Mumbai Fire Accident: ముంబైలోని స్క్రాప్ గోదాములో భారీ అగ్నిప్రమాదం

ముంబై (Mumbai)లోని మన్‌ఖుర్డ్ ప్రాంతంలోని స్క్రాప్ గోదాములో భారీ అగ్నిప్రమాదం (Fire Accident) జరిగింది. అగ్నిమాపక దళం వాహనాల సాయంతో మంటలను ఆర్పే పనులు కొనసాగుతున్నాయి. అగ్నిప్రమాదంలో భారీ నష్టం వాటిల్లినట్లు వార్తలు వస్తున్నాయి. ప్రస్తుతం ఈ ఘటనలో ఎలాంటి ప్రాణనష్టం జరిగినట్లు సమాచారం లేదు. అగ్నిప్రమాదానికి గల కారణాలు ఇంకా తెలియరాలేదు. అగ్నిమాపక దళం, పోలీసు శాఖ సిబ్బంది సంఘటనా స్థలంలో ఉన్నారు.

మంఖ్రుద్ ప్రాంతంలోని స్క్రాప్ కాంపౌండ్‌లో మంటలు లెవల్ 3గా ఉన్నాయని ముంబై అగ్నిమాపక దళ విభాగం తెలిపింది. అయితే ఈ అగ్నిప్రమాదంలో ఇప్పటి వరకు ఎలాంటి ప్రాణనష్టం జరగకపోవడం ఉపశమనం కలిగించే అంశం. మన్‌ఖుర్డ్ ప్రాంతంలో అగ్నిప్రమాదం గురించి మంగళవారం తెల్లవారుజామున 3.07 గంటలకు సమాచారం అందిందని ముంబై అగ్నిమాపక విభాగం తెలిపింది. మన్‌ఖుర్డ్‌ లింక్‌ రోడ్డు సమీపంలోని కుర్లా స్క్రాప్‌ కార్పొరేషన్‌ అనే స్క్రాప్‌ కాంపౌండ్‌లో మంటలు చెలరేగినట్లు అగ్నిమాపక శాఖ అధికారులు తెలిపారు.

Also Read: Sudan Crisis: సూడాన్ సంక్షోభం: ఘర్షణల్లో 180 మంది మృతి.. 1,800 మందికి పైగా గాయాలు

#WATCH| Mumbai: Massive fire broke out at a scrap compound in Mankhurd area. Fire tenders present at the spot, and efforts to douse the fire underway. More details awaited pic.twitter.com/lz4pkDA989

— ANI (@ANI) April 18, 2023

నిన్న కూడా థానేలో రెండు స్క్రాప్ గోడౌన్లు అగ్నికి ఆహుతయ్యాయి. మహారాష్ట్రలోని థానే జిల్లాలో సోమవారం తెల్లవారుజామున జరిగిన అగ్ని ప్రమాదంలో రెండు స్క్రాప్ గోడౌన్లు దగ్ధమయ్యాయి. ముంబ్రా-పన్వేల్ రహదారిలోని శిల్పాటా ప్రాంతంలో సోమవారం ఉదయం 6 గంటల ప్రాంతంలో మంటలు చెలరేగాయని థానే మున్సిపల్ కార్పొరేషన్ ప్రాంతీయ విపత్తు నిర్వహణ సెల్ (RDMC) అధిపతి అవినాష్ సావంత్ తెలిపారు. ప్రమాదంలో ఎలాంటి ప్రాణనష్టం జరగలేదని తెలిపారు.