RCB Win:ముంబై ఇండియన్స్ నాలుగో ఓటమి

ఐపీఎల్‌ 15వ సీజన్‌లో ముంబై ఇండియన్స్ పరాజయాల పరంపర కొనసాగుతోంది. వరుస ఓటముల్లో డిఫెండింగ్ ఛాంపియన్ చెన్నై సూపర్‌కింగ్స్‌తో పోటీపడుతున్న రోహిత్‌సేన తాజాగా నాలుగో పరాజయాన్ని మూటగట్టుకుంది. దాదాపు ఏకపక్షంగా సాగిన పోరులో రాయల్ ఛాలెంజర్స్ బెంగళూరు 7 వికెట్ల తేడాతో ముంబైని చిత్తు చేసింది. మొదట బ్యాటింగ్‌కు దిగిన ముంబైకి ఓపెనర్లు మంచి ఆరంభాన్నే ఇచ్చారు. తొలి వికెట్‌కు 6.2 ఓవర్లలోనే 50 పరుగులు జోడించారు. అయితే వీరిద్దరూ ఔటైన తర్వాత మిగిలిన బ్యాటర్లు విఫలమయ్యారు.

బ్రెవిస్ 8 పరుగులకే ఔటవగా.. ఫామ్‌లో ఉన్న తిలక్‌ వర్మ, పొల్లార్డ్ డకౌటయ్యారు. రమణ్‌దీప్‌సింగ్ 6 పరుగులకే ఔటవగా…సూర్యకుమార్ యాదవ్ ఒక్కడే ఒంటరి పోరాటం చేశాడు. తన ఫామ్ కొనసాగిస్తూ కేవలం 37 బంతుల్లోనే 5 ఫోర్లు, 6 సిక్సర్లతో 68 రన్స్ చేశాడు. దీంతో ముంబై 20 ఓవర్లలో 6 వికెట్లకు 151 పరుగులు చేసింది.ఒక దశలో 79 పరుగులకే 6 వికెట్లు కోల్పోయి కష్టాల్లో ఉన్న ముంబై సూర్యకుమార్ మెరుపు ఇన్నింగ్స్ కారణంగానే 150 దాటగలిగింది. బెంగళూరు బౌలర్లలో హసరంగ 2 , హర్షల్ పటేల్ 2 , అక్షదీప్‌సింగ్ 1 వికెట్ పడగొట్టారు.

152 పరుగుల టార్గెట్‌తో బరిలోకి దిగిన రాయల్ ఛాలెంజర్స్ బెంగళూరు ఓపెనర్లు ధాటిగా ఆడారు. డుప్లెసిస్ , అనూజ్ రావత్ తొలి వికెట్‌కు 50 పరుగులు జోడించారు. డుప్లెసిస్ 16 పరుగులకు ఔటైనా… మరో ఓపెనర్ అనూజ్ రావత్ , విరాట్ కోహ్లీతో కలిసి అదరగొట్టాడు. భారీ సిక్సర్లతో ముంబై బౌలర్లపై పూర్తి ఆధిపత్యం కనబరిచాడు. 47 బంతుల్లోనే 6 సిక్సర్లు, 2 ఫోర్లతో 66 పరుగులు చేసాడు. రావత్ ఔటైనప్పటకీ విరాట్ కోహ్లీ, దినేశ్ కార్తీక్ బెంగళూరు విజయాన్ని మరింత తేలిక చేశారు. కోహ్లీ 36 బంతుల్లో 48 పరుగులు చేసి ఔటయ్యాడు. కాగా ఈ మ్యాచ్‌లో ముంబై బౌలర్లు కూడా పెద్దగా ప్రభావం చూపలేకపోవడం ఆశ్చర్యపరిచింది. దీంతో బెంగళూరు 18.3 ఓవర్లలోనే లక్ష్యాన్ని ఛేదించింది.ఈ సీజన్‌లో ఆర్‌సీబీకి ఇది మూడో విజయం. అటు టైటిల్ ఫేవరెట్లలో ఒకటిగా ఉన్న ముంబై ఇండియన్స్‌కు ఇది నాలుగో ఓటమి.

Our awardees for tonight. 👏🏻👏🏻

Congratulations boys! 🤜🏻🤛🏻#PlayBold #WeAreChallengers #IPL2022  #Mission2022 #RCB  #ನಮ್ಮRCB #MIvRCB pic.twitter.com/2hQ0xxO6UH

— Royal Challengers Bengaluru (@RCBTweets) April 9, 2022