Shami Wife: షమీ భార్య, కుమార్తెపై హత్యాయత్నం కేసు.. గొడవ వీడియో వైరల్!

Shami Wife: భారత క్రికెటర్ మహమ్మద్ షమీ నుండి విడిపోయిన ఆయన భార్య (Shami Wife) హసిన్ జహాన్, కుమార్తె అర్షీ జహాన్‌పై హత్యాయత్నం కింద ఎఫ్‌ఐఆర్ నమోదైంది. హసిన్ జహాన్ ఒక మహిళతో గొడవ పడుతున్న వీడియో కూడా వెలుగులోకి వచ్చింది.ఇది భూమి వివాదానికి సంబంధించినదిగా స‌మాచారం. ఈ ఘటన పశ్చిమ బెంగాల్‌లోని బీర్బూమ్ జిల్లాలోని సూరీలో జరిగింది.

రిపోర్ట్ ప్రకారం.. కొన్ని రోజుల క్రితం హసిన్ జహాన్‌కు తన పొరుగువారితో భూమి విషయంలో వివాదం జరిగింది. ఈ ఘటన సూరీ మున్సిపాలిటీలోని వార్డ్ నంబర్ 5లోని సోనటోర్ ప్రాంతానికి సంబంధించినది. ఇండియన్ ఎక్స్‌ప్రెస్ రిపోర్ట్ ప్రకారం ఈ భూమి అర్షీ జహాన్‌కు చెందినది. ఆమె హసిన్ జహాన్ మొదటి వివాహం నుండి జన్మించిన కుమార్తె. వారు గుడ్డూ బీబీ ఆ భూమిని ఆక్రమించేందుకు ప్రయత్నిస్తున్నాడని ఆరోపించారు.

Also Read: Electricity Dues: క‌రెంట్ బిల్లు క‌ట్ట‌ని 29 మంది ఎమ్మెల్యేలు, మంత్రి.. ఎక్క‌డంటే?

An attempt to murder FIR under BNS sections 126(2), 115(2), 117(2), 109, 351(3) and 3(5) has lodged against Hasin Jahan, the estranged wife of Mohammed Shami and Arshi Jahan, her daughter from her first marriage by her neighbour Dalia Khatun in Suri town of Birbhum district in… pic.twitter.com/2dnqXUKMdK

— NCMIndia Council For Men Affairs (@NCMIndiaa) July 16, 2025

హసిన్ జహాన్ గొడవ వీడియో వెలుగులోకి

NCMIndia కౌన్సిల్ ఫర్ మెన్ అఫైర్స్ అనే సోషల్ మీడియా ఖాతాలో షమీ మాజీ భార్య హసిన్ జహాన్ తన పొరుగువారితో గొడవ పడుతున్న వీడియోను షేర్ చేసింది. ఈ పోస్ట్‌లో హసిన్ జహాన్, ఆమె మొదటి వివాహం నుండి జన్మించిన కుమార్తె అర్షీ జహాన్‌పై BNS సెక్షన్లు 126(2), 115(2), 117(2), 109, 351(3), 3(5) కింద హత్యాయత్నం కేసు నమోదైనట్లు పేర్కొన్నారు. ఈ గొడవ సూరీలోని వార్డ్ నంబర్ 5లో ఒక వివాదాస్పద ప్లాట్‌పై హసిన్ జహాన్ నిర్మాణం ప్రారంభించినప్పుడు మొదలైంది. ఇది ఆమె కుమార్తె అర్షీ జహాన్ పేరుపై ఉంది. నిర్మాణాన్ని ఆపేందుకు ప్రయత్నించిన దలియా ఖాతూన్‌పై హసిన్, ఆమె కుమార్తె దాడి చేశారని ఆరోపణలు ఉన్నాయి.

షమీ భార్యకు ఎంత భ‌ర‌ణం లభిస్తుంది?

కొన్ని రోజుల క్రితం కలకత్తా హైకోర్టు షమీ తన భార్య, కుమార్తె నిర్వహణ కోసం ప్రతి నెలా 4 లక్షల రూపాయలు చెల్లించాలని ఆదేశించింది. ఇందులో హసిన్ కోసం 1.5 లక్షలు, కుమార్తె కోసం 2.5 లక్షల రూపాయలు ఉన్నాయి. ఈ తీర్పుపై హసిన్ సంతోషం వ్యక్తం చేసింది. అయితే ఈ మొత్తం తన డిమాండ్ కంటే తక్కువని ఆమె అన్నారు.