ఆడిన 8 మ్యాచ్‌లలో ముంబైకి 4 విజయాలు, 4 ఓటములు దక్కాయి. పాయింట్స్ టేబుల్‌లో ముంబై వద్ద 8 పాయింట్లు ఉన్నాయి. అటు సీఎస్‌కే విషయానికొస్తే.. జట్టు పాయింట్స్ టేబుల్‌లో 10వ స్థానంలోనే కొనసాగుతోంది. సీఎస్‌కే 8 మ్యాచ్‌లలో 2 విజయాలు, 6 ఓటములు సాధించింది. ఈ విజయంతో ముంబై ప్లేఆఫ్స్‌కు చేరుకునే తన అవకాశాలను బలోపేతం చేసుకుంది. అయితే సీఎస్‌కేతో పాటు సన్‌రైజర్స్ హైదరాబాద్, రాజస్థాన్ రాయల్స్ దాదాపు ఐపీఎల్ 2025 ప్లేఆఫ్స్ నుండి బయటపడ్డాయి.

Also Read: 50 Years of Journey Book: ‘50 ఏళ్ల ప్రయాణం’ పుస్తక ఆవిష్కరణ.. బీఆర్ఎస్ మాజీ మంత్రి క‌థ ఇదే!

టాప్ 5 జట్లు ఇవే

పాయింట్స్ టేబుల్‌లో ప్రస్తుతం గుజరాత్ టైటాన్స్ 7 మ్యాచ్‌లలో 5 విజయాలు, 2 ఓటములతో 10 పాయింట్లతో మొదటి స్థానంలో ఉంది. ఢిల్లీ కూడా 7 మ్యాచ్‌లలో 5 విజయాలతో 10 పాయింట్లతో రెండవ స్థానంలో ఉంది. ఆర్‌సీబీ 8 మ్యాచ్‌లలో 5 విజయాలు, 3 ఓటములతో 10 పాయింట్లతో మూడవ స్థానంలో కొనసాగుతోంది. నాల్గవ స్థానంలో పీబీకేఎస్ 10 పాయింట్లతో ఉంది. ఐదవ స్థానంలో ఎల్‌ఎస్‌జీ 10 పాయింట్లతో కొనసాగుతోంది.

పాయింట్స్ టేబుల్

• గుజరాత్ టైటాన్స్: 7 మ్యాచ్‌లు, 5 విజయాలు, 2 ఓటములు, 10 పాయింట్లు, NRR +0.984
• ఢిల్లీ క్యాపిటల్స్: 7 మ్యాచ్‌లు, 5 విజయాలు, 2 ఓటములు, 10 పాయింట్లు, NRR +0.589
• రాయల్ ఛాలెంజర్స్ బెంగళూరు: 8 మ్యాచ్‌లు, 5 విజయాలు, 3 ఓటములు, 10 పాయింట్లు, NRR +0.472
• పంజాబ్ కింగ్స్: 8 మ్యాచ్‌లు, 5 విజయాలు, 3 ఓటములు, 10 పాయింట్లు, NRR +0.177
• లక్నో సూపర్ జెయింట్స్: 8 మ్యాచ్‌లు, 5 విజయాలు, 3 ఓటములు, 10 పాయింట్లు, NRR +0.088
• ముంబై ఇండియన్స్: 8 మ్యాచ్‌లు, 4 విజయాలు, 4 ఓటములు, 8 పాయింట్లు, NRR +0.483
• కోల్‌కతా నైట్ రైడర్స్: 7 మ్యాచ్‌లు, 3 విజయాలు, 4 ఓటములు, 6 పాయింట్లు, NRR +0.547
• రాజస్థాన్ రాయల్స్: 8 మ్యాచ్‌లు, 2 విజయాలు, 6 ఓటములు, 4 పాయింట్లు, NRR -0.633
• సన్‌రైజర్స్ హైదరాబాద్: 7 మ్యాచ్‌లు, 2 విజయాలు, 5 ఓటములు, 4 పాయింట్లు, NRR -1.217
• చెన్నై సూపర్ కింగ్స్: 8 మ్యాచ్‌లు, 2 విజయాలు, 6 ఓటములు, 4 పాయింట్లు, NRR -1.392