Vijay Devarakonda: లవ్ మ్యారేజ్ అంటూ కంఫర్మ్ చేసిన రౌడీ హీరో.. పిల్లలు కావాలి కదా అంటూ!

టాలీవుడ్ రౌడీ హీరో విజయ్ దేవరకొండ గురించి ప్రత్యేకంగా పరిచయం అక్కర్లేదు. విజయ్ దేవరకొండ ప్రస్తుతం వరుసగా సినిమాలలో నటిస్తూ దూసుకుపోతున్న విషయం తెలిసిందే. అందులో భాగంగానే గత ఏడాది ఖుషి మూవీతో ప్రేక్షకులను పలకరించిన విజయ్, ఈ సినిమాతో సూపర్ హిట్ సినిమాను తన ఖాతాలో వేసుకున్నారు విజయ్. కాగా విజయ్ ప్రస్తుతం పరశురామ్ దర్శకత్వంలో ఫ్యామిలీ స్టార్ అనే సినిమాలో నటిస్తున్నారు. మృణాల్ ఠాకూర్ హీరోయిన్‌గా నటిస్తున్న ఈ సినిమాకి గోపీ సుందర్ సంగీతం అందిస్తున్నారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు ఈ మూవీని నిర్మిస్తున్నారు.

ఈ మూవీ నుండి రిలీజైన గ్లింప్స్‌కి మంచి రెస్పాన్స్ వచ్చింది. ఈ సినిమాపై భారీగా అంచనాలు నెలకొన్నాయి. ఈ సినిమా ఏప్రిల్ 5 న విడుదల కానున్న సందర్భంగా మూవీ మేకర్స్ ప్రమోషన్స్ ని వేగవంతం చేశారు. తమిళంలో కూడా ఈ చిత్రం రిలీజ్ కి రెడీ అవుతోంది. దీనితో ఈ చిత్రానికి ప్రమోషన్స్ చేసేందుకు చిత్ర యూనిట్ చెన్నై వెళ్లారు. అక్కడ మీడియా సమావేశంలో విజయ్ దేవరకొండ పాల్గొన్నారు. విజయ్ దేవరకొండ గురించి తరచుగా రూమర్స్ వస్తూనే ఉంటాయి. అలాంటప్పుడు విజయ్ మీడియా ముందుకు వెళితే ఆ ప్రశ్నలే ఎదురవుతాయి. విజయ్ దేవరకొండ, రష్మిక మందన్న మధ్య సంథింగ్ సంథింగ్ అంటూ రూమర్స్ వస్తూనే ఉన్నాయి.

అందుకు తగ్గట్లుగా విజయ్, రష్మిక హింట్స్ ఇస్తూనే ఉన్నారు. అయితే తమిళ మీడియా విజయ్ దేవరకొండ పెళ్లి గురించి ప్రశ్నించింది. ఈ ఏడాది మీరు పెళ్లి చేసుకుంటారా అని ప్రశ్నించగా.. విజయ్ స్పందిస్తూ.. పెళ్లి తప్పకుండా చేసుకుంటాను. నాకు కూడా పిల్లలు కావాలి కదా.. కాకపోతే ఈ ఏడాది చేసుకోను అని విజయ్ దేవరకొండ క్లారిటీ ఇచ్చారు. తాను చేసుకోబోయేది లవ్ మ్యారేజే అని కూడా విజయ్ దేవరకొండ కంఫర్మ్ చేశాడు. ఇంట్లో వాళ్ళకి నచ్చిన అమ్మాయినే ప్రేమించి పెళ్లి చేసుకుంటా అని విజయ్ దేవరకొండ క్లారిటీ ఇచ్చారు. విజయ్ దేవరకొండ, రష్మిక ఇద్దరూ డీప్ లవ్ లో ఉన్నారని మాత్రం ఫ్యాన్స్ భావిస్తున్నారు.