Proposal During Asia Cup: హాంకాంగ్ క్రికెటర్ లవ్ ప్రపోజల్.. ఓకే చెప్పిన గాళ్ ఫ్రెండ్

ఆసియాకప్ లో భాగంగా భారత్, హాంకాంగ్ మధ్య జరిగిన మ్యాచ్ లో ఓ ఆసక్తికర ఘటన అందరినీ ఆకట్టుకుంది. బ్యాటింగ్ రాణించిన హాంకాంగ్ క్రికెటర్ కించిత్ షా మ్యాచ్ ముగిసిన తర్వాత తన గాళ్ ఫ్రెండ్ కు లవ్ ప్రపోజల్ చేశాడు. దీంతో షాక్ కు గురైన ఆ గాళ్ ఫ్రెండ్ వెంటనే ఓకే చెప్పింది.

అందరి ముందూ మోకాలిపై ఒంగి ప్రపోజ్ చేసిన కించిత్ షా ఆమె వేలికి ఉంగరం తొడిగాడు. ఈ దృశ్యాన్ని చూసిన స్టేడియంలో ఉన్న అభిమానులు చప్పట్లతో ఈ జంటకు విషెస్ చెప్పారు. హాంకాంగ్ టీమ్ తో పాటు పలువురు అభిమానులు కొత్త జంటకు అభినందనలు తెలిపారు. ఈ మ్యాచ్ లో ఓడినప్పటకీ హాంకాంగ్ ఆటతీరు ఆకట్టుకుంది. మొదట బ్యాటింగ్ కు దిగిన భారత్ 192 పరుగులు చేయగా… హాంకాంగ్ 152 పరుగులు చేసింది.

ముంబైలో పుట్టిన కించిత్ షా ప్రస్తుతం హాంకాంగ్ జట్టుకు ప్రాతినిథ్యం వహిస్తున్నాడు. ఈ మ్యాచ్ లో కించిత్ 30 పరుగులు చేశాడు. అండర్ 15 స్థాయి నుంచే హాంకాంగ్ క్రికెట్ లో నిలకడగా రాణిస్తూ మంచి క్రికెటర్ గా పేరు తెచ్చుకున్నాడు.

https://twitter.com/Cricket58214082/status/1565036802666143744