India vs South Africa: భారత్- దక్షిణాఫ్రికా మధ్య నేడు రెండో టీ20.. వర్షం ముప్పు ఉందా..?

Ind Beat Aus By 44 Runs

India vs South Africa: భారత్-దక్షిణాఫ్రికా (India vs South Africa) జట్ల మధ్య 3 టీ20ల సిరీస్ లో భాగంగా నేడు రెండో టీ20 జరగనుంది. ఈ మ్యాచ్ సౌతాఫ్రికాలోని సెయింట్ జార్జ్ పార్క్ క్రికెట్ స్టేడియంలో రాత్రి 7:30 గంటలకు జరగనుంది. తొలి మ్యాచ్ వర్షం కారణంగా రద్దయింది. కాబట్టి నేటి మ్యాచ్‌లో విజయం ఇరు జట్లకు ఎంతో కీలకం. ఈరోజు మ్యాచ్ కు కూడా వర్షం ఆటంకం కలిగించే ఛాన్స్ ఉంది.

ఈ టీ20 సిరీస్‌ భారత్‌, దక్షిణాఫ్రికాలకు చాలా కీలకం. జూన్‌లో జరగనున్న టీ20 ప్రపంచకప్‌కు ఇంకా ఎక్కువ రోజులు సమయం లేకపోవడంతో ఇరు జట్లు అందుకు సంబంధించిన సన్నాహాల్లో ముమ్మరంగా ఉన్నాయి. కానీ తొలి టీ20లో ఆటగాళ్లు మైదానంలోకి వెళ్లేందుకు వాతావరణం అనుమతించలేదు. టాస్ కూడా వేయలేని పరిస్థితి నెలకొంది. ఇప్పుడు జట్లు మిగిలిన రెండు మ్యాచ్‌లలో తమ సన్నాహాలను ముందుకు తీసుకెళ్లాలనుకుంటున్నాయి.

Also Read: Dhoni: మహేంద్ర సింగ్ ధోనీ అభిమానులకు గుడ్ న్యూస్.. ఐపీఎల్ తర్వాత మరో లీగ్ లోకి ఎంట్రీ..?!

రెండో టీ20కు కూడా వర్షం ముప్పు..?!

గ్కేబర్హాలోని సెయింట్ జార్జ్ పార్క్‌లో జరగనున్న భారత్-దక్షిణాఫ్రికా రెండో టీ20పై కూడా వర్షం ప్రభావం పడవచ్చు. weather.com ప్రకారం.. ఈరోజు వర్షం పడే అవకాశం 70% ఉంది. అయితే మ్యాచ్ సమయంలో దీనికి తక్కువ అవకాశం ఉంది. మ్యాచ్ స్థానిక కాలమానం ప్రకారం సాయంత్రం 5 గంటలకు (భారత కాలమానం ప్రకారం రాత్రి 8:30 గంటలకు) ప్రారంభమవుతుంది. ఆ సమయంలో సంభావ్యత 23-34%కి తగ్గుతుందని అంచనా. వర్షం పడే సమయానికి ఈ మ్యాచ్ పూర్తవుతుందని ఇరు జట్ల అభిమానులు ఆశగా ఎదురుచూస్తున్నారు.

We’re now on WhatsApp. Click to Join.

టీ20 సిరీస్ కోసం టీమిండియా

యశస్వి జైస్వాల్, శుభ్‌మన్ గిల్, రుతురాజ్ గైక్వాడ్, తిలక్ వర్మ, సూర్యకుమార్ యాదవ్ (కెప్టెన్), రింకు సింగ్, శ్రేయాస్ అయ్యర్, ఇషాన్ కిషన్ (వికెట్ కీపర్), జితేష్ శర్మ (వికెట్ కీపర్), రవీంద్ర జడేజా, వాషింగ్టన్ సుందర్, బిష్ణోయ్, కుల్దీప్ యాదవ్, అర్ష్దీప్ సింగ్, మహ్మద్ సిరాజ్, ముఖేష్ కుమార్, దీపక్ చాహర్.

Follow us