Russia Ukraine Crisis: వెనక్కి తగ్గని రష్యా.. ఉక్రెయిన్ రాజధాని పై బాంబుల వర్షం
- By HashtagU Desk Published Date - 09:34 AM, Thu - 24 February 22
ఉక్రెయిన్, రష్యా మధ్య వార్ మొదలైంది. ప్రపంచ దేశాల ప్రయత్నాలు విఫలమైన నేపధ్యంలో తాజాగా ఉక్రెయిన్పై రష్యా బాంబులతో విరుచుకుపడుతుంది. ఈ క్రమంలో ఉక్రెయిన్ రాజధాని నగరం కీవ్పై మొదట ఫోకస్ పెట్టిన రష్యా, ఉక్రెయిన్లో మూడువైపుల నుంచి దాడి ప్రారంభించింది. ఈ సందర్భంగా ఇప్పటికే మిలటరీ ఆపరేషన్ మొదలైందని రష్యా అధ్యక్షుడు పుతిన్ స్పష్టం చేయడం జరిగింది.
ఈ నేపధ్యంలో ఉక్రెయిన్ సైన్యం తన ఆయుధాలను విడిచిపెట్టాలని పుతిన్ పిలుపునిచ్చారు. రెండు దేశాలకు సంబంధించిన అంశం పై ఇతర దేశాలు జోక్యం చేసుకోవద్దని పుతిన్ వార్నింగ్ ఇచ్చారు. ఇక ఉక్రెయిన్లో నాలుగుచోట్ల మిస్సైల్ ఎటాక్స్ చేసింది రష్యా. ఈ క్రమంలో డాడ్బస్లోకి రష్యా మిలటరీ చొచ్చుకెళ్లింది. ఉక్రెయిన్పై మూడువైపుల నుంచి దాడి ప్రారంభించిన ర రష్యా.. త్రిశూలవ్యూహంతో ఉక్రెయిన్ని చుట్టేసింది. మరోవైపు నాటో, అమెరికా దేశాల హెచ్చరికలు రష్యా బేఖాతరు చేసిన సంగతి తెలిసిందే. ఇకపోతే ఇప్పటికే ఉక్రెయిన్, రష్యాల మధ్య వార్ నేపధ్యంలో నెలరోజుల పాటు ఎమెర్జెన్సీ కొనసాగుతుందని ఉక్రెయిన్ ప్రభుత్వం స్పష్టం చేసింది.
Related News
Russia Vs West : మాస్కోపై ఉగ్రదాడి పశ్చిమ దేశాల పనే.. రష్యా సంచలన ఆరోపణలు
Russia Vs West : రష్యా రాజధాని మాస్కోపై మార్చి 21న జరిగిన భీకర ఉగ్రదాడి వెనుక ఉక్రెయినే ఉందని పుతిన్ పదేపదే చెబుతున్నారు.