Massive Fire Accident: కింగ్ కోఠిలోని కారు మెకానిక్ షెడ్డులో అగ్నిప్రమాదం.. సెక్యూరిటీ గార్డ్ సజీవ దహనం

Resizeimagesize (1280 X 720)

హైదరాబాద్ నగరంలోని కింగ్ కోఠిలో భారీ అగ్నిప్రమాదం (Massive Fire Accident) జరిగింది. కోఠిలోని కారు మెకానిక్ షెడ్డులో మంటలు చెలరేగాయి. ఈ ప్రమాదంలో ఒకరు సజీవ దహనమైనట్లు సమాచారం. వివరాల ప్రకారం.. కోఠిలోని కారు మెకానిక్ షెడ్డులో శనివారం తెల్లవారుజామున మంటలు చెలరేగాయి. షెడ్డులో పెద్ద ఎత్తున పేలుళ్లు, దట్టమైన పొగలు అలుముకున్నాయి.

Also Read: CM Jagan: నేడు దెందులూరులో సీఎం జగన్ పర్యటన.. పూర్తి షెడ్యూల్ ఇదే..!

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకుని మంటలను అదుపులోకి తీసుకొచ్చారు. కాగా.. మంటల్లో 5 కార్లు పూర్తిగా దగ్ధమైనట్లు తెలుస్తోంది. మరోవైపు కారులో నిద్రిస్తున్న వ్యక్తి సజీవ దహనమయ్యాడు. మృతుడు సెక్యూరిటీ గార్డుగా గుర్తించారు. ఇంకా ఈ ప్రమాదానికి సంబంధించి మరింత సమాచారం తెలియాల్సి ఉంది.

Follow us