Glenn Maxwell: రోహిత్ శర్మ రికార్డును సమం చేసిన మాక్స్‌వెల్.. ఏ విషయంలో అంటే..?

Glenn Maxwell: మూడో టీ20లో భారత్‌పై ఆస్ట్రేలియా 5 వికెట్ల తేడాతో విజయం సాధించింది. ఐదు మ్యాచ్‌ల సిరీస్‌లో ఆస్ట్రేలియా తొలి విజయాన్ని నమోదు చేసింది. గ్లెన్ మాక్స్‌వెల్ (Glenn Maxwell) అద్భుతమైన సెంచరీ చేయడం ద్వారా తన జట్టును గెలిపించడంలో ముఖ్యమైన సహకారం అందించాడు. తొలుత బ్యాటింగ్ చేసిన భారత జట్టు 3 వికెట్ల నష్టానికి 222 పరుగులు చేసింది. ఈ భారీ లక్ష్యాన్ని ఛేదించేందుకు వచ్చిన ఆస్ట్రేలియా జట్టు 20వ ఓవర్ చివరి బంతికి మ్యాచ్‌ను చేజిక్కించుకుంది. ఈ మ్యాచ్‌లో భారత్ తరఫున రితురాజ్ గైక్వాడ్ అద్భుత సెంచరీ చేయగా, గ్లెన్ మాక్స్‌వెల్ తన జట్టుకు విన్నింగ్ సెంచరీ చేశాడు. ఈ సెంచరీతో రోహిత్ శర్మ రికార్డును మ్యాక్స్‌వెల్ సమం చేశాడు.

గ్లెన్ మాక్స్‌వెల్ రోహిత్ శర్మ రికార్డును సమం చేశాడు

T-20 ఇంటర్నేషనల్‌లో నాలుగు సెంచరీలు సాధించిన ప్రపంచంలోని ఏకైక ఆటగాడు భారత దిగ్గజ క్రికెటర్ రోహిత్ శర్మ. కానీ ఇప్పుడు ఆస్ట్రేలియా బ్యాట్స్‌మెన్ గ్లెన్ మాక్స్‌వెల్ రోహిత్ రికార్డును సమం చేశాడు. మంగళవారం భారత్‌తో జరిగిన టీ20 సిరీస్‌లోని మూడో మ్యాచ్‌లో మ్యాక్స్‌వెల్ 48 బంతుల్లో 104 పరుగులతో అద్భుత ఇన్నింగ్స్ ఆడి జట్టును విజయతీరాలకు చేర్చాడు. మాక్స్‌వెల్ కు ప్లేయర్ ఆఫ్ ద మ్యాచ్ టైటిల్ లభించింది.

Also Read: Richest Cricketer : ఈ క్రికెటర్‌కు 225 ఎకరాల్లో ప్యాలెస్ ఉంది తెలుసా?

T20 ఫార్మాట్‌లో రోహిత్ శర్మ అత్యధికంగా 4 సెంచరీలు సాధించాడు. ఇప్పుడు ఆస్ట్రేలియా ఆటగాడు గ్లెన్ మాక్స్‌వెల్ కూడా తన 4 T20 సెంచరీలతో రోహిత్‌తో సమానంగా వచ్చాడు. రోహిత్ శర్మ 140 టీ20 ఇన్నింగ్స్‌ల్లో నాలుగు సెంచరీలు సాధించగా, మ్యాక్స్‌వెల్ 92 టీ20 ఇన్నింగ్స్‌ల్లోనే ఈ ఘనత సాధించాడు. అంతర్జాతీయ టీ20లో మాక్స్‌వెల్ అత్యుత్తమ స్కోరు 145 పరుగులు. రోహిత్ శర్మ అత్యుత్తమ స్కోరు 118 పరుగులు. అంతర్జాతీయ టీ20 ఫార్మాట్‌లో ఇప్పటివరకు 3 సెంచరీలు చేసిన పాకిస్థాన్ మాజీ కెప్టెన్ బాబర్ అజామ్ ఈ జాబితాలో మూడో స్థానంలో ఉన్నాడు.

We’re now on WhatsApp. Click to Join.

భారత్-ఆస్ట్రేలియా మధ్య జరిగిన ఈ మ్యాచ్ గురించి మాట్లాడుకుంటే.. ఈ మ్యాచ్‌లో భారత్‌కు చెందిన రుతురాజ్ గైక్వాడ్ ఆస్ట్రేలియాపై టీ20 ఫార్మాట్‌లో సెంచరీ చేసిన తొలి భారత క్రికెటర్‌గా నిలిచాడు. అతను 57 బంతుల్లో 123 పరుగుల అజేయ ఇన్నింగ్స్ ఆడాడు. జట్టు స్కోరును 20 ఓవర్లలో 3 వికెట్ల నష్టానికి 222 పరుగులకు తీసుకువెళ్లాడు.