Delhi Capitals: ఢిల్లీ క్యాపిటల్స్ కోచ్ రేసులో ముగ్గురు దిగ్గజ ఆటగాళ్లు..?
ఐపీఎల్లో గత ఏడేళ్లుగా ఢిల్లీ క్యాపిటల్స్ (Delhi Capitals)కు కోచ్గా ఉన్న ఆస్ట్రేలియా మాజీ దిగ్గజం రికీ పాంటింగ్ ఎట్టకేలకు జట్టును వీడాడు.
- By Gopichand Published Date - 12:31 AM, Mon - 15 July 24
![Delhi Capitals: ఢిల్లీ క్యాపిటల్స్ కోచ్ రేసులో ముగ్గురు దిగ్గజ ఆటగాళ్లు..?](https://d1x8bgrwj9curj.cloudfront.net/wp-content/uploads/2024/05/Delhi-Capitals.jpg)
Delhi Capitals: ఐపీఎల్లో గత ఏడేళ్లుగా ఢిల్లీ క్యాపిటల్స్ (Delhi Capitals)కు కోచ్గా ఉన్న ఆస్ట్రేలియా మాజీ దిగ్గజం రికీ పాంటింగ్ ఎట్టకేలకు జట్టును వీడాడు. ఢిల్లీ క్యాపిటల్స్తో పాంటింగ్ ఒప్పందం నిన్నటితో ముగిసింది. పాంటింగ్ తర్వాత ఇప్పుడు ఫ్రాంచైజీ కొత్త కోచ్ కోసం వెతుకుతోంది. దీనికి సంబంధించి ముగ్గురు దిగ్గజాల పేర్లను ఫ్రాంచైజీ పరిశీలిస్తున్నట్లు తెలుస్తోంది. ఇందులో ఇద్దరు భారతీయులు, ఒక విదేశీ మాజీ ఆటగాడి పేరు ప్రముఖంగా వినిపిస్తోంది.
సౌరవ్ గంగూలీ
ఈ జాబితాలో తొలి పేరు టీమిండియా మాజీ కెప్టెన్ సౌరవ్ గంగూలీ పేరు. గంగూలీకి ఢిల్లీ క్యాపిటల్స్తో క్రికెట్ డైరెక్టర్గా చాలా కాలంగా అనుబంధం ఉంది. ఇటువంటి పరిస్థితిలో జట్టులోని ఆటగాళ్లందరితో అతని సమన్వయం కూడా బాగుంది. ఢిల్లీ క్యాపిటల్స్కు కోచ్గా ఉండాలనే కోరికను గంగూలీ ఇటీవల కూడా వ్యక్తం చేశాడు. అయితే దీనికి సంబంధించి ఇప్పటి వరకు ఎలాంటి అధికారిక సమాచారం ఫ్రాంచైజీ వెల్లడించలేదు.
Also Read: Champions Trophy 2025: టీమిండియా కోసం రంగంలోకి దిగిన ఐసీసీ..!
మహేల జయవర్ధనే
ఈ జాబితాలో శ్రీలంక మాజీ కెప్టెన్ మహేల జయవర్ధనే పేరు కూడా వినిపిస్తోంది. జయవర్ధనే గతంలో ఐపీఎల్లో కోచ్గా కూడా వ్యవహరించాడు. 2017లో ముంబై ఇండియన్స్కు జయవర్ధనే కోచ్గా నియమితులయ్యారు. ఆ తర్వాత జయవర్ధనే 2019 వరకు ముంబై ఇండియన్స్కు కోచ్గా ఉన్నారు. అతని కోచింగ్ కెరీర్లో ముంబై ఇండియన్స్కు రెండు IPL ట్రోఫీలు గెలవడంలో జయవర్ధనే ముఖ్యమైన పాత్ర పోషించాడు. జయవర్ధనేకు చాలా కోచింగ్ అనుభవం ఉంది. దీంతో మహేల జయవర్ధనే ఢిల్లీ క్యాపిటల్స్కు కోచ్గా మారితే జట్టు పరిస్థితి చాలా మెరుగుపడుతుందని ఫ్రాంచైజీ భావిస్తున్నట్లు సమాచారం.
We’re now on WhatsApp. Click to Join.
వీవీఎస్ లక్ష్మణ్
అనేక నివేదికల ప్రకారం.. ఢిల్లీ క్యాపిటల్స్ కొత్త కోచ్గా VVS లక్ష్మణ్ పేరు కూడా పరిగణనలోకి తీసుకుందని సమాచారం. వీవీఎస్ లక్ష్మణ్కు కోచింగ్ అనుభవం కూడా ఎక్కువ. ప్రస్తుతం లక్ష్మణ్ జింబాబ్వే టూర్లో టీం ఇండియాకు కోచ్గా వ్యవహరిస్తున్నాడు. ఇంతకు ముందు లక్ష్మణ్ చాలా సిరీస్లలో టీమ్ ఇండియా కోచ్గా ఉన్నాడు. ప్రస్తుతం లక్ష్మణ్ జాతీయ క్రికెట్ అకాడమీ డైరెక్టర్గా ఉన్నారు. అయితే ఆయన పదవీకాలం కూడా ఈ ఏడాదితో ముగియనుంది. ఇలాంటి పరిస్థితుల్లో అతడిని ఢిల్లీ క్యాపిటల్స్కు కోచ్గా చేసే అవకాశం ఉన్నట్లు పలు నివేదికలు వచ్చాయి.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Glenn Maxwell: మాక్స్వెల్కు గుడ్ బై చెప్పనున్న ఆర్సీబీ.. కారణమిదే..?](https://d1x8bgrwj9curj.cloudfront.net/wp-content/uploads/2024/01/Maxwell-briefly-hospitalise.jpg)
Glenn Maxwell: మాక్స్వెల్కు గుడ్ బై చెప్పనున్న ఆర్సీబీ.. కారణమిదే..?
బ్యాటింగ్లో పేలవ ప్రదర్శన కనబరిచిన మ్యాక్స్వెల్ బౌలింగ్లోనూ పేలవ ప్రదర్శన కనబరిచాడు. ఐపీఎల్ 2024లో మ్యాక్స్వెల్ బౌలింగ్లో పెద్దగా రాణించలేకపోయాడు.