Russia-Ukraine war: 9166 మంది రష్యా సైనికుల్నిలేపేశారు..!

ఉక్రెయిన్, ర‌ష్యాల మ‌ధ్య జ‌రుగుతున్నయుద్ధంలో, రెండు దేశాలు త‌గ్గేదెలే అంటున్నాయి. ర‌ష్యా సైనిక బ‌ల‌గాల దాడికి ఉక్రెయిన్ ఉక్కిరి బిక్కిరి అవుతున్నా, ర‌ష్యాకు కూడా తీవ్ర న‌ష్టం జ‌రుగుతుంద‌ని వార్త‌లు వ‌స్తున్నాయి. ఈ క్ర‌మంలో ఇప్ప‌టి వ‌ర‌కు 9,166 మంది రష్యా సైనికులు హ‌త‌మ‌య్యార‌ని చంపేశామ‌ని ఉక్రెయిన్ ర‌క్ష‌ణ‌శాఖ వెల్ల‌డించింది. ర‌ష్యాకు సంబంధించిన 251 యుద్ధ ట్యాంకులను కూడా ధ్వంసం చేశామని ఉక్రెయిన్ తెలిపింది.

ఉక్రెయిన్‌లో భీభ‌త్సం సృష్టిస్తున్న ర‌ష్యాను ఒంట‌రిగానే ఎదుర‌క్కుటున్నామ‌ని, ఈ క్ర‌మంలో 33 యుద్ధ విమానాలు, 37 హెలికాప్టర్లను కూల్చేశామని వెల్లడించింది. తమ దాడుల్లో రష్యాకు చెందిన 105 ఫిరంగులు, 939 సిబ్బందిని తరలించే వాహనాలు, 50 క్షిపణి లాంచర్లు, 2 పడవలు, 404 కార్లు, 60 ఇంధన ట్యాంకులు, 3 డ్రోన్లు, 18 యుద్ధ విమాన వినాశక మిసైల్ వ్యవస్థలను ధ్వంసం చేశామని ఉక్రెయిన్ ప్ర‌క‌టించింది. ఇక ఈ యుధ్ధంలో తమ సైనికులతో పాటు పౌరులు సైతం ప్రాణాల‌కు లెక్క‌చేయ‌కుండా ర‌ష్య‌న్ సైనంతో పోరాటం చేస్తున్నాయ‌ని, ఎట్టి పరిస్థితుల్లో రష్యాకు లొంగిపోయే చాన్స్ లేద‌ని ఉక్రెయిన్ తేల్చి చెప్పింది.