Harare Sports Club: వన్డే ప్రపంచ కప్ క్వాలిఫయర్ మ్యాచ్‌ లు జరుగుతున్న స్టేడియంలో అగ్నిప్రమాదం

Resizeimagesize (1280 X 720) (1) 11zon

Harare Sports Club: జింబాబ్వేలో జరుగుతున్న ICC ODI ప్రపంచ కప్ క్వాలిఫయర్స్ మ్యాచ్‌ల మధ్య హరారే స్పోర్ట్స్ క్లబ్‌ (Harare Sports Club)లో అగ్ని ప్రమాదం జరిగింది. స్టేడియంలోని స్టాండ్‌లలో ఒకటి భారీ అగ్నిప్రమాదంలో దగ్ధమైంది. ఆ సమయంలో మ్యాచ్ జరగనప్పటికీ మ్యాచ్ ముగిసిన 6 గంటల తర్వాత ఈ ప్రమాదం చోటుచేసుకుంది. ప్రమాద సమయంలో స్టేడియంలో ఎవరూ లేరు. దీంతో పెను ప్రమాదం తప్పింది.

ఈ ఘటన మంగళవారం అర్థరాత్రి హరారే స్పోర్ట్స్‌ క్లబ్‌లో చోటుచేసుకుంది. అంతకు ముందు ఈ మైదానంలో జింబాబ్వే, నెదర్లాండ్స్ మధ్య మ్యాచ్ జరిగింది. స్టేడియంలో మంటలు చెలరేగడంతో అగ్నిమాపక సిబ్బంది వెంటనే అక్కడికి చేరుకున్నారు. వెంటనే మంటలు కూడా అదుపులోకి వచ్చాయి. అయితే అగ్నిప్రమాదానికి గల కారణాలు ఇంకా తెలియరాలేదు. ఈ వ్యవహారంపై విచారణ సాగుతోంది.

Also Read: Virender Sehwag: వీరేంద్ర సెహ్వాగ్ చీఫ్ సెలక్టర్ కాబోతున్నారా..? బీసీసీఐ కీలక నిర్ణయం తీసుకోనుందా..?

ఘటన అనంతరం జింబాబ్వే క్రికెట్ అధికారుల సహకారంతో ఐసీసీ అధికారులు స్టేడియంను పరిశీలించింది. ఆ తర్వాత పరిస్థితి మామూలుగా ఉండడంతో మ్యాచ్‌ల షెడ్యూల్‌లో ఎలాంటి మార్పులు చేయకూడదని నిర్ణయించుకున్నారు. జింబాబ్వే క్రికెట్ ప్రకారం.. స్టేడియంలోని నైరుతి స్టాండ్‌లో మంటలు చెలరేగాయి.

జింబాబ్వే ఇప్పటివరకు అత్యుత్తమ ప్రదర్శన

ICC ODI ప్రపంచకప్ క్వాలిఫయర్స్ మ్యాచ్‌లలో టాప్ 2 జట్లకు ఈ ఏడాది చివర్లో భారత్‌లో జరిగే మెగా ఈవెంట్‌లో ఆడే అవకాశం లభిస్తుంది. ఇప్పటి వరకు జరిగిన టోర్నీలో ఆతిథ్య జింబాబ్వే అద్భుతమైన ప్రదర్శన కనబరిచింది. 2 మ్యాచ్‌లు ఆడిన జింబాబ్వే రెండింటిలోనూ విజయాన్ని సాధించింది. దీంతో పాటు రెండో గ్రూపులో ఒమన్ జట్టు మొదటి స్థానంలో ఉంది. శ్రీలంక, వెస్టిండీస్ జట్లు కూడా క్వాలిఫయర్స్‌లో పాల్గొంటున్నాయి.

Follow us