Turkey Earthquake : తెల్లవారుజామున టర్కీలో భూకంపం.. పరుగులు తీసిన జనం..

Turkey Earthquake : టర్కీ సరిహద్దుల్లో భూకంపం భారీ ప్రకంపనలను కలిగించింది. డోడెకానీస్ దీవుల సమీపంలో శనివారం అర్ధరాత్రి సమయంలో 6.2 తీవ్రతతో భూకంపం సంభవించింది. ఈ భూకంపం 23:17 UTCకు నమోదై, రోడ్స్ నుండి సుమారు 18 కిలోమీటర్ల దూరంలో, 68 కిలోమీటర్ల లోతులో కేంద్రబిందువుతో సంభవించినట్లు యూరో-మెడిటరేనియన్ సీస్మోలాజికల్ సెంటర్ (EMSC) వెల్లడించింది.

దీనివల్ల దక్షిణ గ్రీస్, పశ్చిమ టర్కీ తీర ప్రాంతాల్లో ప్రకంపనలు తీవ్రంగా అనిపించాయని నివేదికలు చెబుతున్నాయి. ప్రస్తుతానికి ప్రాణనష్టం లేదా ఆస్తినష్టం గురించి అధికారికంగా ఏమీ వెల్లడించకపోయినా, స్థానిక అధికారులు అప్రమత్తంగా ఉంటూ నష్టాన్ని అంచనా వేస్తున్నారు. అనంతర ప్రకంపనలు సంభవించే అవకాశాన్ని దృష్టిలో ఉంచుకొని రెస్క్యూ బృందాలు సిద్ధంగా ఉంచబడ్డాయి.

Usha Vance : భారత పర్యటన మరువలేని అనుభవం.. మోడీ తాతలా మెలిగారు..!

ఇక మరోవైపు, టర్కీలోని మార్మారిస్ పట్టణంలో రిక్టర్ స్కేలుపై 5.8 తీవ్రతతో మరో భూకంపం చోటుచేసుకుంది. ఈ ఘటనలో భయంతో ఇళ్ల నుంచి పరుగులు తీసిన ప్రజలలో ఏడుగురు గాయపడ్డారు. భూప్రకంపనలు స్థానికంగా తీవ్ర భయాందోళనలకు కారణమయ్యాయి. అయితే పరిస్థితిని అధికారులు త్వరగా అదుపులోకి తీసుకొచ్చారు.

ఈ భూకంపాలు మధ్యధరా సముద్రంలోని విస్తృత ప్రాంతానికి ప్రభావం చూపాయి. ఉదయం 2:17కి మొదటి ప్రకంపనలు వచ్చాయని, గ్రీకు ద్వీపం రోడ్స్‌తో పాటు పరిసర ప్రాంతాలూ ప్రకంపనలతో వణికాయని స్థానిక వనరులు తెలిపాయి. ప్రస్తుతానికి ప్రజలను అప్రమత్తంగా ఉండాలని, అధికారాలు సూచిస్తున్నాయి.

Pawan Kalyan : పవన్ కళ్యాణ్ అభిమానులకు మరో గుడ్‌ న్యూస్‌.. ఉస్తాద్ భగత్ సింగ్ అప్డేట్‌