Aparna Iyer: విప్రో కొత్త సీఎఫ్‌ఓగా అపర్ణ అయ్యర్.. ఎవరీ అపర్ణ అయ్యర్..!
దేశంలోని నాల్గవ అతిపెద్ద కంపెనీ విప్రో (Wipro) తన కొత్త CFOని ప్రకటించింది. కొత్త చీఫ్ ఫైనాన్షియల్ ఆఫీసర్‌గా అపర్ణ అయ్యర్ (Aparna Iyer) నియమితులయ్యారు.
- By Gopichand Published Date - 01:06 PM, Sat - 23 September 23
Aparna Iyer: దేశంలోని నాల్గవ అతిపెద్ద కంపెనీ విప్రో (Wipro) తన కొత్త CFOని ప్రకటించింది. కొత్త చీఫ్ ఫైనాన్షియల్ ఆఫీసర్‌గా అపర్ణ అయ్యర్ (Aparna Iyer) నియమితులయ్యారు. ఇంతకు ముందు ఈ పదవిని జతిన్ దలాల్ నిర్వహించారు. ఆయన తన పదవికి రాజీనామా చేశారు. రాజీనామా తర్వాత కూడా జతిన్ దలాల్ నవంబర్ 30 వరకు ఈ పదవిలో కొనసాగుతారు. శుక్రవారం విప్రో షేర్లలో 2 శాతం క్షీణత కనిపించింది. అపర్ణ అయ్యర్ ఇప్పుడు CFOగా భారీ బాధ్యతలు తీసుకోనున్నారు. అపర్ణ అయ్యర్ ఎవరో ఇప్పుడు తెలుసుకుందాం..?
అపర్ణ అయ్యర్ ఎవరు?
అపర్ణ అయ్యర్ విప్రోతో 20 సంవత్సరాలు అనుబంధం కలిగి ఉన్నారు. సీనియర్ ఇంటర్నల్ ఆడిటర్‌గా పనిచేశారు. ఆమె 2003 నుండి ఈ కంపెనీతో అనుబంధం కలిగి ఉంది. అర్హత ప్రకారం.. ఆమె 2002 CA బ్యాచ్‌కి చెందిన చార్టర్డ్ అకౌంటెంట్ బంగారు పతక విజేత. అయ్యర్ 2001లో ముంబైలోని నర్సీ మోంజీ నుండి కామర్స్ డిగ్రీని పొందారు.
20 ఏళ్ల కెరీర్‌లో ఎన్నో బాధ్యతలు చేపట్టారు
గత 20 ఏళ్లలో అపర్ణ అనేక బాధ్యతలను నిర్వహించారు. ఆమె బాధ్యతలలో అంతర్గత ఆడిట్, బిజినెస్ ఫైనాన్స్, ఫైనాన్స్ ప్లానింగ్, విశ్లేషణ, కార్పొరేట్ ట్రెజరీ ఉన్నాయి. అయ్యర్ చీఫ్ ఎగ్జిక్యూటివ్ థియరీ డెలాపోర్టేకు నివేదించి, విప్రో ఎగ్జిక్యూటివ్ బోర్డులో చేరతారని విప్రో స్టాక్ ఎక్స్ఛేంజీ ప్రకటనలో తెలిపింది.
Also Read: Kerala Boycott Leo: ట్రెండింగ్ లో “కేరళ బాయ్‌కాట్ లియో” హ్యాష్‌ట్యాగ్.. కారణమిదే..?
ఈ అధికారులు ఈ ఏడాది విప్రోను విడిచిపెట్టారు
ఈ ఏడాది విప్రోను విడిచిపెట్టిన సీనియర్ అధికారుల్లో చీఫ్ ఆపరేషన్స్ ఆఫీసర్ సంజీవ్ సింగ్ కూడా ఉన్నారు. ఇది కాకుండా కంట్రీ హెడ్ సత్య ఈశ్వరన్, SVP, అమెరికా హెల్త్ కేర్ అండ్ మెడికల్ ప్రొడక్ట్స్ చీఫ్ మహమ్మద్ హక్ రాజీనామా చేశారు.
wipro మార్కెట్ క్యాప్
విప్రోను 1945లో అజీమ్ ప్రేమ్‌జీ స్థాపించారు. అతని మొత్తం సంపద 11.5 బిలియన్ డాలర్లు. మనీకంట్రోల్ ప్రకారం.. ఈ దిగ్గజం కంపెనీ మార్కెట్ రూ.218,790 కోట్లుగా ఉంది.
