RRR In T-Congress: టీ కాంగ్రెస్ లో ‘ఆర్ఆర్ఆర్’
RRR పేరులో ఏదో మ్యాజిక్ ఉంది. ఆర్ఆర్ఆర్ సినిమాకు విపరీతమైన ప్రశంసలు రావడం మనం చూశాం. చూస్తున్నాం కూడా.
- By Balu J Published Date - 12:05 PM, Wed - 20 July 22
RRR పేరులో ఏదో మ్యాజిక్ ఉంది. ఆర్ఆర్ఆర్ సినిమాకు ప్రపంచవ్యాప్తంగా విపరీతమైన ప్రశంసలు రావడం మనం చూశాం. చూస్తున్నాం కూడా. అయితే ఆర్ఆర్ఆర్ మ్యాజిక్ సినిమలకే పరిమితం కాలేదు.. రాజకీయాలకు కూడా RRR ఫీవర్ పట్టుకుంది. ఇప్పుడు రాజకీయాల్లో ఆర్ఆర్ఆర్ పేరు వినిపించడం ట్రెండ్ గా మారింది. ఇప్పటికే YSRCP రెబల్ ఎంపీ రఘు రామకృష్ణంరాజును RRR అంటారు. అతనికి పెద్ద పేరు ఉంది (రఘరామరాజు) కాబట్టి.. మీడియా అతనికి RRR అనే పేరు పెట్టింది. ఇక భారతీయ జనతా పార్టీ తెలంగాణ కు RRR ట్యాగ్ ఉంది. ఎమ్మెల్యేలు రఘునందన్ రావు, రాజా సింగ్, ఈటల రాజేందర్ ఉన్నారు. ఇప్పుడు RRR ఉన్న పార్టీల జాబితాలో మరో పార్టీ చేరింది. రాష్ట్ర ప్రయోజనాల కోసం పోరాడుతున్న గ్రాండ్ ఓల్డ్ కాంగ్రెస్ పార్టీ తెలంగాణ విభాగం తమ పార్టీకి చెందిన ఆర్‌ఆర్‌ఆర్‌ను సోషల్ మీడియా వేదికగా షర్ చేసుకుంది.
టీపీసీసీ చీఫ్ రేవంత్ రెడ్డి, లోక్‌సభ సభ్యుడు ఎన్. ఉత్తమ్ కుమార్ రెడ్డి, భువనగిరి లోక్‌సభ సభ్యుడు కోమటిరెడ్డి వెంకట రెడ్డిల చిత్రాన్ని పంచుకుంటూ.. టీ కాంగ్రెస్ ఆర్ఆర్ఆర్ తెలుగు టైటిల్ అయిన రణం, రౌద్రం, రుధిరం అని పోస్ట్ చేసింది. RRR ఫీవర్ కు ఎండ్ పడలేదు. రాజకీయ పార్టీలు కూడా దాని నుండి బయటకు రాలేకపోతున్నట్లు కనిపిస్తోంది. అసెంబ్లీ శీతాకాల సమావేశాలు జరిగినప్పుడు, T-BJP RRR అనే పదాన్ని చురుగ్గా ఉపయోగించింది. ముగ్గురు ఎమ్మెల్యేల గురించి మాట్లాడుతూ RRR ప్రజల కోసం పోరాడుతోంది. ఇప్పుడు కాంగ్రెస్ పార్టీ కూడా ఆర్ఆర్ఆర్ ఆస్త్రం సంధించబోతోంది. రాష్ట్రంలో వరదల కోసం టి-కాంగ్రెస్ ఎంపీలు సభలో గళం విప్పడంతో ఆ పార్టీ ఈ కోణంలో ఉపయోగించి ఉండవచ్చునని రాజకీయ నేతలు భావిస్తున్నారు. గతంలో కోమటిరెడ్డి వెంటక్ రెడ్డి మధ్య కొంత విభేధాలుండేవి. కానీ ఇటీవల వారిద్దరు తరచుగా ఒకే వేదికల మీద సందడి చేస్తుండటంతో టీకాంగ్రెస్ లో కొత్త జోష్ కనిపిస్తోంది. దీనికితోడు ఉత్తమ్ కుమార్ రెడ్డి కూడా తన గళాన్ని పెంచడంతో టీకాంగ్రెస్ లో ఆర్ఆర్ఆర్ ప్రభావం కనిపిస్తోంది.
On the first day of Monsoon Session of Parliament, a brief chat with fellow @INCIndia MPs from Telangana, Shri @revanth_anumula & Shri @KomatireddyKVR, on the steps at the entrance of Parliament House after casting our vote in elections for the President of India.#Parliament pic.twitter.com/rMYSLhNDOK
— Uttam Kumar Reddy (@UttamINC) July 18, 2022
