Players Retire: క్రికెట్ అభిమానుల‌కు షాక్‌.. వారం రోజుల్లో న‌లుగురు క్రికెట‌ర్లు రిటైర్‌..!

Players Retire

Players Retire: గత వారం క్రికెట్ ప్రపంచంలోని అభిమానులు షాకింగ్ న్యూస్‌లు విన్నారు. నలుగురు ఆటగాళ్లు ఒకరి తర్వాత ఒకరు అంతర్జాతీయ క్రికెట్‌కు రిటైర్మెంట్ (Players Retire) ఇవ్వడంతో అభిమానులకు పెద్ద షాక్ తగిలింది. ఈ ఆటగాళ్లందరూ చాలా కాలం పాటు తమ తమ జట్లకు దూరంగా ఉన్నారు. ఈ జాబితాలో ఇద్దరు భారత ఆటగాళ్లు కూడా ఉన్నారు. నిన్ననే ఓ భారత క్రికెటర్ అంతర్జాతీయ క్రికెట్‌కు వీడ్కోలు పలికాడు.

ఈ నలుగురు ఆటగాళ్లు రిటైరయ్యారు

బరీందర్ సింగ్ సరన్

బరీందర్ సింగ్ సరన్ 2016 సంవత్సరంలో భారత జట్టుకు అరంగేట్రం చేసాడు. అదే సంవత్సరంలో అతను తన చివరి అంతర్జాతీయ మ్యాచ్ కూడా ఆడాడు. గత 8 సంవత్సరాలుగా బరీందర్ టీమ్ ఇండియాలో పునరాగమనం చేయడానికి ప్రయత్నిస్తున్నప్పటికీ అది జరగలేదు. ఆ తర్వాత నిన్న ఆగస్టు 29న అంతర్జాతీయ క్రికెట్‌కు రిటైర్మెంట్ ప్రకటించాడు. బరీందర్ భారత్ తరఫున 6 వన్డేలు, 2 టీ20 మ్యాచ్‌లు ఆడాడు.

షానన్ గాబ్రియేల్

వెస్టిండీస్ ఫాస్ట్ బౌలర్ షానన్ గాబ్రియెల్ ఆగస్టు 28న అంతర్జాతీయ క్రికెట్‌కు రిటైర్మెంట్ ప్రకటించాడు. షానన్ గాబ్రియెల్ వెస్టిండీస్ తరపున 12 సంవత్సరాలు క్రికెట్ ఆడాడు. షానన్ గాబ్రియెల్ చాలా కాలం వెస్టిండీస్ జట్టుకు దూరంగా ఉన్నాడు. వెస్టిండీస్ తరఫున 59 టెస్టులు, 25 వన్డేలు, 2 టీ20 మ్యాచ్‌లు ఆడాడు.

Also Read: Hyderabad Water Band: హైదరాబాద్‌లోని పలు ప్రాంతాల్లో తాగునీటి సరఫరా బంద్

డేవిడ్ మలన్

ఇంగ్లండ్ పేలుడు బ్యాట్స్‌మెన్ డేవిడ్ మలన్ కూడా ఈ వారం అంతర్జాతీయ క్రికెట్‌కు రిటైర్మెంట్ ప్రకటించాడు. మలన్ ఒకప్పుడు T20 అంతర్జాతీయ క్రికెట్‌లో నంబర్-1 ర్యాంక్‌లో ఉండేవాడు. 2023 వన్డే ప్రపంచకప్ నుంచి మలన్ ఇంగ్లండ్ జట్టుకు దూరంగా ఉన్నాడు. తన క్రికెట్ కెరీర్‌లో మలన్ ఇంగ్లండ్ తరపున 22 టెస్టులు, 30 వన్డేలు మరియు 62 టీ20 మ్యాచ్‌లు ఆడాడు.

We’re now on WhatsApp. Click to Join.

శిఖర్ ధావన్

భారత జట్టు మాజీ ఓపెనర్ శిఖర్ ధావన్ ఆగస్టు 24న అంతర్జాతీయ క్రికెట్‌కు రిటైర్మెంట్ ప్రకటించాడు. ధావన్ చాలా కాలంగా టీమ్ ఇండియాకు దూరంగా ఉన్నాడు. ఇన్‌స్టాగ్రామ్‌లో ఓ వీడియోను షేర్ చేయడం ద్వారా ధావన్ రిటైర్మెంట్ ప్రకటించాడు. ధావన్ భారత జట్టు తరఫున 167 వన్డేలు, 34 టెస్టులు, 68 టీ20 మ్యాచ్‌లు ఆడాడు. ధావన్ వన్డేల్లో 17 సెంచరీలు కూడా చేశాడు.

Follow us