Thank You Captain: థాంక్యూ కెప్టెన్… ధోనీ ఫ్యాన్స్ ఎమోషనల్
ధోనీ అంటే చెన్నై....చెన్నై అంటే ధోనీ...ఈ మాట చాలు ధోనీతో చెన్నై సూపర్ కింగ్స్ కు, చెన్నై ఫ్యాన్స్ కు ఉన్న అనుబంధం ఏంటో చెప్పడానికి...నిజమే ధోనీ చెన్నైలో పుట్టలేదు.. తమిళనాడు రాష్ట్రానికి చెందినవాడు కూడా కాదు..
- By Praveen Aluthuru Published Date - 06:29 PM, Thu - 21 March 24
Thank You Captain: ధోనీ అంటే చెన్నై….చెన్నై అంటే ధోనీ…ఈ మాట చాలు ధోనీతో చెన్నై సూపర్ కింగ్స్ కు, చెన్నై ఫ్యాన్స్ కు ఉన్న అనుబంధం ఏంటో చెప్పడానికి…నిజమే ధోనీ చెన్నైలో పుట్టలేదు.. తమిళనాడు రాష్ట్రానికి చెందినవాడు కూడా కాదు.. అయితేనేం భారత క్రికెట్ లో మోస్ట్ సక్సెస్ ఫుల్ కెప్టెన్…రెండు వరల్డ్ కప్ లు అందించిన సారథి… అందుకే ఐపీఎల్ ఆరంభ సీజన్ లో ధోనీని దక్కించుకునేందుకు ఫ్రాంచైజీలు పోటీపడ్డాయి. చివరికి చెన్నై సూపర్ కింగ్స్ వేలంలో ధోనీని దక్కించుకుని సారథిగా నియమించింది. అప్పటి నుంచి సీఎస్కే కెప్టెన్ విషయంలో వెనుదిరిగి చూసుకోలేదు. జట్టును ఛాంపియన్ గా నిలిపినప్పుడూ, వైఫల్యాల బాటలో ఉన్నప్పుడు ఫ్రాంచైజీనే కాదు చెన్నై ఫ్యాన్స్ కూడా ధోనీకి ఎప్పుడూ మద్ధతిచ్చేవారు. సీఎస్కేతో అనుబంధం ఎలాంటిదంటే ధోనీని తలాగా పిలుచుకుంటారు.
తొలి సీజన్లోనే చెన్నైని ఫైనల్కు చేర్చిన ఘనత అతని సొంతం. 2010, 2011, 2018, 2021, 2023 సీజన్లలో టైటిల్ అందించాడు. అంతేకాదు.. ధోని కెప్టెన్సీలో సీఎస్కే 2012, 2013, 2015, 2019లో రన్నరప్గానూ నిలిచింది.
నిజానికి 2022లోనే మహి కెప్టెన్సీ పగ్గాలను వదిలేశాడు. తన వారసుడిగా టీమిండియా ఆల్రౌండర్ రవీంద్ర జడేజాకు సారథ్య బాధ్యతలు అప్పగించాడు. అయితే ఈ నిర్ణయం బెడిసికొట్టింది. కెప్టెన్గా భారాన్ని మోయలేక తీవ్ర ఒత్తిడికి లోనైన జడ్డూ.. ఆల్రౌండర్గానూ విఫలమై విమర్శల పాలయ్యాడు. ఈ క్రమంలో ఆఖరి మ్యాచ్లకు కూడా అందుబాటులో లేకుండా పోవడంతో మళ్లీ ధోనినే కెప్టెన్సీ చేపట్టాడు. ఆ చేదు జ్ఞాపకాలను మరిపించేలా 2023లో చెన్నైకి పూర్వవైభవం అందించాడు. 41 ఏళ్ల వయసులో సీఎస్కేను ఐదోసారి చాంపియన్గా నిలబెట్టాడు.
ఇప్పుడు 17వ సీజన్ ఆరంభానికి ముందు రుతురాజ్ కు కెప్టెన్సీ అప్పగిస్తూ నిర్ణయం తీసుకున్నాడు. అయితే ఈ ప్రకటన సీఎస్కేతో పాటు ఐపీఎల్ సగటు అభిమాని గుండెను కూడా ముక్కలు చేసింది. సారథిగా ధోనీని ఇక చూడలేమా అంటూ తలా ఫ్యాన్స్ ఆవేదన వ్యక్తం చేస్తున్నారు. మార్పు మంచిదే అయినా.. ఓ స్వర్ణ యుగం ముగిసిపోయిందని కామెంట్లు చేస్తున్నారు. ధోని పట్ల అభిమానం చాటుకుంటూ వీడియోలు షేర్ చేస్తూ అతడి పేరును ట్రెండ్ చేస్తున్నారు. ప్రస్తుతం ధోనీ కెప్టెన్సీ వదిలేసిన వార్త ట్రెండింగ్ లో నడుస్తోంది.
We have arrived! Here are the stories on which the Kings Arena stands!🦁📹
Watch the first episode of All Things Yellove exclusively out now on our website! 🥳#WhistlePodu #AllThingsYellove 🦁💛— Chennai Super Kings (@ChennaiIPL) March 20, 2024
Also Read: Decoding Dhoni: కెప్టెన్లకే కెప్టెన్ లాంటోడు.. సారథిగా ధోనీ రికార్డులు ఇవే
Tags
Related News
DC vs MI: ఐపీఎల్లో నేడు ఢిల్లీ వర్సెస్ ముంబై.. గెలిచెదెవరో..?
ఇండియన్ ప్రీమియర్ లీగ్ (ఐపీఎల్) మ్యాచ్ నంబర్-43లో ఢిల్లీ క్యాపిటల్స్ వర్సెస్ ముంబై ఇండియన్స్ జట్ల మధ్య మ్యాచ్ జరగనుంది.